Kulumbaisha 69:19 - Baibo Busansulushi Bwa Libuku Ili

¹⁹ Mwebo mulishi mboontukanwa, mulishi mboonsebaana akunyanshikwa. Ee, balwani bangu boonse mulibeshi.

Kulumbaisha 69:19 ပူးပေါင်းရင်းမြစ်များ

Kulumbaisha 38:9

NoBaami baLesa, kulila kwangu kulibo patuba kuli ndimwe, ncakwiila kutongela kwangu mulishiitemobo uko.

Kulumbaisha 5:9

Isho shaamba balwani bangu tashishomwa, mukwiinga balisunibo kunyonyoola. Maswi abo ngabotu alimwi ngabushicibusa, sombi muli kweena kwabucayi.

Isaya 53:3

Bantu bakamukaka akumusebaanya. Ncakwiila wakalinga muntu shimapensho, ee, muntu uyo wakalinga kupenga. Wakalinga anga ngumuntu uyo bantu ngobalanga kumbi pakukumanaakwe munshila. Wakasebaana aswebo twakamulangabo anga na nciinshibo.

Joni 8:49

Jesu wakakumbula ayi, “Nshicite shikaswa, sobwe. Ndalemeka baTa, sombi mwebo mulanyansha.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

1 Pita 2:23

Ndibakalinga kumutukana taakwe kubabooshesha. Ndibakamupensha taakwe kubakonga, sombi wakabika shoonse mumaansaakwe Lesa moomboloshi ululeme.