Kulumbaisha 82:3 - Baibo Busansulushi Bwa Libuku Ili

³ Amwiimikanine bakandu abana banshiwa, mutanyengeleli bapengete abaabo batoolyatililwa.

Kulumbaisha 82:3 ပူးပေါင်းရင်းမြစ်များ

Jobo 29:12

ceebo ndakalinga kufuna bakandu abo bakalinga kusenga lucafwo alimwi ndakalinga kucafwa bana banshiwa batakalinga kucite shikubacafwa.

Jobo 31:21

“Na ndakanyamuna lyaansa lyangu kubekesha mulandu mwanaanshiwa mukwishiba kwaamba ayi inga ndamukoma munkuta,

Kulumbaisha 10:18

Ncakwiila muleemikanina bana banshiwa abaabo balyatililwa, kwaamba ayi muntubo uli mbuli bamwi boonse, acileeke kulengesha babye boowa.

Kulonga 23:3

Alimwi mutanoosalulula pakoombolosha muntu mukandu.

Kulonga 23:6

“Mutanyengeleli mukandu pakumoombolosha munkuta.

Tushimpi 31:9

Kobaambililaako akoombolosha cakutanyengelela. Ee, kotabilila bakandu abapengete kwaamba ayi batanoolitwa masuku pamitwi.”

Isaya 1:17

Amutalike kucita shibotu. Amusune kucita shiluleme. Ee, amuyumye balyatililwa. Kamufuninina batacite bamashali akwiimikanina bamukalubinje.”

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Jelemiya 21:12

“Amunyumfwe maswi angu neMwaami Lesa akwaamba ayi, ‘Amoomboloshe bweelete nshiku shoonse. Amufune bantu batokwiipilwa mumaansa a baabo batoobapensha. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Bulaakunyaka anga ngumulilo uyo muntu ngwaatakoonshi kushimya.’ ”

Jelemiya 22:16

Lakwe wakalinga kwiimikanina bapenshi abakandu mumilandu. Aboobo shintu shoonse shakalinga kumweendela kabotu. Sa te kucita boobo mbocaamba kwishiba ndime? Nebo neMwaami Lesa ndaamba.

Jelemiya 22:3

Ono bulya ndakwaambila ayi unoocita shintu shakutanyengelela akucita shiluleme. Kofuna muntu uyo utookwiipilwa kuswa mumaansa a wooyo utoomupensha. Mutaciti shibiibi akuba alunkutwe kumuswamashi, mwanaanshiwa amukalubinje. Utatiili bulowa bwa bantu batacite mulandu mucishi cino.

Jelemiya 5:28

Baliinite alimwi balalya kabotu. Kubisha kwabo takumaniiwo. Taboomboloshi milandu ya banabanshiwa mbuli mboyeelete. Bakandu tababafuniiko mumakani abo.

Sekaliya 7:9

“Kalekale ndakapa milawo iyi kubantu bangu ayi, ‘Mulyeelete koombolosha cakutanyengelela, kutondesha luse akunyumfwila nkumbu muntu womwi awomwi.

Dutolonomi 10:18

Ulabikaako maano kubamucaala akubamukalubinje kubona kwaamba ayi tabatoonyengelelwa. Baswamashi bekala pakati kesu ulibasuni alimwi ulabapa shakulya ashakufwala.

Dutolonomi 24:17

“Kuteelesha kunyengelela baswamashi nabi bana banshiwa mumilandu. Alimwi taaku weelete kubwesa cakufwala ca mukalubinje mwanakashi ayi ncakushomesha kwaamba ayi ulaakuboosha nkongole.

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.