Kulumbaisha 67:4 - Baibo Busansulushi Bwa Libuku Ili

⁴ Mishobo yoonse aikondwe akwiimba ceebo cakusangalala mukwiinga muloombolosha bantu cakutanyengelela, akutanjilila mishobo yoonse ya pacishi ca panshi.

Kulumbaisha 67:4 ပူးပေါင်းရင်းမြစ်များ

Matalikilo 18:25

Ndushinisho teshi mucaye batacite milandu pantu pomwi abacite milandu. Tamukoonshi kucita boobo, ceebo na mwacita boobo, nkokwaamba ayi batacite milandu batootondeshekwa bukali pantu pomwi abacite milandu. Ono ico tacicitiki. Moomboloshi wa cishi coonse ulyeelete kucita shintu cabululami.”

Kulumbaisha 2:8

Senga kuli ndime, ntookupa mishobo yoonse ayi ibe yaako. Nkokwaamba ayi cishi coonse ca panshi citooba caako.

Kulumbaisha 82:6

“Ndakaamba ayi, ‘Muli balesa, noonse muli baana ba Lesa wa kwiculu Wiindaawo.’

Kulumbaisha 9:8

Ulalela cishi ca panshi cabululami akoombolosha mishobo yoonse bweelete.

Kulumbaisha 96:10

Amwaambile mishobo yoonse ayi, “Mwaami Lesa ngumwaami. Cishi ca panshi ciliimfwi mumusena womwi, aboobo tacitenkaani. Lesa uyo ulaakoombolosha bantu boonse cabululami.”

Kulumbaisha 98:9

mukwiinga Mwaami Lesa ulaakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Isaya 54:1

Ono Mwaami Lesa waamba ayi, “Olobesha cakusangalala webo Jelusalemu ee, webo ooli anga ngumwanakashi ŋumba. Imba nyimbo akoolobesha cakukondwa webo nootana kunyumfwawo mwaana mbwaanyona. Ceebo baana ba mwanakashi wakashiiyikwa kuli ibaye mbaanji kwiinda ba wooyo uli aibaye.

Isaya 55:4

Amubone, lakwe ndakamusala kuba kamboni kubantu boonse. Ndakamulengesha kuba mutanjilili wa mishobo imwi yoonse.

Isaya 60:6

Matanga angamela alaakususha cishi canu, ngamela shiniininiini sha kuMidyani akuEfa. Boonse ba kuSheba balaakwisa, balaakunoosa agolodi alimwi atununkila kabotu pakutenta. Nebo neMwaami Lesa, bantu abo balaakunumba amaswi apeculu.

Milimo ya Batumwi 17:31

Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”

Bene Loma 2:5

Ono ceebo uli shicimpamya utoolengesha Lesa ayi akeendeewo kukutondesha bukali bwakwe pabushiku ndyeshi akoomboloshe bantu boonse mubululami.

Bene Galatiya 4:27

Mukwiinga muMalembo akwe Lesa mulilembetwe ayi, “Kondwa webo oŋumba! Tangala akoolobesha cakusangalala, webo nootakwe kunyumfwawo shicisa pakushala. Mukwiinga baana ba mwanakashi wakashiyikwa aibaye, mbaanji, kwiinda baabo ba mwanakashi uli aibaye.”

Dutolonomi 32:43

“Mwebo nomishobo yoonse, kamulumbaisha bantu ba Mwaami Lesa. Ulaakupa mulandu abo babacaya akuboosha cishole kubalwani, sombi ulalekelela bantu bakwe.”