Kulumbaisha 7:1 - Baibo Busansulushi Bwa Libuku Ili

¹ NoBaami baLesa, baLesa bangu, muli ndimwe moonjuba. Amumfuune akumpulusha kubalwani abo batooya cimfwima,

Kulumbaisha 7:1 ပူးပေါင်းရင်းမြစ်များ

Kulumbaisha 11:1

Nebo ndayubila muMwaami Lesa. Ino ono inga mwandwiita buyani ayi, “Uluka anga ngumuyuni ulobokele kutulundu

Kulumbaisha 13:3

Amunjeeye noBaami baLesa, baLesa bangu akunkumbula. Amunjuminishe alimwi. Mutandeeki ayi mfwe.

Kulumbaisha 13:5

Ono nebo ndicinkite manungo mulusuno lwanu lutamaani. Moyo wangu ulaakusangalala mukwiinga mulaakumfuna.

Kulumbaisha 18:2

Mwaami Lesa ngomwaandami wangu, ndyelilinga lyangu lya mabwe alimwi ngomupulushi wangu. Ee, Lesa wangu, ngomwaandami wangu, shikumfuna. Ulantabilila anga ndiyawo, ngumupulushi wangu umfuna amunkondo.

Kulumbaisha 18:28

Mwebo noBaami baLesa ndimwe munyasha mumuni wa buumi bwangu, mulapalanganya munshinshe kunembo lyangu.

Kulumbaisha 25:2

NoBaami baLesa ndimwebo ncinkitemo manungo, mutakanenshi nsoni kubalwani bangu kwiinda mukukomwa. Ncakwiila mutalengeshi balwani bangu kulisumpula pali ndime.

Kulumbaisha 26:1

NoBaami baLesa, amutondeshe kululama kwangu mukwiinga ndacita shiluleme mubuumi bwangu, alimwi ndicinkite manungo muli ndimwe noBaami baLesa cakutatonsha.

Kulumbaisha 3:7

NoBaami bangu amucite ono! Amumpulushe nobaLesa bangu! Mulauma balwani bangu boonse mumanungo, mwabalengesha kubula nkusu shakuncisa.

Kulumbaisha 30:12

Aboobo teshi nkoomune, sombi ndaakunoomwiimbila lyoonse. NoBaami baLesa, baLesa bangu, ndaakunoomulumba kwalyoonse alyoonse.

Kulumbaisha 30:2

NoBaami baLesa, baLesa bangu ndakamulilila ayi muncaafwe, ncakwiila mwebo mwakanshilika.

Kulumbaisha 31:15

Nebo lyoonse ndi mumaansaanu. Amumfuune kuswa kubalwani bangu, ee, kuswa kubaabo bampensha.

Kulumbaisha 32:10

Bantu babiibi balyeelete kupenga, sombi abo bacinkite manungo muMwaami Lesa balaakunoofunwa ceebo ca lusuno lwakwe lutamaani.

Kulumbaisha 43:4

Lyalo ndaakuya kucipaililo canu nobaLesa, nobaLesa mwebo nomunengesha kusangalala. Ncakwiila ndaakumulumbaisha kwiinda mukwiimba akalumbu nobaLesa, baLesa bangu.

Kulumbaisha 89:26

Ulaakuŋambila ayi, ‘Ndimwe Bata, ndimwe baLesa bangu, mwaandami alimwi amupulushi wangu.’

Isaya 50:10

Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.

Jelemiya 15:15

Lyalo ndakaamba ayi, “NoBaami baLesa mwebo mulanyumfwishisha shintu. Kamunjibaluka akundama. Amumbooshesheeko cishole kubaabo bampensha. Mwebo tamukalali bwaangu, ono mutabaleeki ayi bancaaye. Amuyeeye mbooncobolwa ceebo ca ndimwe.

Jelemiya 20:11

Sombi mwebo noBaami baLesa muli kulubasu lwangu anga ngushilumamba wa nkusu ucibwene kulwana. Aboobo bantu aba batoompensha balaakulisuntula, teshi bakankomeewo, sobwe. Balaakwaalilwa akulenshekwa nsoni cakwaamba ayi nsoni shabo teshi shikalubweewo.

Jelemiya 31:18

“Ndushinisho ndakanyumfwa kulila kwa bene Efuleemu ayi, ‘Mwakatutambisha anga ngumucongoshi mucende aswebo twakabomba. Amutubooshe, aswebo tulilibambite kuboola kuli ndimwe ceebo ndimwe Baami baLesa, baLesa besu.

Danyelo 9:4

Ndakapaila kuMwaami Lesa, Lesa wangu akulyaambilila shibiibi sha bene misheesu ayi, “NoBaami baLesa, mulicite nkusu alimwi tulamulemeka. Mulashomeka kucipangano canu alimwi mulatondesha lusuno lwanu lutamaani kubaabo bamusuni alimwi banyumfwila milawo yanu.

Abakuku 3:1

Uyu ngumupailo wangu neAbakuku kwiinda mumukumo wa Shigiyonoti.

Sekaliya 14:5

Lyalo mwebo mulaakuloboka akwiinda mucinyika ceenka ico ceebo cilaakuya mukushika akuAselo. Mulaakucica bweenka mbomwakacica ciindi cilya citentanshi ndicakacitika mubwaami bwakwe Usiya mwaami wa bene Juda. Kuswawaawo Mwaami Lesa ulaakwisa pantu pomwi abasalalite bakwe boonse.

Joshuwa 14:8

Sombi bamakwesu bamwi mbondakayaabo, bakalengesha bantu boowa. Nacibi boobo, nebo ndakakonkela Mwaami Lesa amoyo wangu woonse.

1 Pita 1:21

Kwiinda muli nguwe mulashoma muli Lesa uyo wakamubusha kuswa kubafu akumupa bulemu buunji. Aboobo lushomo lwanu akulangila kwanu kube muli Lesa.

1 Pita 4:19

Aboobo abo bapenshekwa ceebo cakuyanda kwakwe Lesa, balibeenge mumaansa a Mulengi wabo ushomeka, akutolelela kucita milimo ibotu.