Luka 10:28 - Baibo Busansulushi Bwa Libuku Ili

²⁸ Jesu wakamwaambila ayi, “Wakumbula kabotu, kocita bweenka ubo, ulaakuba abuumi butamaani.”

Luka 10:28 ပူးပေါင်းရင်းမြစ်များ

Neyemiya 9:29

Mwakabacenjesha kunyumfwila kwiisha kwanu, sombi balo bakalisumpula akukaka kukonkela milawo yanu nakubi kwaamba ayi Milawo yanu ilapa buumi kumuntu na weekonkela. Ceebo ca bushicimpamya bwabo bakaka kumunyumfwila.

Tushimpi 19:16

Uyo ukonkela milawo yakwe Lesa ulalama buumi bwakwe. Sombi uyo ufutatila nshila shakwe isho, ulafwa.

Esekelo 20:11

Ndakabapa milasho yangu akubeeisha milawo yangu iyo ipa buumi kumuntu uyo wiinyumfwila.

Esekelo 20:13

“ ‘Nakubi boobo bene Isilaeli bakangashukila muluyanga. Tabakwe kukonkela milasho yangu akukaka milawo yangu iyo ipa buumi kumuntu uyo wiinyumfwila. Bakabisha bushiku bomwi abomwi bwakookesha bwa Cibelu. Aboobo ndakalinga kulibambite kubalengesha kunyumfwa cilemeneshi ca bukali bwangu muluyanga.

Esekelo 20:21

“ ‘Nakubi boobo lishalane ilyo alyalo lyakangashukila. Tabakwe kukonkela milasho yangu akukaka milawo yangu iyo ipa buumi kumuntu uyo wiinyumfwila. Bakabisha bushiku bomwi abomwi bwakookesha bwa Cibelu. Aboobo ndakalinga kulibambite kubalengesha kunyumfwa cilemeneshi ca bukali bwangu muluyanga.

Bene Lefi 18:5

Amukonkele sheesho nshentoomulwiita amilawo njentoomupa. Pakunoocita boobo mulaakupulusha buumi bwanu. Nebo ndime Mwaami Lesa.

Mateyo 19:17

Jesu wakakumbula ayi, “Ceebonshi utoonjiipusha paceeco cili kabotu? Kulibo Womwi uli kabotu. Na ulisuni kuba abuumi butamaani, kokonkela Milawo.”

Maako 12:34

Jesu ndyaakabona ayi wakumbula camaano, wakaambila mufundishi wa Milawo ayi, “Webo toobete kulaale aBweene bwakwe Lesa.” Lyalo kuswawaawo, boonse bakalinga kuloonda kumwiipusha.

Luka 7:43

Simoni wakakumbula ayi, “Nebo ntooyeeya ayi ngooyo wakakongola maali aanji.” Jesu wakamwaambila ayi, “Wakumbula kabotu.”

Bene Loma 10:4

Mukwiinga Klistu ngowakamanisha nkusu sha Milawo kwaamba ayi uli woonse ushoma, alulamikwe pameenso akwe Lesa.

Bene Loma 3:19

Ono tulishi kwaamba ayi shoonse shaamba Milawo shilaamba pabaabo beendeleshekwa anjiyo kwaamba ayi bakabule pakuyubila milandu Lesa njeshi akabape.

Bene Loma 7:10

Mpeeke Milawo yakalinga kweelete kuletela bantu buumi, nebo yakandetela lufu.

Bene Galatiya 3:12

Sombi Milawo teekumiteeko kulushomo ceebo Malembo akwe Lesa alaamba ayi, “Uyo woonse ucita shoonse shilembetwe muMilawo ulaakuba abuumi.”

Dutolonomi 6:24

Lyalo Mwaami Lesa, Lesa wesu wakatwaambila kukonkela milawo iyi yoonse akumulemeka. Na tunoocita boobo, unanootulama lyoonse akunootulengesha kusumpuka kweelana ambwaatoocita cino ciindi.