Kulumbaisha 66:4 - Baibo Busansulushi Bwa Libuku Ili

⁴ Nsengwe yoonse ilalambila ndimwe, balamwiimbila nyimbo shakulumba. Ncakwiila baleemba nyimbo shakulumbaisha liina lyanu.”

Kulumbaisha 66:4 ပူးပေါင်းရင်းမြစ်များ

Kulumbaisha 117:1

Amulumbaishe Mwaami Lesa, mwebo nomishobo yoonse. Ee, amumulumbaishe nobantu noonse.

Kulumbaisha 22:27

Bantu ba mumishobo yoonse balaakwiibaluka akusandukila kuMwaami Lesa. Ndushinisho bamumaanda a mishobo imwi yoonse balaakumulambila,

Kulumbaisha 65:5

Mwebo mulatukumbula kwiinda mukucita shaankamiko sha bululami, nobaLesa bapulushi besu. Kulangila kwa bantu boonse ba mucishi ca panshi, akwa baabo bali kwitala lya lweenge, kuli muli ndimwe.

Isaya 11:9

Ncakwiila paSiyoni kalundu kasalalite ka Mwaami Lesa, teshi pakabeewo cintu cikali alimwi teshi pakabeewo bubi. Mucishi ca panshi coonse bantu balaakunooswitebo lushibo lwa Mwaami Lesa, bweenka lweenge mboluswite maanshi.

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Ciyubululo 15:4

NoBaami baLesa, ngani utamuloondi akulemeka liina lyanu? Mukwiinga mwebo nweenka ndimwe Musalalite. Mishobo yoonse ilaakuyoboloka mukumulambila mukwiinga micito yanu iluleme, ilaboneka kubantu boonse.”