Luka 1:15 - Baibo Busansulushi Bwa Libuku Ili

¹⁵ Mwaana uyo ulaakunoocite bulemu bunene kuli Lesa alimwi teshi akanwewo waini nabi shimwi shikola. Lakwe ulaakushalwa kaaswite Mushimu Usalashi.

Luka 1:15 ပူးပေါင်းရင်းမြစ်များ

Matalikilo 12:2

Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.

Matalikilo 48:19

Sombi baishi bakakaka akwaamba ayi, “Ndishi omwanaangu, ndishi. Alakwe ulaakuba mushobo alimwi alakwe ulaakuba muntu ulemekwa. Nakubi boobo, mwanike wakwe ulaakwiindaawo alimwi bamulunyungu lwakwe balaakuba likoto lya mishobo.”

1 Makani 17:8

Ndakalinga awebo kuli koonse nkowakaya alimwi ndakakoma balwani bako ayi baswe kunembo lyako. Ndaakulengesha liina lyako kupuka mbweeke mbuli nkumenkume shimwi sha mucishi ca panshi.

1 Makani 29:12

Bubile abulemu shilaswa kuli ndimwe. Ndimwe mulela shintu shoonse. Nkusu shili mumaansaanu shakusumpula muntu akumuyumya.

Kulumbaisha 22:9

NobaLesa, ndimwe mwakanengesha ayi nshalwe kabotu kuswa mulifumo lya bama. Ndimwe mwakandela kabotu kaancili kulukolo.

Jelemiya 1:5

“Kaantana kukubumba mulifumo lya banyoko, ndakalinga kukwishi kale. Ncakwiila ndakakubika palubasu kootana kushalwa. Ndakakusala ayi ube mulaluki kumishobo iinji.”

Jelemiya 35:6

Sombi balo bakankumbula ayi, “Swebo tatunwiiwo waini ceebo mushali wesu mukulukulu Jonadabu mwanaakwe Lekabu wakatulwiita ayi swebo nabi bamulunyungu lwesu tatweelete kunwa waini.

Bene Lefi 10:9

“Webo abana bako basankwa tamweelete kwinjila muTente ya Cipangano na mwanwa waini nabi shibilite shimwi shoonse. Na mukacite boobo, mulaakufwa. Uyu ngumulawo ngobeelete kukonkela boonse bamulunyungu lwako.

Sekaliya 9:15

Mwaami Lesa Shinkusu shoonse ulaakubatabilila bantu bakwe. Ncakwiila abalo balaakunyonyoola balwani babo. Munkondo balaakunokoolobeshabo anga bakolwa. Balaakutila bulowa bwa balwani babo cakwaamba ayi bulaakukunkabo anga mbwa mulambu bulya butilwa pacipaililo kuswa mumbale ifongomene.

Luka 1:14

Ulaakukondwa akusangalala alimwi abantu baanji abalo balaakusekelaamo ceebo cakushalwa kwakwe.

Luka 7:28

Ntoomwaambila ayi kuswa kale kale takuna kubawo muntu wiinda Joni, sombi uyo muniini muBweene bwakwe Lesa ngumunene kwiinda nguwe.”

Luka 7:33

Mukwiinga Joni Mubombeki wakesa kaalikasha kulya alimwi kaatanwi waini, sombi mwebo mwakaamba ayi, ‘Ulicite shikaswa.’

Joni 5:35

Joni Mubombeki wakalinga mbuli lilampi lyakalinga kumunika, alimwi mwakakondwa kwaciindi ciniini mumumuni wakwe.

Milimo ya Batumwi 2:4

Mpeeke boonse bakesushikwa Mushimu Usalashi akutalika kwaamba mishobo imwi, kweelana ambowakabatanjilila Mushimu uyo.

Bene Galatiya 1:15

Sombi Lesa muluse lwakwe, wakansalilabo limwi kaantana kushalwa ayi nkamusebensele.

Bene Efeso 5:18

Amucileeke kukolwa uko kweshi kukamunyonyoolebo, sombi amusushikwe aMushimu Usalashi.

Joshuwa 3:7

Kuswawaawo Mwaami Lesa wakaambila Joshuwa ayi, “Pabushiku bwasunu ntootalika kukusumpula pameenso abene Isilaeli boonse, kwaamba ayi beshibe ayi ndi awebo bweenka mbondakalinga aMose.

Joshuwa 4:14

Pabushiku ubo, Mwaami Lesa wakasumpula Joshuwa pameenso a bene Isilaeli boonse. Mpeeke bakatalika kumupa bulemu mubuumi bwakwe boonse bweenka mbobakalinga kupa bulemu Mose.