Luka 1:32 - Baibo Busansulushi Bwa Libuku Ili

³² Uyu mwaana ulaakuba mulemu alimwi ulaakunokwiitwa ayi Mwanaakwe Lesa wa kwiculu Wiindaawo. Mwaami Lesa ulaakumupa bwaami bweenka bwakalinga kucite Defedi ishi mukulukulu.

Luka 1:32 ပူးပေါင်းရင်းမြစ်များ

2 Samwelo 7:16

Bamulunyungu lwako balaakunoolikobo lyoonse alimwi ndaakulengesha bwaami bwako kwikala muyayaya. Buleelo bwako teshi bukamaneewo.’ ”

Kulumbaisha 132:11

Mwaami Lesa wakashomesha cakulumbila kuli Defedi. Kushomesha uko nkweshi akabule kupilula. Wakashomesha ayi, “Womwi pakati ka bana bako basankwa ulaakulela kuswa ndiwe.

Kulumbaisha 132:12

Na bana bako basankwa bakalaame cipangano cangu alimwi na bakakonkele kwiisha kwangu, bwaami bwako bulaakunoolibo pabamulunyungu lwabo kwalyoonse alyoonse.”

Isaya 16:5

Kuswawaawo cuuna ca bwaami cilaakutulwa mulusuno. Wamulunyungu lwakwe Defedi womwi ulaakukalaawo cakushomeka. Lakwe ulaakunokoombolosha cakutanyengelela. Ncakwiila ulaakunoobilemebo kucita bululami.

Jelemiya 17:25

bamaami bamulunyungu lwakwe Defedi balaakwinjila paminjililo ya ndabala ino pantu pomwi abacinenenene babo. Boonse balaakwisa kabatantite shikoci amaaki akushindikilwa kubene Juda abaabo bekala muJelusalemu. Kuswawaawo ndabala iyi ilaakunoocite bantu bekalaamo lyoonsebo.

Jelemiya 22:2

‘Nyumfwa maswi a Mwaami Lesa webo omwaami wa bene Juda. Ee, webo nooshiite pacuuna ca bwaami bwakwe Defedi. Ncakwiila ukutike webo omwiine, bacinenenene bako abantu bako abo banjilila paminjililo iyi.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Mateyo 1:1

Jesu Klistu wakashalwa mulunyungu lwakwe Defedi aAbulaamu.

Mateyo 12:42

Pabushiku bwakoomboloshekwa, mwaami mwanakashi wa kumalenge ulaakumushinina ceebo wakaswa kweela cishi kwisa mukunyumfwa busongo bwakwe Solomoni. Sombi pano mpwaali wiinda Solomoni!

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Mateyo 3:11

Nebo ntoomubombeka amaanshi kutondesha kwaamba ayi mwasanduka kuswa kushibiibi, sombi uyo utoosa pesule lyangu uleendaawo nkusu pali ndime. Nsheeleteewo akunyamuna nsapato shakwe. Uyo lakwe ulaakumubombeka aMushimu Usalashi alimwi amulilo.

Maako 14:61

Sombi Jesu wakoomunabo tontolo, taaku ncakakumbulaawo. Mupailishi munene wakeepusha Jesu alimwi ayi, “Sa ndiwe Usalitwe, Mwanaakwe Lesa ulemekwa?”

Maako 5:7

Wakoolobesha aliswi lya peculu ayi, “Ino utooyanda kuncita buyani webo Jesu oMwanaakwe Lesa wa kwiculu Wiindaawo? Ndaseenga muliina lyakwe Lesa ayi utampenshi.”

Luka 1:15

Mwaana uyo ulaakunoocite bulemu bunene kuli Lesa alimwi teshi akanwewo waini nabi shimwi shikola. Lakwe ulaakushalwa kaaswite Mushimu Usalashi.

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Luka 1:76

Webo omwanaangu ulaakwiitwa ayi ndiwe mulaluki wakwe Lesa wa kwiculu Wiindaawo, mukwiinga webo ulaakululamikila Mwaami nshila, lakwe kaatana kwisa.

Luka 3:16

Lyalo Joni wakabaambila boonse ayi, “Nebo ntoomubombeka amaanshi, sombi uyo utoosa uleendaawo nkusu pali ndime cakwaamba ayi nsheelete akwaangulula nsapato shakwe. Uyo lakwe ulaakumubombeka aMushimu Usalashi alimwi amulilo.

Luka 6:35

Sombi mwebo mutaciti boobo, amusune balwani banu alimwi akucita shibotu kuli mbabo. Amukweleteshe kutamba ayi bakamuboosheshe. Lyalo mulaakuba acilambu cinene kwiculu. Mulaakuba bana bakwe Lesa wa kwiculu Wiindaawo uyo ucita shibotu kubaabo bataluumbi ababiibi.

Joni 12:34

Bantu bakamukumbula ayi, “Swebo twakanyumfwa muMilawo yakwe Mose ayi Usalitwe wakwe Lesa ulakunoolikobo lyoonse, ino ono inga waamba buyani ayi, ‘MwanaaMuntu ulyeelete kupopwa pamucilingano?’ Ino MwanaaMuntu uyo ngani?”

Joni 6:69

Swebo tulashoma alimwi tulishi ayi ndimwe wooyo Usalalite uswa kuli Lesa.”

Milimo ya Batumwi 16:17

Uyu mwanakashi wakalinga kwisa cikonkela Paulo aswebo, kaaolobesha ayi, “Aba basankwa mbasebenshi bakwe Lesa wa kwiculu Wiindaawo! Batooshimikila mbweenga mwapulushikwa.”

Milimo ya Batumwi 2:30

Ceebo wakalinga mulaluki mukulukulu, wakeshiba ayi Lesa wakamushomesha akumukonkomesha ayi mulunyungu lwakwe mulaakuswa aumwi mwaami ngweshi akabe mbuli nguwe.

Milimo ya Batumwi 2:36

“Aboobo mwebo nobene Isilaeli noonse, amwishibishe calushinisho ayi Jesu uyo ngomwakapopa pamucilingano, ngowooyo Lesa ngwaakabika ayi abe ngoMwaami alimwi ngoUsalitwe wakwe!”

Milimo ya Batumwi 7:48

“Nakubi boobo Lesa wa kwiculu Wiindaawo taakali mumaanda ayakwa abantu. Kweelana abwakaamba mulaluki mukulukulu ayi,

Bene Loma 1:4

Sombi Mushimu Usalashi wakatondesha cankusu ayi ngoMwanaakwe Lesa kwiinda mukumubusha kuswa kubafu. Uyu nguMwaami wesu Jesu Klistu.

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.