Luka 14:21 - Baibo Busansulushi Bwa Libuku Ili

²¹ “Lyalo musebenshi wakaboolela mukuluula kumwaami wakwe. Mwine ŋanda uyo wakakalala. Mpeeke wakaambila musebenshi ayi, ‘Endesha, koya munshila shinene ashiniini sha mundabala ukeete bakandu, balema myeendo, balema bamwi aboofu.’

Luka 14:21 ပူးပေါင်းရင်းမြစ်များ

Kulumbaisha 2:12

mukwiinga inga mwabusha kalete cakufwambaana, aboobo mulaakufwa cakuteengashila. Balicite coolwe abo boonse baya mukuyuba kuli nguwe.

Kulumbaisha 38:7

Mubili wangu utoopya abuumbi kucimpwita alimwi mubili wangu watyolooka abuumbi.

Isaya 33:23

Intambo sha maato a balwani shasutooka, cisamu cicata shisani shakweensheshako bwaato citooshunkuma, ashalo shisani shakweensheshako bwaato tashitoofunguluka. Paceebo ceeco shintu nsheshi tukasaale shilaakufula abuumbi cakwaamba ayi pakubaana, abalema boonse balaakubwesaako.

Isaya 35:6

Balema ndyeshi bakatambale anga ninsefu. Abalo bacibuulu ndyeshi bakeembe nyimbo shakulumbaisha. Maanshi alaakukunka muliwesa. Ee, tulonga tulaakukunka muluyanga.

Jelemiya 5:1

“Amwiindaane mumikwakwa ya muJelusalemu. Mucenceente akubona. Mulangoole mumansa sha njiyo. Na mucane muntu nabi womwi ushomeka alimwi uyandoola lushinisho, ngayi ntoolekelela ndabala ya Jelusalemu.

Sekaliya 11:11

Aboobo pabushiku ubo cipangano cakamanishikwa. Lyalo abo bakalinga kuula mbelele akushuulisha abo bakalinga kunjebela, bakeshiba ayi Mwaami Lesa utokwaambila musheesho nshendakacita.

Sekaliya 11:7

Abo bakalinga kuula mbelele akushuulisha bakampa ncito yakusheembela. Ndakatalika kweembela mbelele isho shakalinga kweelete kucaikwa. Lyalo ndakabwesa nkoli shobilo akwiita imwi ayi, “Nkumbu,” ayalo imwi ayi, “Kucatana.” Kuswawaawo ndakeembela mbelele isho kabotu.

Mateyo 11:28

“Amwise kuli ndime mwebo noonse nomushiite, nomwalemenwa, nebo ntoomupa kookesha.

Mateyo 11:5

boofu batoolasha, balema myeendo batokweenda, beshimanata batooba kabotu, bashinkite matwi batoonyumfwa, bafu batoobushikwa alimwi bakandu batooshimikilwa Makani Abotu.

Mateyo 15:12

Lyalo bashikwiiya bakwe bakesa mukumwiipusha ayi, “Sa mulishi kwaamba ayi baFalisi tabakwe kukondwa ndibanyumfwa maswi anu?”

Mateyo 18:31

“Ono basebenshinyina bamwi ndibakabona cakacitika, bakakankamana akuba ansooni. Lyalo bakaya mukulwiita mwaami wabo makani aya.

Mateyo 20:7

Abalo bakakumbula ayi, ‘Mukwiinga taaku muntu watwinjisha ncito.’ Lyalo wakabaambila ayi, ‘Anu amwebo kamuya mukasebense kumuunda wangu wa minyansa.’

Luka 14:13

Sombi na wabamba shakulya ayi musekelele, ita bakandu, balema myeendo, balema bamwi alimwi aboofu.

Luka 14:20

Alakwe umwi wakaamba ayi, ‘Nebo ndaswabo mukweeba onoono, aboobo ndaleela.’

Luka 14:22

Ndyaakaboola musebenshi wakaamba ayi, ‘Nkambo, ndaciita kweelana ambomwaŋambila, ono musena moocili.’

Luka 14:24

Ntoomwaambila ayi taaku nabi womwi pabaabo bakalinga beetwa kataanshi, eshi akamyangeewo shakulya sha pakusekelela kwangu!’ ”

Luka 24:47

Cililembetwe alimwi ayi muliina lyakwe Makani Abotu ashimikilwe kubantu ba mishobo yoonse, kutalikila kuJelusalemu kwaamba ayi basanduke kuswa kushibiibi shabo, Lesa ndyeshi abalekelele.

Luka 9:10

Ono ndibakaboolela batumwi abo Jesu mbaakalinga atuma, bakamulwiita shoonse nshebakacita. Mpomunyaawo Jesu wakaya eenka abatumwi bakwe kundabala ya Betisaida.

Joni 9:39

Lyalo Jesu wakaamba ayi, “Ndakesa pacishi ca panshi mukoombolosha ayi abo boofu babone, abaabo babona bapofole.”

Bene Ebulu 13:17

Amunyumfwile bamatanjilili banu kwiinda mukukonkela milasho yabo. Lyoonse balalama buumi bwanu cakutookesha mukwiinga balaakusansulwita Lesa mbuli mbobakasebensa milimo yabo. Na kamubanyumfwila, balaakusebensa milimo yabo iyo cakusangalala. Sombi na kamutabanyumfwili, balaakusebensa cabuumba, aboobo ici teshi cikamucafweewo, sobwe.

Bene Ebulu 2:3

Ino swebo tulaakupuluka buyani na tatutoonyumfwila makani a lupulusho lunene bobulya? Mwaami Jesu mwiine ngowakataanguna kwaamba shalupulusho ulu, abalo abo bakamunyumfwa bakatulwiitilisha ayi ngalushinisho.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

Ciyubululo 19:15

Mukanwa mwakaswa mupeeni ukolete wakukomeshako mishobo yoonse. Mishobo iyo ulaakuyeendelesha ankooli ya nshimbi alimwi ulaakulyatoola mwakutyanina minyansa ya bukali bwakwe Lesa Shinkusu shoonse.

Ciyubululo 22:17

Mushimu Usalashi aNabwiinga batokwaamba ayi, “Kamwisa!” Awooyo woonse unyumfwa makani aya ulyeelete kwaamba ayi, “Kamwisa!” Uyo woonse unyumfwite nyotwa, ese. Uyo woonse usuni, atambule maanshi apa buumi ayo apekwabo.

1 Samwelo 2:8

Ulasumpula bakandu kuswabo kwiine kumiyanda, ulakusha bakandu kuswa mubuumba bwabo. Ulabalengesha kwikala mubwanabwankashi abanaabaami akubalengesha kuba mumisena ya bulemu. Lwiimbi loonse lwa nsengwe ndwa Mwaami Lesa, pali ndulo mpaakayaka cishi ca panshi.

1 Samwelo 25:12

Aboobo basankwa bakwe Defedi bakaboolela akuya mukumwaambila makani oonse akaamba Nabali.