Luka 11:39 - Baibo Busansulushi Bwa Libuku Ili

³⁹ Mpomunyaawo Mwaami Jesu wakamwaambila ayi, “Ono mwebo nobaFalisi mulasansha pansengwe lya nkomeshi ambale, sombi mumyoyo yanu muliswitebo bulyabi abubi.

Luka 11:39 ပူးပေါင်းရင်းမြစ်များ

Matalikilo 6:5

Ono Mwaami Lesa ndyaakabona mbuli womwi awomwi pacishi ca panshi mbwaakalinga mububi, akubica kwa miyeeyo yabo ciindi coonse,

2 Makani 25:2

Wakacita shintu shiluleme pameenso a Mwaami Lesa, sombi taakalinga kushicita camoyo woonse.

Kulumbaisha 22:13

Bandakamina anga ninkalamu itoobulumina munyama ayi imulume.

Tushimpi 26:23

Bweenka nongo yakaboteshekwa asilifa uteshi wa makwebo, mbweeke ubo muntu waamba shibotu mumoyo kooyeeya bubi mbwaabete.

Tushimpi 26:25

Nakubi kwaamba ayi mubandi wakwe ngubotu sombi mutamunyumfwili ceebo moyo wakwe uliswitebo miyeeyo ibiibi.

Tushimpi 30:12

“Kuli bantu balibona ayi balisalalite, sombi tabasalaliteewo, napaceyi.

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Esekelo 22:25

Muli ndiwe muli bamatanjilili abo batoopinga kucaya babyaabo anga ninkalamu itoobuluma pakukwaamoona munyama ngoyacata. Balanyonyoola bantu, kubwesa buboni ashintu shibotu alimwi akulengesha banakashi baanji kucaala bumukalubinje.

Esekelo 22:27

Abalo bacinenenene bali muli ncico bali anga mbaumpe batookwamoona munyama ngobacata. Balatila bulowa mukucaya bantu ayi babile.

Sefaniya 3:3

Bacinenenene ba njiyo bali anga ninkalamu shitoobuluma. Boomboloshi ba njiyo bali anga mbaumpe balyabi abo batashiyiiko cifuwa nabi comwi ayi bakalye ciilo.

Mateyo 15:19

Mukwiinga mumoyo momuswa miyeeyo ibiibi, ya bucayi, bulale, bufuule, bwiipi, bukamboni bwakubeca alimwi abufuyishi.

Mateyo 7:15

“Amucenjele abalaluki babeshi. Balesa cakulibombya kuli ndimwe anga nimbelele, anu mukati mbaumpe.

Luka 16:15

Sombi Jesu wakabaambila ayi, “Mwebo mulalibonekesha kubantu ayi muliluleme, nakubi boobo Lesa ulishi myoyo yanu. Mukwiinga cintu coonse bantu ncibaamba ayi ncibotu abuumbi, kuli Lesa taaku ambocibete.

Luka 7:13

Mpeeke Mwaami Jesu ndyaakabona mukalubinje uyo wakamunyumfwila nkumbu akumwaambila ayi, “Cileke kulila.”

Luka 7:19

akubatuma kuMwaami Jesu mukwiipusha ayi, “Sa ndimwe baabo mbwaakaamba Joni ayi balaakwisa nabi tunoocilangila umwi?”

Joni 12:6

Taakwe kwaamba boobo ceebo cakunyumfwila nkumbu bakandu, sombi mukwiinga wakalinga mwiipi. Judasi ngowakalinga kusunga coola ca maali, aboobo wakalinga kwiipaamo kaasebensesha mwiine.

Joni 13:2

Jesu abashikwiiya bakwe ndibakalinga kulya mulalilo, Mubiibi wakalinga wabika kale muyeeyo muli Judasi, mwanaakwe Simoni Isikalyoti, wakaaba Jesu kubalwani.

Milimo ya Batumwi 5:3

Sombi Pita wakamwiipusha ayi, “Webo Ananiyasi, nceebonshi wasuminisha Satana ayi enjile mumoyo wako kwaamba ayi ubece Mushimu Usalashi, pakucaasha maali amwi ngowakoolisha buboni bwako?

Bene Galatiya 1:14

Nebo ndakalinga kwiinda beensuma boonse mukukonkela kwiisha kwa baJuda. Ncakwiila ndakalinga muyumu abuumbi mukukonkela kwishibila kwa bakulukulu.

2 Timoti 3:5

bantu bacite mbonekelo ya bushomi, sombi nkusu sha mbubo balashikaka. Bantu ba mushobo wooyo ubasoonoke.

Taitasi 1:15

Shintu shoonse shilisalalite kubantu basalalite, sombi kubaabo batasalalite akutashoma, shintu shoonse tashisalalite, mukwiinga miyeeyo amyoyo yabo njibiibi.

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.