Kulonga 9:3 - Baibo Busansulushi Bwa Libuku Ili

³ ndaakukupa mulandu kwiinda mukuleta bulwashi bubiibi pashifubwa shako shoonse, nkokwaamba ayi maaki ako, mbongolo, ngamela, ŋombe, mbelele alimwi ampongo.

Kulonga 9:3 ပူးပေါင်းရင်းမြစ်များ

Matalikilo 47:17

Aboobo bakaleta shifubwa shabo kuli Josefu alakwe wakabapa shakulya mukushintana amaaki, mbelele, mpongo, ŋombe, ambongolo shabo. Mwaaka uyo wakabapa shakulya mukushintana ashifubwa shabo shoonse.

Kulumbaisha 39:10

Amukushe lyaansa lyanu lya bukali pali ndime! Ntooyanda kufwa kushuumo shanu.

Kulonga 5:3

Mpeeke Mose aAloni bakakumbula ayi, “Lesa wa bene Ebulu waliyubulula kuli ndiswe. Anu amutusuminishe ayi tweende nshiku shotatwe muluyanga ayi tukabenge milambu kuMwaami Lesa, Lesa wesu uyo. Na tubule kucita boobo, utootucaya kumalwashi nabi munkondo.”

Kulonga 7:4

teshi akamunyumfwileewo. Lyalo ndaakuleta mapensho anene abuumbi mucishi ca Ijipiti, akutanjilila shipani sha mikowa ya bantu bangu kuswa mucishi ico.

Kulonga 8:19

Pesule beshimampelampela bakaambila mwaami Falawo ayi, “NguLesa wacita sheeshi!” Sombi mwaami Falawo wakacita cimpamya akukaka kunyumfwila Mose aAloni kweelana abwakaamba Mwaami Lesa.

Amosi 4:10

“Ndakatuma myaalu pakati kanu bweenka mbondakatumina bene Ijipiti. Ndakacaya bacikula bwangu banu basankwa kunkondo pantu pomwi amaaki ayo ngomwakasaala. Ndakalengesha keema kabiibi ka mituntu mumisumba yanu. Sombi mwebo tamukwe kusandukilawo kuli ndime. Nebo neMwaami Lesa ndaamba.

Milimo ya Batumwi 13:11

Ono cino ciindi ceenka Mwaami Lesa utookoombolosha akukupa mulandu. Utoopofola, aboobo teshi unoolibonaawo lisuba kwaciindi ceelete.” Paciindi ceenka ico Elimasi wakapofola. Lyalo wakatalika kupulumpunta, kulangoola muntu wakumucatilila kulyaansa akumutanjilila.

1 Samwelo 6:9

Lyalo munoosheebelabo akubona nkweshi shiye. Na shilulame kundabala ya Beti Shemeshi, citoosansulula ayi nguLesa wa bene Isilaeli walengesha mapensho a mushobo uyu kucitika pakati kesu. Ono na cibule kuba boobo, tutooshiba ayi teshi ngowakatuma mwaalu, ingayi wakababo wiine.”