Luka 14:23 - Baibo Busansulushi Bwa Libuku Ili

²³ Lyalo mwaami wakwe wakakumbula ayi, ‘Koya mutushila amumikondo ya mumishi, ukaambile bantu cankusu ayi bese kwaamba ayi ŋanda yangu isule.

Luka 14:23 ပူးပေါင်းရင်းမြစ်များ

Kulumbaisha 110:3

Bashilumamba bako balaakulyaaba amyoyo yoonse pabushiku bwa nkondo. Bacikula bwangu balaakwisa kuli ndiwe macuunsacuunsa bweenka mbuli mume patulundu tusalalite.

Kulumbaisha 98:3

Wakalama cipangano cakwe kubene Isilaeli. Wakashomeka akutondesha lusuno lwakwe lutamaani kuli mbabo. Lupulusho lwakwe Lesa wesu, bantu boonse mucishi coonse balubona.

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Isaya 27:13

Ubo bushiku bwaakushika lupeenga lunene lulaakulishikwa kwiita bene Isilaeli boonse bali mubusha kucishi ca Asilya aca Ijipiti kwaamba ayi baboole. Ncakwiila balaakwisa mukulambila Mwaami Lesa mundabala ya Jelusalemu, ee, pakalundu kakwe kasalalite.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Mateyo 21:43

“Paceebo ceeco ntoomulwiita ayi mulaakunyaikwa Bweene bwakwe Lesa. Bulaakupekwa kumushobo umwi weshi ukacate shisepo sheelete. [

Mateyo 5:41

Na umwi muntu wakukakatisha kuyaakwe mushinso ulaampa mailo yomwi, anu yaakwe mushinso wa mamailo obilo.

Luka 14:22

Ndyaakaboola musebenshi wakaamba ayi, ‘Nkambo, ndaciita kweelana ambomwaŋambila, ono musena moocili.’

Luka 14:24

Ntoomwaambila ayi taaku nabi womwi pabaabo bakalinga beetwa kataanshi, eshi akamyangeewo shakulya sha pakusekelela kwangu!’ ”

Luka 24:29

Sombi bashikwiiya abo bakamukakatisha akwaamba ayi, “Amwikale aswebo mukwiinga kutooya cishiya.” Aboobo wakenjila akwikalaabo.

Milimo ya Batumwi 16:15

Ndyaakamana kubombekwa abantu abo mbaakalinga kwikalaabo muŋanda yakwe, wakatwiita soonse ayi, “Mbuli mbomwasumina ayi ndashooma amoyo wangu woonse muMwaami Jesu katiya kuŋanda yangu.” Lyalo wakatukombelela ayi tuye.

Milimo ya Batumwi 18:6

Sombi ndibakamupikisha akutalika kwaamba shibiibi kuli nguwe, Paulo wakabonesha kukaka kwabo kwiinda mukulipampa lusuko kushakufwala akubalwiita ayi, “Mwalicaya nobeene! Nebo nshicite mulandu, sobwe. Kuswa sunu ndanooshimikilabo baswamashi bakunsengwe.”

Milimo ya Batumwi 28:28

Paulo wakatolelela kubaambila ayi, “Mulyeelete kwishiba kwaamba ayi beshikushimikila makani a lupulusho akwe Lesa, batumwa kubaswamashi bakunsengwe ceebo balo balakwaanyumfwa!” [

Milimo ya Batumwi 9:15

Sombi Mwaami wakamwaambila alimwi ayi, “Koyabo mukwiinga ndamusala kwaamba ayi ansebensele akunshibya kubaswamashi bakunsengwe, bamaami alimwi abene Isilaeli.

Bene Loma 10:18

Ono sa bene Isilaeli tabakwe kwaanyumfwa Makani aya? Ncakwiila bakaanyumfwa bweenka bwaamba Malembo akwe Lesa ayi, “Maswi abeshikushimikila akanyumfwika mucishi coonse, makani abo akashika akweela cishi.”

2 Bene Kolinto 5:11

Ono tulishi ayi Mwaami ulyeelete kulemekwa, aboobo tuleelesha kunyengelela bantu. Lesa ulishi shoonse shapali ndiswe alimwi ndashoma kwaamba ayi amwebo mulinshi mumyoyo yanu.

2 Bene Kolinto 5:20

Mbulya ono, tutokwiimikanina Klistu. Nceceeco Lesa utoosengesha bantu boonse kwiinda muli ndiswe. Aboobo twamusenga muliina lyakwe Jesu kwaamba ayi mube beshicibusa bakwe Lesa.

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

Bene Kolose 1:28

Klistu ngowooyo ngotushimika. Tulacenjesha akwiisha bantu boonse mubusongo boonse mbotwakapekwa kwaamba ayi babe bantu batacite kampenda muli Klistu.

2 Timoti 4:2

unooshimikila maswi akwe Lesa, muciindi bantu ndibasuni kukutika nabi tau. Kobalulika, kubakalalila alimwi akubayumya mukubeeisha camoyonteeka.