Kulumbaisha 69:2 - Baibo Busansulushi Bwa Libuku Ili

² Ntooya cipila mumatipa aanji, ayo ayabo kutaaku apakwiimikana. Ndi mumaanshi alaamfu abuumbi, aalo maaba atooyanda kumfwekelesha.

Kulumbaisha 69:2 ပူးပေါင်းရင်းမြစ်များ

Jobo 22:11

Munshinshe wakufwekelesha cakwaamba ayi inga tooboni. Wapila mumapensho anga mumaanshi aanji.

Kulumbaisha 32:6

Paceebo ceeco bantu banu boonse balyeelete kupaila kuli ndimwe ndimucikumbula. Ncakwiila mapensho aakusefuka anga ngamaanshi mumulonga, teshi akabashikile.

Kulumbaisha 40:2

Mpeeke wakansubula kuswa mucilindi ca lufu umo mwakalinga cineemuneemu ca mankatya. Lyalo wakambwesa akunjimika pamwaandami, ncakwiila pamusena apo pataapu cakulisukama.

Jelemiya 38:22

Banakashi boonse abo bakacaala kuŋanda ya mwaami wa bene Juda balaakuletwa kubamatanjilili ba bashilumamba ba mwaami wa bene Babiloni. Lyalo banakashi abo balaakumwaambila ayi, ‘Bakamupilinganya akumukoma babyaanu abo mbomushoma. Ono sunu myeendo yanu yepila mumatipa, babyaanu bamupalangana.’ ”

Jelemiya 38:6

Aboobo bakambwesa akuya mukungwaala mumukalo wakwe Malukiya mwanaamwaami. Mukalo uyo wakalinga mulubansa lwa ŋanda ya bwaami. Bakasebensesha ntambo pakunkulukisha mumukalo uyo. Tewakalinga kucite maanshi, sombi mwakalingabo matipa ayo ngondakepilaamo.

Jona 2:6

Ndakepila panshi peene patalikila tulundu, mumusena uli anga nintolongo yamuyayaya. Sombi noBaami baLesa bangu, mwakankusha mumusena wa bafu.

Mateyo 7:25

Ono mfula ndiyakaloka, milonga yakesula kwiindilila alimwi amuuwo wakapuupila kuŋanda iyo, sombi taikwe kuwa mukwiinga yakalinga kuyakitwe palibwe.