Luka 11:2 - Baibo Busansulushi Bwa Libuku Ili

² Jesu wakabaambila ayi, “Pakupaila munokwaamba ayi, ‘Ta, alilemekwe liina lyanu. Abwise Bweene bwanu.

Luka 11:2 ပူးပေါင်းရင်းမြစ်များ

1 Baami 8:43

amukutike mipailo yakwe. Amumukutike kwiculu uko nkomwikala akucita sheesho nshaasenga kwaamba ayi bantu ba mucishi ca panshi bamwishiibe akunoomunyumfwila bweenka mbuli bene Isilaeli mbobacita. Lyalo balaakwishiba ayi Ŋanda yanu iyi njendakayaka ngomusena uko mwebo nkomweelete kulambililwa.

2 Baami 19:19

Ono noBaami baLesa, baLesa besu, amutufuune kuswa kubene Asilya, kwaamba ayi mishobo yoonse ya mucishi ca panshi ikeshibe ayi mwebo noBaami baLesa ndimwebo baLesa.”

2 Makani 20:6

akupaila cakoolobesha ayi, “NoBaami baLesa, baLesa ba bamashali besu bakulukulu. Mulalela kwiculu apacishi coonse ca panshi. Mulicite nkusu shoonse abulemu buunji. Ncakwiila taaku weenga wakonsha kumulwana.

Kulumbaisha 103:20

Amulumbaishe Mwaami Lesa nobaanjelo bakwe beshinkusu, mwebo nomukonkela milawo yakwe akunyumfwila maswi ngaamwaambila.

Kulumbaisha 108:5

NobaLesa amutondeshe nkusu shanu mwiculu, bulemu bwanu abuboneke pacishi ca panshi coonse!

Kulumbaisha 11:4

Mwaami Lesa mwaali muŊanda yakwe isalalite. Ncakwiila ulishiite pacuuna cakwe ca kwiculu. Bantu boonse ulibabwene kuli koonse alimwi ulishi shoonse nshebatoocita.

Kulumbaisha 57:11

NobaLesa amutondeshe nkusu shanu mwiculu, bulemu bwanu abuboneke pacishi ca panshi coonse!

Shikushimikila 5:2

Mutanoofwambaana kwaamba nabi kushomesha cakufwambaana kuli Lesa. Lesa uli kwiculu mwebo muli pacishi ca panshi. Aboobo maswi akwaamba kaaceya.

Isaya 63:16

Ono Mwebo ndimwe beeshiwesu, nakubi kwaamba ayi Abulaamu taatwishi, ee, nabi Isilaeli taakoonshi kutukumbula mwebo noBaami baLesa ndimwe beeshiwesu. Ndimwe Bapulushi besu alimwi ili ndyeliina lyanu kuswabo kale kale.

Esekelo 36:23

Ono ndaakutondesha kusalala kwa liina lyangu lilemekwa, ilyo lyakabishikwa pakati ka mishobo, ee, liina ndimwakabisha pakati ka mishobo. Lyalo ndyeshi bakeshibe ayi ndi Mwaami Lesa. Nebo Mwaami Lesa Shinkusu shoonse ndaamba. Ndaakutondesha ayi ndisalalite pameenso abo kwiinda muli ndimwe.

Danyelo 2:28

Sombi kuli Lesa wa kwiculu uyo uyubulula shishisitwe. Lesa wamutondesha mwebo nobaNebukadinesa isho sheshi shikacitike kunembo. Ono ntoomulwiita ciloto canu alimwi ashili anga nshiloto isho nshemwakabona pabulo bwanu.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Danyelo 7:18

Sombi bantu basalalite bakwe Lesa wa kwiculu Wiindaawo, balaakutambula bulelo ubo bweshi bukabe bwaabo kwalyoonse alyoonse.’

Danyelo 7:27

Nkusu shoonse abulemu boonse bwa malelo oonse a mucishi ca panshi shilaakupekwa kubantu basalalite bakwe Lesa wa kwiculu Wiindaawo. Bulelo bwabo bulaakuba bwalyoonse alyoonse alimwi baleli boonse ba mucishi ca panshi balaakunoobasebensela akubanyumfwila.’

Osiya 14:2

Amusandukile kuMwaami Lesa akusenga kuli nguwe ayi, “Amutulekelele shibiibi shesu shoonse. Amutambule mipailo yesu, lyalo tulaakumulumbaisha amilomo yesu.

Bene Lefi 10:3

Mpomunyaawo Mose wakaambila Aloni ayi, “Nceceeci Mwaami Lesa ncaakalinga kwaambawo, ndyaakaamba ayi, ‘Basebensela ndime boonse balyeelete kundemeka ceebo ndisalalite. Ndaakuyubulula bulemu bwangu kubantu bangu.’ ” Sombi Aloni wakoomunabo bwii.

Bene Lefi 22:23

Ono mbuli mulambu wakulyaaba, inga wabenga munyama utintilite nabi utabete kabotu mubili. Sombi munyama wa mbuli wooyo taatambulwi na ngumulambu utoopekwa mukucita kweelana ambwaakashomesha cakulumbila.

