Luka 12:20 - Baibo Busansulushi Bwa Libuku Ili

²⁰ Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”

Luka 12:20 ပူးပေါင်းရင်းမြစ်များ

Esita 5:11

Mpeeke wakatalika kulyuuma mucaamba pabubile mbwaakalinga kucite, pabana bakwe basankwa baanji, panshila shoonse mwaami nshaakamulemekelaamo alimwi amwaami mbwaakamusumpula kwiinda bacinenenene bakwe bamwi boonse.

Jobo 27:8

Ino nkulangilanshi kucite bantu batashomi muli Lesa na bacaikwa? Ee, nkulangilanshi nkobacite ciindi Lesa ndyaabasesa buumi bwabo?

Kulumbaisha 39:6

Anu ndushinisho muntu nabi uleenda, ulibo anga ncimfule. Shintu shoonse nshaacita taaku mboshibete. Muntu ulabunjika buboni kaateshi aweshi akabubweese.

Kulumbaisha 49:10

Ndushinisho basongo abalo balafwa, batacite maano boonse balaloba, akunooshiyabo buboni bwabo kubamwi.

Kulumbaisha 73:19

Balaakunyonyoolwa cakufwambaana, lufu luyoosha lulaakubapyanga boonse!

Kulumbaisha 78:30

Kabatana kushimana kulya isho nshebakayewa, paciindi kashicili mumilomo yabo,

Tushimpi 10:2

Buboni bucaninwa munshila ibiibi tabucite mpindu, sombi bululami bwalo bulapulusha muntu kulufu.

Tushimpi 11:4

Bubile tabucafwi pabushiku bwa bukali, sombi bululami mbobufuna kuswa kulufu.

Tushimpi 13:7

Bamwi bantu balalibonesha kubila, sombi kabatacite nabi comwi. Bamwi balalibonesha ayi mbakandu, sombi mbobacite buboni buunji abuumbi.

Tushimpi 27:1

Mutalilumbaishi palwa ciilo, ceebo tamwishi ciilo mbweshi bukace.

Tushimpi 28:8

Uyo ubilila mukukomenya mweelo wa cinyona mucila pankongole nshaapa, ulabikilabo babye abo bafwita nkumbu bakandu.

Isaya 56:12

Bacakolwa abo balaamba ayi, ‘Katiya tubweseewo bwalwa abumwi! Atubunwe boonse ubu kushikila tubumaane! Bushiku bwacilo bulaakubota bweenka mbuli bwasunu bunene bunene akwiindaawo.’ ”

Jelemiya 17:11

Muntu uyo ubilila munshila italuleme ulibo anga ngukwale ufukamina mayi ngaatana kushala. Buboni bulaakumumanina pakati ka nshiku sha buumi bwakwe. Lyalo kumamanino ulaakubonekabo bukaluyaluya.

Amosi 6:13

Mwebo mulalilumbaisha pakukoma ndabala ya Lo Deba akwaamba ayi, “Sa te twakakoma ndabala ya Kanaimu munkusu shesu sobeene?”

Naamu 1:10

Balaakucatwa mumyuumfwa akukolwa waini wabo. Balaakutentwabo anga mbwiisu buyumu.

Luka 11:40

Mwebo nobantu nobaluya! Sa te uyo wakalenga pansengwe ngowakalenga amukati?

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

1 Timoti 6:7

Mukwiinga taaku ncetwakaletelela pacishi ca panshi alimwi taaku nceshi tukatolelele.

Jemusi 4:14

Sombi tamwishi ambweshi bukace ciilo. Mwebo mulibo anga mbwiishi ubo bubonekabo ciindi ciniini akushimingana.