Luka 10:21 - Baibo Busansulushi Bwa Libuku Ili

²¹ Paciindi ico Jesu wakasangalala muMushimu Usalashi. Mpeeke wakaamba ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite. Ncakwiila Ta, mwebo mwakacita kweelana akuyanda kwanu.

Luka 10:21 ပူးပေါင်းရင်းမြစ်များ

Kulumbaisha 24:1

Cishi ca panshi ashoonse shiliimo nsha Mwaami Lesa. Nkokwaamba ayi cishi pantu pomwi abantu boonse bekaalaamo mbaakwe.

Kulumbaisha 25:14

Mwaami Lesa ulaba shicibusa kubamulemeka, ulabayubulwiita cipangano cakwe.

Kulumbaisha 8:2

Mwakasuminisha baana baniini abakateta ayi bamulumbaishe ceebo ca balwani banu ayi muumushe bamupatite ashikuboosha cishole.

Isaya 29:14

Paceebo ceeco bantu aba ndaakubakankamika alimwi. Balaakubona shaankamiko peculu lya shaankamiko. Ndaakumana busongo bwa basongo, alimwi ndaakulobya maano a bantu bacenjete.”

Isaya 35:8

Lyalo kulaakuba mukwakwa. Mukwakwa uyo ulaakutumbwa ayi, “Mukwakwa wa Basalalite.” Bamucita shibi teshi bakeendeemo umo, sobwe. Ulaakuba wa baabo beelete kweendaamo beenka. Nabibo mashilu a bantu teshi akeendeemo umo.

Isaya 53:11

Pesule lyakumana kupenga kwakwe uko, mpindu ya buumi ulaakwiibona akukondwa. Musebenshi wangu uyo ulaakulengesha baanji kululama kwiinda mulushibo ndwaacite alimwi ulaakubwesa shibiibi shabo.

Isaya 62:5

Bweenka musankwa cikula bwangu mbwaaeba mwanakashi mooye, mbweeke ubo alakwe Mwaami Lesa mbweshi akakweebe. Bweenka shibwiinga mbwaasangalala pali nabwiinga wakwe, mbweeke ubo alakwe Mwaami Lesa mbweshi akanoosangalala pali ndiwe.

Isaya 66:1

Mwaami Lesa waamba ayi, “Liculu ncecuuna cangu ca bwaami, acalo cishi ca panshi mpopakulyata myeendo. Ono ŋanda njeshi munjakile ili buyani? Ee, musena ngweshi nkanokookeshelamo ulaakubeta pali?

Sefaniya 3:17

Mwaami Lesa, Lesa wako uli awebo. Ulicite nkusu shakukufuna. Ulaakukondwa abuumbi muli ndiwe. Ulaakukuletela buumi bupya mulusuno lwakwe. Ulaakusangalala pali ndiwe mukwiimba nyimbo

Mateyo 16:17

Mpeeke Jesu wakamukumbula ayi, “Ulicite coolwe Simoni omwanaakwe Jona! Teshi muntu wakuyubulwiita ceeci, sombi mbaTa ba kwiculu.

Mateyo 21:16

Bakeepusha Jesu ayi, “Sa utoonyumfwa mbobatokwaamba banike aba?” Lakwe wakabakumbula ayi, “Ee, ndanyumfwa. Ono sa tamuna kubelengawo kale Malembo akwe Lesa akwaamba ayi, ‘Lesa wakabambila limwi ayi baana baniini alimwi abakateta bamulumbaishe.’ ”

Mateyo 3:7

Ono Joni ndyaakabona baFalisi abaSaduki baanji kabesa kuli nguwe mukubombekwa, wakabaambila ayi, “Nobana ba nsoka mwebo! Ngani wamucenjesha kuloonda bukali bwakwe Lesa butoosa?

Maako 10:15

Ntoomulwiita calushinisho ayi uyo woonse utatambuli Bweene bwakwe Lesa anga ngumwaana, ncakwiila teshi akenjileemo.”

Luka 15:5

Lyalo na weecana ulasangalala akwiinyamuna pacifushi

Luka 15:9

Mpeeke na walicana, uleeta babye abeshimukobonyina pantu pomwi akubalwiita ayi, ‘Ndisangalete abuumbi mukwiinga lyaali lyangu lyakalinga lyasoweka ndalicana. Atusekelele!’

Joni 11:41

Aboobo bakakushako libwe. Mpeeke Jesu wakalanga kwiculu akwaamba ayi, “Ndamulumba Ta ceebo mwanyumfwa ncendasenga.

2 Bene Kolinto 4:3

Ceebo na Makani Abotu ngotushimikila alishisitwe, ingayi nkubaabo beenka batoosoweka.

Bene Efeso 1:11

Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.

Bene Efeso 1:5

wakabambilabo limwi ayi tulaakuba bana bakwe kwiinda muli Jesu Klistu. Ici cakamukondelesha alimwi kwakalinga nkuyanda kwakwe.