Luka 15:17 - Baibo Busansulushi Bwa Libuku Ili

¹⁷ Pesule ndyaakesaamo maano wakalyaamboosha mwiine ayi, ‘Basebenshi boonse ba bata balicite shakulya shiinji abuumbi, ono nebo kuno ntooyanda kufwa kunsala!

Luka 15:17 ပူးပေါင်းရင်းမြစ်များ

Kulumbaisha 119:59

Ndindakayeeya panshila shangu, ndakasanduluka akukonkela kwiisha kwanu.

Kulumbaisha 73:20

Bweenka bulubwa ciloto na muntu wabuka macuunsa, mbweshi bakaloobe bamucita shibi na noBaami baLesa mukabuke.

Shikushimikila 9:3

Ici mbobubi buli mushintu shoonse shicitika pacishi ca panshi. Shoonse cililo ca nkumo ncimwi. Kulilabo na bantu bacili boomi, balayeeya shintu shibiibi alimwi ashabushincinko. Lyalo kumeelelesho balafwa.

Jelemiya 31:19

Pesule lya kupambuka, twakaboola munshila alimwi. Nditwakeshiba ayi twaluba twakalyuuma mucaamba. Twakanyumfwa nsoni akulisenda ceebo cakubisha kwesu kwakuswabo kubwanike.’

Malilo 1:7

Munshiku shakupenshekwa alimwi akwiingooka kwa njiyo, Ndabala ya Jelusalemu yayeeya abuboni boonse ubo mboyakalinga kucite kale kale. Bantu ba njiyo ndibakawita mumaansa a balwani ba njiyo, taaku muntu nabi womwi wakeecafwaako. Balwani ba njiyo bakeelangabo akwiiseka mboyakanyonyoolwa.

Esekelo 18:28

Ulaakuba abuumi ceebo wakayeeya shilubo shoonse nshaacita akushileka, ndushinisho teshi akafweewo.

Osiya 2:7

Balaakunooya cikonkela basunikwi babo, sombi teshi bakabeensheewo. Balaakunooya cibayandoola, sombi teshi bakabacaneewo. Lyalo balaakwaamba ayi, ‘Ntooboolela kubeebaangu bataanshi ceebo kuli mbabo ndakalingako kabotu kwiinda mboombete bulya.’

Luka 15:16

Musankwa uyo wakalinga kukumbwa taaye uyo nkumba ngoshakalinga kulya uko, sombi taaku muntu nabi womwi wakalinga kumupa cakulya.

Luka 16:23

Mpeeke mubile uyo ndyaakalinga mumusena wa bafu, kaapenga cancinencine, wakalanga kwiculu akubona Lasalo kaali kulubasu lwakwe Abulaamu palaale.

Luka 8:35

Lyalo bantu bakesa mukubona cakacitika. Ndibakashika bakacana musankwa Jesu ngwaakakusha bashikaswa ulishiite muliimfwa lyakwe, kaafwete, amaano kaakwenebo kabotu. Lyalo bantu bakaloonda.

Milimo ya Batumwi 12:11

Mpomunyaawo Pita wakeshiba cakacitika akwaamba ayi, “Ono ndeshiiba calushinisho kwaamba ayi Mwaami Lesa ngowatuma munjelo ayi amfuune munkusu shakwe Elodi alimwi akushintu shoonse baJuda nshebalinga kusuni kucita pali ndime.”

Milimo ya Batumwi 2:37

Ono bantu ndibakanyumfwa boobo, bakapenshekwa abuumbi mumyoyo. Lyalo bakeepusha Pita abatumwinyina ayi, “Nobamakwesu, ino tucite buyani?”

Bene Efeso 5:14

Mukwiinga mumuni ulalengesha ayi shintu shoonse shiboneke. Nceceeco ncebaambila ayi, “Buka webo noolete, buka kuswa kubafu lyalo Klistu ulaakulengesha ayi ube mumumuni.”