Kulonga 8:3 - Baibo Busansulushi Bwa Libuku Ili

³ Mulonga wa Nailo utoosula abuumbi babombwe cakwaamba ayi batooswaamo akuya mukwinjila muŋanda yako ya bwaami, mucipinda ncewoonaamo, pabulo bwako, mumaanda a bacinenenene bako alimwi abantu bali mucishi cako. Balaakwinjila amoomo momupangila shinkwa alimwi amumbale shakupangilaamo shinkwa.

Kulonga 8:3 ပူးပေါင်းရင်းမြစ်များ

2 Makani 22:11

Aasiya wakalinga kucite nankashi yakwe wa mubanyina bamwi wiitwa ayi Jeosheba uyo wakalinga kweebetwe kumupailishi wiitwa ayi Jeoiyada. Wakafuna mwanaakwe Aasiya musankwa wiitwa ayi Joashi cabushishi. Wakamukusha pabanaamwaami bamwi boonse abo bakalinga kweelete kucaikwa akumushisa kucipinda cakoonaamo muŊanda yakwe Lesa pantu pomwi amwanakashi shikumulela. Munshila iyo wakamushisa kuli Ataliya kwaamba ayi atacaikwi.

Kulumbaisha 105:30

Mucishi cabo mwakeesula babombwe, abo bakalinga kusotokela amuŋanda ya bwaami.

Kulonga 10:6

Nsoshi isho shilaakukumanabo maandaako a bwaami oonse, maanda a bacinenenene bako boonse alimwi amaanda a bantu boonse bamucishi cako. Shilaakukankamika citana kubonaawo abamashali banu bakulukulu.’ ” Kuswawaawo Mose aAloni bakapiluluka akuswaako kuli Falawo.

Kulonga 12:34

Mpeeke bantu bakesusha fulaulo utacite cimena mwakupangila, akuwaanga mushakufwala akubika pashifushi banyamuna.

Kulonga 7:11

Lyalo mwaami alakwe wakeeta basankwa basongo alimwi abeshimampelampela. Abalo kwiinda munkusu shabo bakacita bweenka ubo.

Kulonga 8:11

Anu babombwe balaakukushikwaawo pali ndimwe, bacinenenene banu, alimwi abantu ba mucishi canu. Balaakucaalabo muMulonga wa Nailo.”

Kulonga 8:2

Na ukake, ntoopensha cishi cako coonse kwaamba ayi musule babombwe.

Kulonga 8:4

Babombwe balaakunoosotookabo pamubili wako, mibili ya bantu ba mucishi cako alimwi aya bacinenenene bako.’ ”