Luka 11:4 - Baibo Busansulushi Bwa Libuku Ili

⁴ Amutulekelele shibiibi shesu bweenka mbotulekelela batubishisha. Mutatwinjishi mumasunko.’ ”

Luka 11:4 ပူးပေါင်းရင်းမြစ်များ

Matalikilo 48:16

Munjelo uyo wakampulusha mushintu shicaya aabape coolwe. Liina lyangu alya bata ba Abulaamu abaIsaki, aatolelele kwiinda mubanike aba! Abakabe abaana baanji alimwi abamulunyungu lwabo!”

1 Baami 8:34

amubanyumfwile uko kwiculu. Amulekelele shibiibi sha bantu banu, akubaboosha mucishi ico ncemwakapa bamashali besu bakulukulu.

1 Baami 8:36

amubakutike uko kwiculu. Amulekelele shibiibi sha mwaami asha bantu banu bene Isilaeli. Amubaiishe kucita shiluleme. Lyalo, noBaami baLesa amutume mfula mucishi canu ico ncemwakapa bantu banu ayi ncabo kwalyoonse alyoonse.

Kulumbaisha 121:7

Mwaami Lesa ulaakukufuna kushintu shoonse shikonsha kukucisa. Ndushinisho ngweshi akalame buumi bwako.

Kulumbaisha 25:11

Ono ceebo ca ndimwe noBaami baLesa amulekelele bubi bwangu nabi mbuunji.

Kulumbaisha 25:18

Amubone mapensho angu oonse akuungumana kwangu, lyalo mundekelele shibiibi shangu shoonse.

Danyelo 9:19

NoBaami baLesa, amutukutike. NoBaami baLesa, amutulekelele shibiibi shesu. NoBaami baLesa, amutukutike akutucafwa! Mutacelwi kwaamba ayi bantu boonse bakeshibe ayi mwebo ndimwe baLesa! Amucite boobo mukwiinga ndabala yanu ileetwa liina lyanu pantu pomwi abantu banu aba.”

Osiya 14:2

Amusandukile kuMwaami Lesa akusenga kuli nguwe ayi, “Amutulekelele shibiibi shesu shoonse. Amutambule mipailo yesu, lyalo tulaakumulumbaisha amilomo yesu.

Mateyo 18:35

Mboboobo, abalo baTa bali kwiculu mbweshi bakacite kumuntu womwi awomwi wa mulikoto lyanu, utalekeleli mukwabo amoyo woonse.”

Mateyo 26:41

Amwikale kamulibambite, akupaila kwaamba ayi mutanjili mumasunko. Moyo walo ulisuni, sombi mubili ngowabula nkusu.”

Luka 11:5

Lyalo wakabaambila alimwi ayi, “Ino na umwi peenka pano waya kuŋanda ya mubye pakati ka mashiku akwaamba ayi, ‘Mwana, mbwelekeeko shinkwa wotatwe

Luka 13:4

Ino abo bantu bali likumi abosanwe alimwi abotatwe ndibakawitwa ŋanda ilaamfu ya maanda peculu kuSailomu, mutooyeeya ayi bakalinga kubisha kwiinda bantu boonse bakalinga kwikala muJelusalemu?

Luka 22:46

Jesu wakabeepusha ayi, “Ceebonshi mulilete? Amubuke, mupaile kwaamba ayi mutenjili mumasunko.”

Luka 8:13

Isho mbuto shakalokela pabulongo bwa mabwe shileemikanina baabo banyumfwa maswi akwe Lesa akwaatambula cakusangalala. Sombi taanjili cankusu mumyoyo yabo, balashoma ciindi ciniini, aboobo na basunkwa balawa.

Joni 17:15

Nshintoopaila kwaamba ayi mubakusheemo mucishi cino, sobwe, sombi kwaamba ayi mubafuune kuswa kuMubiibi ulya.

1 Bene Kolinto 10:13

Masunko amushikila taapusene amasunko ashikila bantu bamwi boonse. Sombi Lesa ulashomeka alimwi inga taamulekeli mumasunko ngomutakoonshi kukoma. Sombi na mwasuunkwa, Lesa ulamupa nshila yakuleyelamo masunko ayo kwaamba ayi mwaakoome.

Bene Kolose 3:13

Amunyumfwilane nkumbu akulekelelana womwi awomwi. Na umwi wabishisha mubye, ulyeelete kumulekelela bweenka mbuli Mwaami mbwaakamulekelela.

2 Bene Tesalonika 3:3

Sombi Lesa ulashomeka, aboobo utoomuyumyayumya akumufuna kuswa kuMubiibi ulya.

2 Timoti 4:18

Mwaami Lesa ulaakumfuna kuswa kububi boonse akundama ayi nkenjile muBweene bwakwe bwa kwiculu. Kuli nguwe akube bulemu lyoonse alyoonse! Ameni.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’

Ciyubululo 3:10

Mukwiinga wakakonkela kwiisha kwangu ayi utolelele kupenshekwa, anebo ndaakukulama muciindi ca mapensho eshi akeshiite bantu boonse mucishi kwaamba ayi basunkwe.