Luka 12:1 - Baibo Busansulushi Bwa Libuku Ili

¹ Paciindi ico, bantu bali shuulu shuulu ndibakabungana cakwaamba ayi bantu bakatalika kulyatana, Jesu wakataanguna kwaambila bashikwiiya bakwe ayi, “Amucenjele acimena ca baFalisi, nkokwaamba ayi kwaamba nshebataciti.

Luka 12:1 ပူးပေါင်းရင်းမြစ်များ

2 Baami 7:17

Ono cakacanika ayi mwaami wa bene Isilaeli wakabika shikumucafwa ulya ayi alindilile pamwinjililo. Ono bantu pakwiinda shikumucafwa uyo bakamulyata, lyalo wakafwa bweenka bwakaamba Elisha mwaami ndyaakaya kuŋanda yakwe mukumubona.

Jobo 20:5

kusangalala kwa mucita shibi nkwaciindi ciniinibo. Kukondwa kwa muntu utashomi Lesa nkuce.

Jobo 27:8

Ino nkulangilanshi kucite bantu batashomi muli Lesa na bacaikwa? Ee, nkulangilanshi nkobacite ciindi Lesa ndyaabasesa buumi bwabo?

Jobo 36:13

“Bantu abo batashomi Lesa balatolelelabo kukalala. Tabaliliiwo Lesa ayi abacaafwe nabi kabali mumapensho.

Isaya 33:14

Bamucita shibi muSiyoni baloonda, ee, batalemeki Lesa batootutumabo kuboowa. Batokwaamba ayi, “Anu ngani pakati kesu weenga wapuluka mumulilo ulya unyonyoola? Anu ngani pakati kesu weenga kaacili muumi mumulilo utamaani?”

Luka 11:44

Mapensho kuli ndimwe ceebo muli anga nshuumbwe shitaboneki isho bantu nshibeendoobo cakuteshiba ayi mposhili.”

Luka 12:56

Mwebo nobantu nomwaamba nshemutaciti! Mulishi kusansulula mbociboneka cishi akwiculu. Ono cilaala buyani kwishiba shitoocitika munshiku shino?

Luka 5:1

Bushiku bumwi Jesu wakalinga kwiimfwi muloombe lwa Lweenge lwa Genesaleti. Bantu baanji bakalinga kushindikana kwaamba ayi banyumfwe maswi akwe Lesa.

Luka 5:15

Nakubi boobo impuwo yakwe Jesu yakanyumfwika kubantu baanji. Aboobo bantu baanji bakesa kuli nguwe kwaamba ayi banyumfwe maswi akwe alimwi ayi malwashi abo amane.

Luka 6:17

Jesu ndyaakakunkuluka pakalundu pantu pomwi abatumwi, wakeemikana paselebete. Pakalinga likoto linene lya bashikwiiya bakwe alimwi alikoto linene lya bantu bakaswa kumbasu shoonse sha kuJudeya akuJelusalemu. Bamwi bakaswa kumandabala anene a Taya aSidoni, akalinga muloombe lwa lweenge.

Milimo ya Batumwi 21:20

Ndibakanyumfwa makani aya bakalumbaisha Lesa. Lyalo bakaambila Paulo ayi, “Omukwabesu Paulo, mwaboona shuulu shiinji sha baJuda bakashoma muMwaami alimwi boonse balicinkite manungo muMilawo yakwe Mose.

1 Bene Kolinto 15:3

Ceebo makani anene ngondakamuletela ngoaayo anebo ngondakapekwa. Makani ayo ngakwaamba ayi Klistu wakafwa ceebo ca shibiibi shesu bweenka bwaamba Malembo akwe Lesa.

Bene Ebulu 12:22

Sombi mwebo mwesa kuKalundu ka Siyoni alimwi akundabala inene yakwe Lesa muumi, njeJelusalemu ya kwiculu umo muli baanjelo bali shuulu ashuulu.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

1 Pita 2:1

Aboobo amucileeke bubi boonse, bubeshi, kwaamba nshemutaciti, munyono alimwi amusebaanyo wa mushobo woonse.