Kulonga 9:16 - Baibo Busansulushi Bwa Libuku Ili

¹⁶ Sombi kwaamba ayi muboneshe nkusu shangu alimwi ayi liina lyangu linyumfwike mucishi coonse ca panshi, ndamuleka ayi munoocili boomi.

Kulonga 9:16 ပူးပေါင်းရင်းမြစ်များ

2 Samwelo 7:23

Sa pacishi ca panshi paliwo mushobo uli mbuli wa bene Isilaeli uyo wa bantu mbomwakafuna kuswa mubusha ayi babe bantu banu? Taapuuwo. Mwakabacitila shintu shikankamika isho shakalengesha liina lyanu kuya mpuwo mucishi ca panshi coonse. Mwakatanda mishobo imwi abalesa ba njiyo kuswa kunembo lya bantu banu. Ee, bantu abo mbomwakafuna kuswa mucishi ca Ijipiti ayi babe bantu banu.

2 Baami 19:35

Mashiku ayo, munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!

1 Makani 16:24

Amwaambilishe bulemu bwakwe kumishobo yoonse. Amwaambilishe micito yakwe ya nkusu kubantu boonse.

Neyemiya 9:10

Mwakacita shaankamiko kuli Falawo mwaami wa bene Ijipiti, bacinenenene bakwe akubantu ba mucishi cakwe coonse ceebo mwakalinga kwishi mbuli mbobakalinga kulyatilila bantu banu. Aboobo liina lyanu lyakaya mpuwo bweenka mbuli mboliyiite asunu.

Kulumbaisha 106:8

Sombi wakabafuna kweelana ambwaakabashomesha, kwaamba ayi aboneshe nkusu shakwe shiindaawo kuli mbabo.

Kulumbaisha 64:9

Lyalo bantu boonse balaakuloonda. Shintu isho Lesa nsheshi akacite balaakunooshiyeeya alimwi balaakunooshimikilako bamwi.

Kulumbaisha 76:10

Ncakwiila bukali bwanu kubabiibi bulamuletela bulemu. Abalo abo bapuluka kubukali bwanu balaakwikala muliimfwa lyanu.

Kulonga 14:17

Ntoolengesha ayi bene Ijipiti babe beshicimpamya cakwaamba ayi batoobanjilila mulweenge. Lyalo anebo ntooba abulemu kwiinda mukukoma mwaami wabo, bashilumamba bakwe, shikoci shankondo alimwi abeshikweensha.

Kulonga 14:4

Ntoolengesha ayi mwaami Falawo abe shicimpamya, aboobo utoomukonkela. Ono kukoma kwangu pamwaami uyo alimwi abashilumamba bakwe kutoondetela bulemu. Lyalo bene Ijipiti balaakwishiba ayi nebo ndime Mwaami Lesa.” Bene Isilaeli bakacita kweelana ambobakalwiitwa.

Kulonga 18:11

Ono ndeshiiba ayi Mwaami Lesa ulicite nkusu kwiinda pabalesa boonse, mukwiinga wakacita boobo ciindi bene Ijipiti ndibakalinga kubona bene Isilaeli ayi taaku mbobabete.”

Kulonga 9:15

Nindakamupa mulandu kwiinda mukuleta mwaalu wa bulwashi pali ndiwe alimwi abantu bako bamucishi, naakwiinga noonse mwakanyonyoolwabo kalekale.

Kulonga 9:17

Nacibi boobo webo ucicitebo cimpamya alimwi ucikaka kuleka bantu bangu ayi baye.

Tushimpi 16:4

Mwaami Lesa wakabamba meelelesho a shintu shoonse. Meelelesho a bamucita shibi nkunyonyoolwa.

Jelemiya 32:20

Mwakacita shitondesho sha nkusu sha kwiculu ashaankamiko mucishi ca Ijipiti isho nshemucicita abobulya muIsilaeli alimwi apakati ka mishobo imwi. Paceebo ceeco mulicite mpuwo kuli koonse.

Esekelo 39:21

Kuswawaawo Mwaami Lesa wakaamba ayi, “Ndaakutondesha bulemu bwangu pakati ka mishobo alimwi yoonse ilaakubona mboonsebensesha nkusu shangu kupingula cakutanyengelela.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Malaki 1:14

“Mashingo kuli wooyo mubeshi, uyo weenga kaacite munyama musankwa weelete mulitanga lyakwe, akulasha ayi ulaakumubenga kuli ndime, pesule wabenga ucite kampenda. Nebo ndi mwaami wiindaawo, aboobo bantu bamishobo yoonse balyeelete kundemeka.” Mwaami Lesa Shinkusu shoonse mbwaamba ubo.

Shakubelenga 14:21

Sombi ntokwaambilisha ayi kweelana amboondi muumi alimwi abulemu bwangu buliswite cishi coonse ca panshi,

Bene Loma 9:17

Mukwiinga muMalembo Lesa wakaambila Falawo ayi, “Ndakakupa bwaami kwaamba ayi kwiinda muli ndiwe nkatondeshe nkusu shangu akulengesha ayi bantu boonse mucishi ca panshi banshiibe.”

Bene Loma 9:22

Mbweeke ubo Lesa mbwaakacita. Wakalinga kusuni kubatondesha bukali bwakwe kwaamba ayi bantu beshibe nkusu shakwe. Nakubi boobo wakanyumfwila nkumbu akulekelela baabo boonse mbwaakalinga kusuni kupa mulandu, abo bakalinga kweelete kunyonyoolwa.

Joshuwa 4:24

Wakacita boobo kwaamba ayi bantu boonse mucishi ca panshi bakabone nkusu shakwe mboshibete alimwi ayi mwebo mukanoolemeka Mwaami Lesa, Lesa wanu lyoonse.”

1 Pita 2:19

Mukwiinga ncibotu na muntu wapenshekwa kwakubula mulandu ceebo ulishi ayi Lesa nkwaali.

1 Pita 2:8

Malembo akwe Lesa alaamba alimwi ayi, “Ili ndyelibwe lyeshi likalengeshe bantu kulisuntula ndyelyeelyo lyeshi likalengeshe bantu kuwa.” Bakalisuntula ceebo tabakwe kunyumfwila maswi akwe Lesa. Ici cakacitika kweelana akuyanda kwakwe.

Judi 1:4

Ndakacita boobo mukwiinga bantu bamwi batasuni kucita kuyanda kwakwe Lesa bakenjila mulikoto lyanu cabushishi. Bantu aba balafulunganya lwaanguluko ndotucite kwaamba ayi bacaninemo nshila yakunoocita shintu shilensha nsoni. Peculu lya waawo balakaka Jesu Klistu Mufundishi alimwi ngoMwaami wesu eenkabo. Shamulandu wa bantu aba shakalembwabo kale kale muMalembo akwe Lesa.

1 Samwelo 4:8

Anu ngani weenga watufuna kubalesa bacite nkusu balya? Mbobalesa bakanyonyoola bene Ijipiti muluyanga!