Luka 1:27 - Baibo Busansulushi Bwa Libuku Ili

²⁷ Wakaya kumwanakashi wakalinga kwiitwa ayi Maliya utana kukumanaawo amusankwa. Maliya uyu wakalinga kumamikitwe kumusankwa wiitwa ayi Josefu uyo wa mulunyungu lwakwe Defedi.

Luka 1:27 ပူးပေါင်းရင်းမြစ်များ

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Jelemiya 31:22

Citooba ciindi cilaamfu buyani kamutonsha mwebo nobaana batashomeki? Nebo neMwaami Lesa ndaakulenga cintu cipya pacishi ca panshi, ee, cintu cipusenebo anga ngumwanakashi kutabilila musankwa.”

Mateyo 1:16

Jakobo wakashala Josefu muka Maliya, banyina Jesu wiitwa ayi Klistu.

Mateyo 1:18

Ono mbulya mbwaakashalwa Jesu Klistu. Maliya banyina bakalinga kumamikitwe kuli Josefu, sombi kabatana kweebana, cakacanika ayi bakalinga pakati kwiinda munkusu sha Mushimu Usalashi.

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Luka 1:28

Munjelo ndyaakashika kuli Maliya wakamwaansha ayi, “Waboneka, webo noocite coolwe kuli Lesa. Lesa uli andiwe.”