Luka 1:26 - Baibo Busansulushi Bwa Libuku Ili

²⁶ Mumweenshi wasanu awomwi kuswa kukumita kwakwe Lisabeti, Lesa wakatuma Gabuliyelo mundabala inene ya mucishi ca Galili iyo yakalinga kwiitwa ayi Nasaleti.

Luka 1:26 ပူးပေါင်းရင်းမြစ်များ

Danyelo 8:16

Lyalo ndakanyumfwa liswi kuswa kwitala lya Mulonga wa Ulayi lyakoolobesha ayi, “Gabuliyelo, mulwiite ncecaamba cili anga nciloto ncaabona.”

Danyelo 9:21

Ndindakalinga kucipaila, munjelo Gabuliyelo, uyo ngondakalinga ndabonaawo kale mucili anga nciloto, wakesa kuli ndime kaauluka. Ico cakalinga ciindi cakubenga mulambu wa macolesha.

Mateyo 2:23

Lyalo wakaya mukwikala mundabala ya Nasaleti, bweenka mbuli mbobakaamba balaluki bakulukulu ayi, “Ulaakunokwiitwa ayi wakuNasaleti.”

Luka 1:19

Munjelo uyo wakakumbula ayi, “Nebo ndime Gabuliyelo wiimikana pameenso akwe Lesa. Lakwe ngowantuma ayi nse nkulwiite makani abotu aya.

Luka 2:39

Ono Josefu aMaliya ndibakamanisha kucita shoonse kweelana aMilawo ya Mwaami Lesa, bakaboolela kumishaabo kuNasaleti mucishi ca Galili.

Luka 2:4

Josefu alakwe wakanyamuka kuswa kuNasaleti mucishi ca Galili kuya kundabala yakwe Defedi iyo yakalinga kwiitwa ayi Betileemu, mucishi ca Judeya, mukwiinga wakalinga ngwa mulunyungu lwakwe Defedi.

Joni 7:41

Bamwi bakaamba ayi, “Uyu muntu ngoUsalitwe wakwe Lesa,” sombi bamwi bakalinga kwiipusha ayi, “Sa Usalitwe wakwe Lesa ulaakuswa kuGalili?