Abakuku 2:14

Sombi mucishi ca panshi coonse bantu balaakunooswitebo lushibo lwa bulemu bwa Mwaami Lesa bweenka lweenge mboluswite maanshi.

Mateyo 10:32

“Uyo woonse weenga wansumina pameenso a bantu, anebo ndaakumusumina kuli baTa bali kwiculu.

Mateyo 3:2

“Amusanduke kuswa kushibiibi shanu mukwiinga Bweene bwakwe Lesa buli pafwaafwi.”

Mateyo 5:16

Mbweeke ubo amwebo amuboneshe mumuni wanu kubantu, kwaamba ayi babone milimo yanu ibotu, akupa bulemu kuli Ishiwanu wa kwiculu.

Luka 11:1

Bumwi bushiku Jesu wakalinga kupaila kumusena umwi. Ndyaakamanisha, umwi shikwiiya wakwe wakamwaambila ayi, “Nkambo, amutwiishe bwakupaila bweenka mbuli Joni mbwaakeeisha bashikwiiya bakwe.”

Bene Loma 1:7

Aboobo ntoolembela ndimwe noonse nomuli muLoma nomusunikwi aLesa alimwi nomwakeetwa kwaamba ayi mube bantu bakwe. Luse aluumuno shibe amwebo kuswa kuli Lesa Ishiwesu aMwaami Jesu Klistu.

Bene Loma 8:15

Mukwiinga Mushimu ngomwakatambula toomwaaluli basha akumulenga boowa. Sombi ulamulengesha kuba bana bakwe Lesa. Ncakwiila munkusu sha Mushimu uyu tuleeta Lesa ayi, “Aba,” nkokwaamba ayi, “Ta!”

1 Bene Kolinto 1:3

Luse aluumuno shibe amwebo kuswa kuli Lesa Ishiwesu aMwaami Jesu Klistu.

2 Bene Kolinto 1:2

Luse aluumuno shibe amwebo kuswa kuli Lesa Ishiwesu aMwaami Jesu Klistu.

Bene Galatiya 1:4

Klistu wakalibenga ceebo ca shibiibi shesu ayi atufuune kububi bwa mucishi cino ca panshi, kweelana akuyanda kwakwe Lesa Ishiwesu.

Bene Efeso 1:2

Luse aluumuno shibe amwebo kuswa kuli Lesa Ishiwesu aMwaami Jesu Klistu.

Bene Filipi 1:2

Luse aluumuno shibe amwebo kuswa kuli Lesa Ishiwesu aMwaami Jesu Klistu.

Bene Filipi 4:20

Kuli Lesa Ishiwesu akube bulemu lyoonse alyoonse. Ameni!

Bene Kolose 1:2

Ntoolembela ndimwe nobantu bakwe Lesa muKolose, nobamakwesu nomushomeka muli Klistu. Luse aluumuno shibe amwebo kuswa kuli Lesa Ishiwesu.

1 Bene Tesalonika 1:1

Ndime Paulo pantu pomwi aSailasi alimwi aTimoti. Tutoolembela ndimwe nocoonde ca kuTesalonika nomuli mumaansaakwe Lesa Ishiwesu aMwaami wesu Jesu Klistu. Luse aluumuno shibe amwebo.

1 Bene Tesalonika 1:3

Ceebo tuleebaluka pameenso akwe Lesa Ishiwesu, nshemwakacita ceebo cakushoma muli Jesu, mbomwakasebensa cankusu ceebo cakumusuna alimwi ambomutoolangila Jesu Mwaami wesu cakutaboola pesule.

2 Bene Tesalonika 2:16

Ono Mwaami wesu Jesu Klistu aLesa Ishiwesu uyo wakatusuna, kutuyumyayumya mumyoyo akutupa kulangila kutamaani kwiinda muluse lwakwe,

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 15:4

NoBaami baLesa, ngani utamuloondi akulemeka liina lyanu? Mukwiinga mwebo nweenka ndimwe Musalalite. Mishobo yoonse ilaakuyoboloka mukumulambila mukwiinga micito yanu iluleme, ilaboneka kubantu boonse.”

Ciyubululo 19:6

Kuswawaawo, ndakanyumfwa liswi lyakuba anga nciyobeyobe ca bantu baanji alimwi anga nkupoota kwa maanshi aanji, kuli anga ncilulumo ca mfula, lyakwaamba ayi, “Atulumbaishe Lesa! Mukwiinga Mwaami Lesa wesu Shinkusu shoonse nguMweendeleshi!

Ciyubululo 20:4

Mpomunyaawo ndakabona shuuna sha bwaami, kucana abo bakalinga kushiiteewo bapekwa nkusu shakoombolosha. Ndakabona amyuuya ya baabo bakatimbulwa mitwi ceebo cakushimikila lushinisho Jesu ndwaakayubulula alimwi amaswi akwe Lesa. Balo tabakwe kulambilawo munyama, nabi cibumbwabumbwa cakwe. Peculu lya waawo tabakwe kutambulawo keshibilo kakwe pankumo nabi kumaansa. Bantu aba bakabuka akweendelesha anga mbamaami pantu pomwi aKlistu kwamyaaka ili cuulu.