Luka 14:10 - Baibo Busansulushi Bwa Libuku Ili

¹⁰ Anu na weetwa koya ukale pamusena uteshi wa bulemu kwaamba ayi uyo mwiine wakamwiita acite kwisa mukukwaambila ayi, ‘Kosa kuno ndaba, ukalileko waawa pacuuna ca bulemu.’ Ici cilaakukupa bulemu pameenso a baabo boonse mboweetwaabo pantu pomwi.

Luka 14:10 ပူးပေါင်းရင်းမြစ်များ

Tushimpi 15:33

Kuloonda Mwaami Lesa nkokwiisha muntu kuba musongo. Ulyeelete kutaanguna kulibombya ingaawo ukalemekwe.

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.

1 Samwelo 15:17

Samwelo wakaamba ayi, “Nakubi kwaamba ayi wakalibona anga taaku mboobete, sa te wakaba mutanjilili wa mikowa ya bene Isilaeli? Mwaami Lesa wakakunanika mafuta a bwaami kwaamba ayi ube mwaami wa cishi ca Isilaeli.