Luka 11:42 - Baibo Busansulushi Bwa Libuku Ili

⁴² “Mapensho kuli ndimwe nobaFalisi! Mukwiinga mulapa kuli Lesa calikumi ca mbewu shinunkila kabotu ashimwi shilengesha kwaamba ayi cakulya cibote alimwi abucisa bwa mushobo uli woonse. Sombi tamuciti shintu shiluleme kubantu nabi kusuna Lesa. Ceebo shintu ishi mwalinga kweelete kunooshicita cakutasuula shimwi.

Luka 11:42 ပူးပေါင်းရင်းမြစ်များ

Neyemiya 10:37

Tulaakunootola busu butaanshi, shipo sha shili anga ngamaila, shisepo shitaanshi sha kushisamu shesu shoonse, waini upya alimwi amafuta a maolifi kubapailishi ba muŊanda yakwe Lesa. Tulaakunooleta calikumi ca shishango shesu shoonse kubene Lefi, ceebo mbene Lefi beelete kubwesa shalikumi mumishi umo motusebensela.

Tushimpi 21:3

Kucita shintu shiluleme akoombolosha cakutanyengelela kulakondelesha Mwaami Lesa kwiinda apakubenga mulambu.

Shikushimikila 7:18

Ncibotu kucata comwi cakutapusumusha cimwi. Muntu ulemeka Lesa ulakonsha kucita boobo.

Mika 6:8

Sobwe, Mwaami Lesa wakatulwiita cibotu. Ncaasunibo ayi tucite nceeci: Koombolosha cakutanyengelela, kutondesha lusuno lutamaani akweenda cakulibombya mubushicibusa anguwe.

Malaki 1:6

Mpeeke Mwaami Lesa Shinkusu shoonse wakaambila bapailishi ayi, “Mwaana ulalemeka baishi, alakwe musebenshi ulalemeka mwaami wakwe. Nebo ndi ishiwanu, ono tamundemekelinshi? Alimwi ndi mwaami wanu, ceebonshi tamumpi bulemu? “Mwebo mulacobola liina lyangu, sombi muleepusha ayi, ‘Ino tulakunyansha munshilanshi?’

Malaki 2:17

Mwalemya Mwaami Lesa mumyaambo yanu. Sombi mwebo nobantu muleepusha ayi, “Ino twamulemya buyani?” Mwamulemya mukwiinga mulaamba ayi, “Boonse bacita shibiibi bali kabotu pameenso a Mwaami Lesa alimwi ulakondwa muli mbabo.” Alimwi amukwiipusha ayi, “Ino Lesa shibululami uli kuli?”

Malaki 3:8

Anebo ntoomwiipusha ayi, ‘Sa ncibotu muntu kupamba Lesa?’ Ncakwiila teshi cibotu! Nakubi boobo mwebo mulampamba. Sombi muleepusha ayi, ‘Munshilanshi?’ Mulampamba mushalikumi ashipo.

Mateyo 23:13

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulacalila bantu mulyango wa muBweene bwa kwiculu. Mwebo nobeene tamusuni kwinjila alimwi mulakasha baabo basuni. [

Mateyo 23:23

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulapa calikumi ca mbewu shinunkila kabotu alimwi ashakubika mucakulya, sombi mulasuula milawo inene yancinencine, mbuli kucita shiluleme kubantu, nkumbu alimwi akushomeka. Mwalinga kweelete kunooshicita, kamutasuuli shimwi isho.

Mateyo 23:27

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Muli anga nshuumbwe nshebakashingula, shiboneka kabotu pansengwe, sombi mukati kamuswitebo shifuwa sha bantu bakafwa ashimwi shibiibi shoonse.

Luka 18:12

Ndalikasha kulya mankanda obilo munsondo alimwi pashintu likumi shoonse nsheenga ndacaana ndakushawo comwi akumupa, noBaami.’

Joni 5:42

Sombi ndimwishi kwaamba ayi mwebo tamusuni Lesa.

1 Joni 4:20

Na umwi waamba ayi, “Lesa ndimusuni,” sombi kaapatite mubye, ngumubeshi. Anu inga wasuna buyani Lesa ngwaatana kubonaawo na kaapatite mubye ngwaabona?

1 Samwelo 15:22

Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.