Kulumbaisha 6:4 - Baibo Busansulushi Bwa Libuku Ili

⁴ Ono amwise mumfuune noBaami baLesa, Amumpulushe kulufu ceebo cankumbu shanu.

Kulumbaisha 6:4 ပူးပေါင်းရင်းမြစ်များ

Kulumbaisha 116:4

Lyalo ndakapaila kuMwaami Lesa ayi, “NoBaami baLesa, ndamusenga amumfuune.”

Kulumbaisha 116:8

Mwebo noBaami baLesa mwakampulusha kuswa kulufu. Ncakwiila ndimwe mwakaŋumbulusha mukulila kwangu, alimwi akuncafwa kwaamba ayi ntakomwi.

Kulumbaisha 120:2

Nobaami baLesa, amumfuune kuswa kubantu babeshi, ee, bataambi lushinisho.

Kulumbaisha 121:7

Mwaami Lesa ulaakukufuna kushintu shoonse shikonsha kukucisa. Ndushinisho ngweshi akalame buumi bwako.

Kulumbaisha 13:2

Ndaakucileka lili kupenshekwa mumoyo wangu? Anu buumba buli mumoyo wangu lyoonse bulaakumana lili? Balwani bangu balaakucileka lili kunkoma?

Kulumbaisha 17:13

NoBaami baLesa, amunyamuke ono mubalwaane akubakoma! Amumfuune a mupeeni wanu kubamucita shibi aba.

Kulumbaisha 22:20

Amufuune buumi bwangu kulufu lwa mupeeni, mumpulushe kubalwani abo bali anga mbaumpe.

Kulumbaisha 25:7

Shibiibi shangu sha kubwanike mutakashiibaluki, nshila shangu sha bwaashu mutakashiibaluki. Munjibaluke mulusuno lwanu nobeene, mukwiinga mwebo NoBaami baLesa muli kabotu.

Kulumbaisha 69:13

Nakubi boobo nebo ndanoopaila kuli ndimwe noBaami baLesa. NobaLesa, amukankumbule paciindi ncemubambite. Amukankumbule ceebo ca lusuno lwanu lutamaani kwiinda mukumpulusha kweelana akushomeka kwanu.

Kulumbaisha 74:10

NobaLesa, citooba ciindi cilaamfu buyani balwani banu kabamuseka? Sa bananoocobola liina lyanu kwalyoonse?

Kulumbaisha 79:5

NoBaami baLesa, sa munanookalalitebo kwalyoonse alyoonse? Citooba ciindi cilaamfu buyani busuba bwanu kabunyaka anga ngumulilo?

Kulumbaisha 80:14

NobaLesa Beshinkusu, amusanduluke akulanga kuli ndiswe. Amutulangilishe mwebo nomwikala kwiculu. Amwise mupulushe bantu banu bene Isilaeli.

Kulumbaisha 86:13

Lusuno lwanu lutamaani ndunene. Mwakamfuna ayi ntayi kumusena wa bafu.

Kulumbaisha 90:13

Ino bukali bwanu butootola ciindi cilaamfu buyani? NoBaami baLesa, amube ankuumbu pabasebenshi banu!

Isaya 38:17

Ndushinisho kupenga nkondeendaamo kwandetela mpindu. Kwiinda mulusuno lwanu mwakamfuna ayi ntayi mucilindi cakunyonyooka. Kuswawaawo mwalekelela shibiibi shangu shoonse akushiluba.

Danyelo 9:18

“NobaLesa, amutukutike, amutulangilishe akubona mapensho ayo ngotuliimo alimwi amakatasho ayo ali mundabala iyo iitwa liina lyanu. Tatutoomusenga ceebo cakwaamba ayi tuliluleme, sombi ceebo ca nkumbu shanu shiinji.

Malaki 3:7

Mwebo tamukonkeli milawo yangu, bweenka bwakalinga kucita bameeshiwanu bakulukulu. Amuboole kuli ndime, kwaamba ayi anebo mboole kuli ndimwe. Sombi muleepusha ayi, ‘Ino inga twaboola buyani kuli ndimwe?’

Bene Efeso 1:6

Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.