Kulumbaisha 100:2 - Baibo Busansulushi Bwa Libuku Ili

² Amulambile Mwaami Lesa cakukondwa. Kamwisa pameenso akwe akwiimba cakusangalala.

Kulumbaisha 100:2 ပူးပေါင်းရင်းမြစ်များ

1 Baami 8:66

Pabushiku bwasanu ashotatwe Solomoni wakabapalanganya. Boonse bakamulumba akuboolela mwabo mwabo kabasangalete mukwiinga wa shoolwe Mwaami Lesa nshaakapa Defedi musebenshi wakwe alimwi abantu bakwe boonse bene isilaeli.

2 Makani 29:30

Lyalo mwaami Esekiya abamatanjilili bakwe bakaambila bene Lefi ayi balumbe Mwaami Lesa mumaswi akwe Defedi aakwe Asafu mulaluki. Mpomunyaawo bakeemba nyimbo shakulumbaisha cakusangalala kabafukeme alimwi kabalambila Lesa.

2 Makani 31:2

Mwaami Esekiya wakabusha makoto a bapailishi amakoto a bene Lefi kweelana amilimo yabo. Milimo yabo imwi yakalinga nkubenga milambu yakutenta amilambu ya bwanabwankashi, kusebensela muŊanda yakwe Lesa pakulambila, kulumba akwiimba nyimbo shakulumbaisha Lesa kuminjililo ya Ŋanda yakwe Lesa.

Kulumbaisha 42:4

Moyo wangu ulacisa na ndeebaluka nshiku shainda. Ee, nshiku ndakalinga kweendela mucikuuku ca bungabwa kuya muŊanda yakwe Lesa. Lyakalinga kuba likoto lya bantu bakondetwe bakalinga kuya ciimba anyiimbo shakulumbaisha Lesa.

Kulumbaisha 71:23

Mulomo wangu ulaakoolobesha cakusangalala, ndaakwiimba nyimbo shakumulumbaisha. Buumi bwangu mbomwakafuna bulaakumulumbaisha cakusangalala.

Kulumbaisha 95:2

Atuye pameenso akwe akulumba, atwiimbe nyimbo shakulumbaisha akulisha shilimba.

Dutolonomi 12:12

Mukanoosangalala pameenso a Mwaami Lesa, pantu pomwi abana banu, basebenshi banu alimwi abene Lefi bekala mumandabalaanu. Sombi mulyeelete kwishiba ayi bene Lefi teshi bakabe acishi cinebo beene, sobwe.

Dutolonomi 16:11

Mwebo pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu, mulyeelete kusangalala kunembo lya Mwaami Lesa, Lesa wanu kumusena womwi uyo wakulambililaako.

Dutolonomi 16:14

Mukasekelele pantu pomwi abana banu, basebenshi banu, bene Lefi, baswamashi, bana banshiwa alimwi abamukalubinje banakashi abo bekala mumandabalaanu.

Dutolonomi 28:47

Ceebo cakutasebensela Mwaami Lesa cakukondwa akusangalala uyo weshi akamupe coolwe mushintu shoonse,

Bene Filipi 4:4

Amusangalale muMwaami lyoonse alimwi ndaamba ayi, amusangalale!