Luka 14:13 - Baibo Busansulushi Bwa Libuku Ili

¹³ Sombi na wabamba shakulya ayi musekelele, ita bakandu, balema myeendo, balema bamwi alimwi aboofu.

Luka 14:13 ပူးပေါင်းရင်းမြစ်များ

2 Samwelo 6:19

Kuswawaawo bantu boonse, nkokwaamba ayi bene Isilaeli boonse, basankwa abanakashi wakabaabila shinkwa womwi womwi, cipumputa ca nyama yakutenta acisankata ca minyansa yakuyanika comwi comwi. Lyalo bantu boonse bakaya mwabo mwabo.

2 Makani 30:24

Mpomunyaawo Esekiya mwaami wa bene Juda wakapa bacende bali 1,000 alimwi ambelele ampongo shili 7,000 ayi bantu balye. Abalo bacinenenene bakapa bacende bali 1,000 alimwi ambelele ampongo shili 10,000. Muciindi ico bapailishi baanji bakalisalasha kweelana aMilawo.

Neyemiya 8:10

Lyalo Neyemiya wakabaambila ayi, “Kamuya mukalye shakulya shibotu, akunwa shakunwa shamise. Mutumineko shimwi kuli babo batacite shibambitwe kale. Bushiku bwasunu mbushiku busalalite kuMwaami Lesa. Mutoongumani ceebo kusangalala uko kumupa Mwaami Lesa, nkokumupa nkusu.”

Neyemiya 8:12

Mpomunyaawo bantu boonse bakaya mukulya akunwa akwaabilaako bamwi. Bakasekelela kabasangalete abuumbi mukwiinga maswi ayo ngobakabelengelwa bakaanyumfwisha.

Jobo 29:13

Ndakalinga kulumbaishikwa kubantu bali pafwaafwi kufwa. Ndakalinga kucafwa abamukalubinje ayi banookala kabasangalete.

Tushimpi 14:31

Muntu uyo useka mubye mukandu, ingayi ulanyansha Mulengi wakwe, sombi uyo woonse ufwita nkumbu mukandu, ulalemeka Lesa.

Tushimpi 22:9

Muntu shikwaaba ulaakupekwa coolwe ceebo ulaabana shakulya shakwe abakandu.

Isaya 58:10

alimwi na beshinsala mwebo mukabapengele akucita shoonse shilila baabo balyatililwa. Lyalo mumuni wanu ulaakuboneka mumunshinshe. Awalo munshinshe wanu ulaakutubabo anga ngamalumwi lisuba ndyeliba pakati ka mutwi.

Isaya 58:7

Sa teshi kwakwaabila beshinsala shakulya shanu akupa maanda bantu baya ciingookabo ceebo cakwaabula? Sa teshi kwakucita na mwaboona uli mubusakula mwamupa shakufwala alimwi akutakaka kucafwa bene mishaanu?

Mateyo 15:30

Mpeeke bantu baanji baanji bakaya kuli Jesu bakatola bantu balema myeendo, boofu, balema bamwi, bacibuulu alimwi abamwi balwashi baanji. Bakabooneka kunembo lyakwe Jesu, peenka wakabashilika.

Mateyo 22:10

Mpomunyaawo basebenshi balya bakaya munshila mukutamba bantu bali boonse mbobakacana, babiibi abali kabotu boonse. Lyalo muŋanda ya bwiinga mwakesula bantu.

Luka 11:41

Amupe bapengete isho shintu shili munkomeshi ambale, lyalo shoonse shintu shilaakumusalalila.

Luka 14:12

Lyalo Jesu wakaambila wakabeeta uyo ayi, “Na mweeta bantu mukulyaanu cakulya ca malumwi nabi ca macolesha, muteeti babyaanu, banandumi shanu, bakwabanu nabi beshimukobonyinaanu babile, mpashi abalo inga bamwiita bweenka ubo, aboobo mulaakulipilwa paceeco ncemwaacita.

Luka 14:14

Lyalo ulaakupekwa coolwe mukwiinga balo inga tabacikoonshi kucita mushobo womwi kuli ndiwe. Lesa ulaakukulambula pabushiku ubo bantu basalalite ndyeshi bakabushikwe kuswa kubafu.”

Luka 14:21

“Lyalo musebenshi wakaboolela mukuluula kumwaami wakwe. Mwine ŋanda uyo wakakalala. Mpeeke wakaambila musebenshi ayi, ‘Endesha, koya munshila shinene ashiniini sha mundabala ukeete bakandu, balema myeendo, balema bamwi aboofu.’

Milimo ya Batumwi 9:39

Mpomunyaawo Pita wakalibambila akuyaabo. Ndyaakashika, bakamutola mucipinda ca peculu umo bamukalubinje banakashi mobakamushinguluka kabalila. Lyalo bakatalika kumubonesha minjila ashakufwala sha peculu shakatunga Dokasi kaacili muumi.

Dutolonomi 14:29

Shakulya ishi nsha bene Lefi mukwiinga balo taaku cipansha ca cishi ncebakapekwa, alimwi nsha baswamashi, bana banshiwa kubikaawo abamukalubinje banakashi bekala mumandabalaanu. Balyeelete kunoosa mukubwesa shoonse nshebasuni. Mukanoocita boobo kwaamba ayi Mwaami Lesa, Lesa wanu akamupe coolwe mumilimo yanu yoonse.

Dutolonomi 16:11

Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.

Dutolonomi 16:14

Mukasekelele pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu.

1 Timoti 3:2

Mutanjilili ulyeelete kuba muntu utacite kampenda, weebetebo mwanakashi womwi, ulibika mpaaelete, ulitibuka, ulemekwa, shikutambula beensu, ukonsha kwiisha bantu.

1 Timoti 5:10

ucite mpuwo ibotu ya milimo yakwe. Ulyeelete kuba mwanakashi wakakusha kabotu bana bakwe, wakalinga kutambula beensu muŋanda yakwe, wakalinga kucita milimo yakulibombya kubashominyina, wakalinga kucafwa bantu mumapensho alimwi wakalibenga kucita shintu shibotu.

Taitasi 1:8

Ulyeelete kuba muntu utambula beensu alimwi uyanda kucita shibotu, ulitibuka, ululeme, usalalite alimwi ulilama.

Filimoni 1:7

Mukwaabo, lusuno lwako lwansangalasha alimwi akunjuminisha ceebo wasangalasha myoyo ya bashomi boonse.

Bene Ebulu 13:2

Mutaluubi kutambula kabotu beensu mumaandaanu. Nkobali bamwi bakatambula beensu, sombi kabateshi ayi mbaanjelo bakwe Lesa.