Kulumbaisha 113:3 - Baibo Busansulushi Bwa Libuku Ili

³ Liina lya Mwaami Lesa alilumbaishikwe kuswa kwicwe kushikila akumbo.

Kulumbaisha 113:3 ပူးပေါင်းရင်းမြစ်များ

Kulumbaisha 18:3

Ndapaila kuMwaami Lesa weelete kulumbaishikwa, alakwe ulampulusha kubalwani bangu.

Kulumbaisha 48:10

Ono bweenka liina lyanu mbolipukite, abalo bamulumbaisha mbobakumenebo cishi coonse ca panshi, mukwiinga lyaansa lyanu lyalulyo liliswitebo bululami.

Kulumbaisha 50:1

Lesa Shinkusu shoonse, Mwaami Lesa utokwiita cishi coonse. Utokwiita bantu kuswa kooko lisuba nkoliswita kuya mukushika ankolipilila.

Kulumbaisha 72:11

Bamaami boonse balaakufukama kunembo lyakwe. Ncakwiila mishobo yoonse ilaakumusebensela!

Kulumbaisha 86:9

NoBaami baLesa, mishobo yoonse njemwakalenga ilaakwisa mukumufukamina, alimwi balaakulumbaisha bulemu bwa liina lyanu.

Isaya 24:16

Kuswa kushishi sha kulaale tutoonyumfwa lwiimbo lwakwaamba ayi, “Amulemeke wooyo Ululeme.” Sombi nebo ndaamba ayi, “Ndamanaawo! Ndamanaawo! Mapensho kuli ndime! Beshikwaaba babyaabo baciyabo kunembo, bubeshi bwabo tabutooboolawo pesule!”

Isaya 49:13

Amwiimbe cakusangalala mwebo nomaculu! Olobesha cakukondwa awebo ocishi ca panshi. Ashinyumfwike nyimbo kuli ndimwe notulundu ceebo Mwaami Lesa woombulusha bantu bakwe alimwi alaakunyumfwila nkumbu abo batoopenshekwa.

Isaya 59:19

Lyalo kuswa kumbo kushikila kwicwe, bantu boonse balaakunoolemeka Mwaami Lesa ceebo ulaakwisa cankusu anga ngumulonga wasefuka alimwi utooshindikwa acipuupu ca Mwaami Lesa.

Abakuku 2:14

Sombi mucishi ca panshi coonse bantu balaakunooswitebo lushibo lwa bulemu bwa Mwaami Lesa bweenka lweenge mboluswite maanshi.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”