Luka 10:42 - Baibo Busansulushi Bwa Libuku Ili

⁴² Sombi ncintu comwibo cisunikwi. Maliya wasala cintu ciluleme alimwi teshi akanyaikweewo.”

Luka 10:42 ပူးပေါင်းရင်းမြစ်များ

Kulumbaisha 119:111

Milasho yanu mbobuboni bwangu bwamuyayaya. Ncakwiila mooncana kusangalala kwa moyo wangu.

Kulumbaisha 119:173

Kamulibambite kuncafwa lyoonse mukwiinga ndakasala kukonkela milasho yanu.

Kulumbaisha 119:30

Ndakasala kwikala mukushomeka, ndabika maano angu kumilawo yanu.

Kulumbaisha 142:5

NoBaami baLesa, ndamulilila ayi muncaafwe. Ndaamba ayi, “Ndimwe ciyubilo cangu, ndimwe buboni bwangu boonse mubuumi bwangu buno.”

Kulumbaisha 17:15

Sombi nebo, mubululami ndaakumubona meenso ameenso, ndaakubushikwa ndaakusangalala abuumbi kumubona.

Kulumbaisha 27:4

Ndasenga cintu comwi kuMwaami Lesa. Cintu comwi ico nceensenga ncakwaamba ayi nookala muŊanda yakwe kwabuumi bwangu boonse, kwaamba ayi noosangalala pabubotu bwakwe akunoomulambila muŊanda yakwe isalalite.

Kulumbaisha 73:25

Ino ngani ngoonshi kwiculu kwiinda ndimwe? Apalo pacishi ca panshi taaku ngoonsuni kwiinda ndimwe.

Shikushimikila 12:13

Ono shoonse shanyumfwikwa. Anu meelelesho amakani oonse ngaaya: Kolemeka Lesa akukonkela milawo yakwe yoonse mukwiinga uyu ngomulimo woonse wakapekwa muntu.

Maako 8:36

Ino mbubotunshi buliimo na muntu waba ashintu shoonse shili mucishi ca panshi, sombi buumi bwakwe bwancinencine wabusowa? Taamuuwo!

Luka 10:39

Malita wakalinga kucite mukwabo mwanakashi wiitwa ayi Maliya, uyo wakekala pafwaafwi aMwaami Jesu, kaakutika kwiisha kwakwe.

Luka 11:1

Bumwi bushiku Jesu wakalinga kupaila kumusena umwi. Ndyaakamanisha, umwi shikwiiya wakwe wakamwaambila ayi, “Nkambo, amutwiishe bwakupaila bweenka mbuli Joni mbwaakeeisha bashikwiiya bakwe.”

Luka 12:20

Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”

Luka 12:33

Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.

Luka 16:2

Lyalo wakeeta shikulama buboni akumwiipusha ayi, ‘Ngamakaninshi aya ngoontoonyumfwa? Lemba mbone mbowalinga kweendelesha buboni mukwiinga tooelete kunoocili shikulama buboni alimwi.’

Luka 16:25

“Sombi Abulaamu wakaamba ayi, ‘Omwanaangu ibaluka ayi webo ndiwakalinga muumi wakalinga wapekwa shintu shoonse shibotu, alakwe Lasalo shintu shibiibi. Sombi bulya alakwe utookondwa kuno awebo uli mumapensho anene.

Luka 18:22

Jesu ndyaakanyumfwa boobo, wakamwaambila ayi, “Kwacaalabo cintu comwi ncooelete kucita. Koya uulishe shoonse nshoocite, maali upe bakandu, lyalo ulaakuba abuboni kwiculu. Na umanishe kucita boobo, ndyeshi use unkonkele.”

Luka 8:18

Aboobo amucenjele ambomunyumfwa maswi akwe Lesa. Mukwiinga uyo ucite kale ulaakubikilwaawo, sombi ucite kaniini ulaakunyaikwa nabi kaako koonse nkaacite.”

Joni 11:1

Ono musankwa umwi wiitwa ayi Lasalo, wakalinga kwikala kuBetani, wakaciswa. Betani njendabala yakalinga kwikalaamo Maliya aMalita mukwabo.

Joni 11:19

Bantu baanji ba muJudeya bakalinga besa mukulishanyako Malita aMaliya palufu lwa nandumi yabo.

Joni 12:3

Lyalo Maliya wakanyamuna musaashi wa mafuta anunkila kabotu amakwebo eetwa ayi nadi, ayo ngaakapuumwita pashimpanta shakwe Jesu akushipukuta amisusu yakwe mwiine. Mpeeke muŋanda mwakesulabo keema kabotu ka mafuta ayo.

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Joni 4:14

Sombi uyo woonse unwa maanshi ngoompa teshi akafwewo nyotwa alimwi. Ncakwiila maanshi ayo ngweshi nkamupe alaakuba anga nkantupu ako keshi kakanookusha maanshi apa buumi butamaani muli nguwe.”

Joni 5:24

“Ntoomwaambila calushinisho ayi uyo woonse unyumfwa maswi angu akushoma wooyo wakantuma ulicite buumi butamaani. Teshi akoomboloshekwe, sombi waswa kale mulufu kuya mubuumi butamaani.

Joni 6:27

Mutanoosebensela cakulya cimana, sombi amusebensele cakulya cikalilila kushikila kubuumi butamaani. Ico ncecakulya MwanaaMuntu nceshi akamupe mukwiinga baTa baLesa mpobakabika cishibilo cakusuminisha kwabo.”

1 Bene Kolinto 13:3

Inga ndaaba shintu shangu shoonse kubakandu, mpashi akusumina ayi mubili wangu utentwe, ono na kaantacite lusuno, ingayi taaku ncindacita.

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

Dutolonomi 30:19

Sunu ndeeta liculu alimwi acishi ca panshi ayi shibe bakamboni bangu. Ndamupa ciindi cakusala pakati ka buumi alufu, apakati ka coolwe amashingo. Ono amusale buumi kwaamba ayi mwebo abamulunyungu lwanu munooli boomi.

Joshuwa 24:15

Ono na tamusuminite kusebenselabo Mwaami Lesa, amusale sunu nobeene uyo ngweshi munoosebensela, na mbalesa abo bakalinga kulambila bamashali banu bakulukulu mucishi ca Mesopotamya, nabi na mbalesa ba bene Amoli abo bene cishi ncemutekwikalaamo. Sombi nebo abamuŋanda yangu, tulanoosebenselabo Mwaami Lesa.”

Joshuwa 24:22

Lyalo Joshuwa wakaamba ayi, “Mwebo nobeene mwalibeta bakamboni kwaamba ayi mwasala kusebensela Mwaami Lesa.” Abalo bakakumbula ayi, “Ee, tuli bakamboni.”