Luka 10:31 - Baibo Busansulushi Bwa Libuku Ili

³¹ Ono umwi mupailishi wakalinga kwiinda munshila yeenka iyo, ndyaakabona muntu uyo wakoomwa, wakaseesha.

Luka 10:31 ပူးပေါင်းရင်းမြစ်များ

2 Samwelo 1:6

Musankwa uyo wakakumbula ayi, “Nebo ndakacanikwaawo paKalundu ka Gilubowa. Ono ndakabonabo Saulo utooshimpila kulisumo lyakwe, beshikulwanina mushikoci sha maaki abeshikulwanina pamaaki bene Filisiti kabalibo pafwaafwi akumulimba.

Kulumbaisha 142:4

Amulange kulyaansa lyangu lyalulyo, mutoobona ayi taakuuwo nabi womwi umbikaako maano. Ndushinisho taaku nkweenga ndaya mukuyuba. Taaku utoolama buumi bwangu.

Kulumbaisha 69:20

Matushi apensha moyo wangu abuumbi alimwi ndi mubuumba. Ndakalinga kulangila kunyumfwilwa nkumbu, sombi napaceyuubo. Ndakalinga kulangila kuyuminishikwa, sombi nakuceyuubo.

Tushimpi 21:13

Na muntu wacala matwi akwe ayi atanyumfwi kulila kwa mukandu, alakwe aakulila lucafwo, taaku beshi bakamukumbule.

Shikushimikila 9:11

Kuli acimwi cintu ncendakabona pacishi ca panshi. Mulubilo lwakushiyana teshibo baabo boobite kumyeendo bashiya bamwi. Teshibo bayumu bakoma munkondo. Teshi basongo bacana shakulya lyoonse. Teshi bacenjete bacana buboni lyoonse alimwi teshi beeite basumpuka lyoonse, sombi boonse balashamwa pashiindi shipusenepusene.

Isaya 58:7

Sa teshi kwakwaabila beshinsala shakulya shanu akupa maanda bantu baya ciingookabo ceebo cakwaabula? Sa teshi kwakucita na mwaboona uli mubusakula mwamupa shakufwala alimwi akutakaka kucafwa bene mishaanu?

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Osiya 5:1

“Amunyumfwishe mwebo nobapailishi, amuteye matwi kumakani aya mwebo nobene Isilaeli, ee, mukutikishe mwebo nobaana ba kubwalo! Mulandu utoomushikila, mwalinga anga nkoose kuMisipa, ncakwiila anga nkoombe kayalwa kuKalundu ka Tabo.

Osiya 6:9

Ono bweenka bacayi mbobabelamina bamwi muluundu, mbweeke ubo bapailishi mbobalibunganya akucita. Abalo balacaya bamwi munshila iya kuShekemu. Ncakwiila balacita shibiibi shilensha nsoni abuumbi.

Malaki 1:10

Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.

Luka 10:30

Jesu wakamukumbula ayi, “Kwakalinga muntu wakalinga kuswa kuJelusalemu kaaya kuJeliko. Ndyaakalinga kuya bweenda munshila, wakakumanya beepi, bakamucata, bamufuula akumuuma. Mpeeke bakamushiya kaawisukite.

Luka 10:32

Alakwe Mwine Lefi umwi wakalinga kwiinda munshila yeenka iyo, sombi ndyaakashika pakalinga muntu uyo wakoomwa akumubona, wakaseesha.

Lute 2:3

Aboobo Lute wakaya kumyuunda akunooya cibweselela bale wakalinga kucaala pesule lya basebenshi. Mucoolwe muunda uyo ngwaakalingaamo wakacanika ayi ngwakwe Bowasi shikamukowa wakwe Elimeleki.