Kulonga 8:25 - Baibo Busansulushi Bwa Libuku Ili

²⁵ Lyalo mwaami Falawo wakeeta Mose aAloni akubaambila ayi, “Kamuya mukabenge milambu kuli Lesa wanu mucishi ceenka cino.”

Kulonga 8:25 ပူးပေါင်းရင်းမြစ်များ

Kulonga 10:16

Lyalo mwaami Falawo wakeetila Mose aAloni mulubilo akwaamba ayi, “Ndabiisha kuMwaami Lesa, Lesa wanu alimwi akuli ndimwe.

Kulonga 10:24

Mpomunyaawo mwaami Falawo wakeeta Mose akumwaambila ayi, “Ono kamuya mukalambile Mwaami Lesa, muye abanakashi alimwi abana banu. Sombi mbelele, mpongo, alimwi aŋombe shanu shilyeelete kucaala.”

Kulonga 10:8

Paceebo ceeci Mose aAloni bakabooshekwa kuli Falawo. Lyalo wakabaambila ayi, “Anu inga mwaya mwalambila Mwaami Lesa, Lesa wanu. Sombi mbaani mbweshi bakaye?”

Kulonga 12:31

Alimwi pabushiku mbomunya ubo mashiku, mwaami Falawo wakeeta Mose aAloni akubaambila ayi, “Amuswe mucishi cangu. Mwebo alimwi abene Isilaeli boonse! Kamuya mukalambile Mwaami Lesa kweelana ambomwakasenga.

Kulonga 8:8

Mpeeke mwaami Falawo wakeeta Mose aAloni akubaambila ayi, “Amupaile kuMwaami Lesa kwaamba ayi akushe babombwe aba, anebo ndyeshi nsuminishe bantu banu ayi baye bakabenge milambu kuMwaami Lesa.”

Kulonga 9:27

Mpomunyaawo mwaami Falawo wakeeta Mose aAloni akubaambila ayi, “Paciindi cino, ndabiisha. Mwaami Lesa uliluleme, sombi nebo abantu ba mucishi cangu tulilubite.

Kulonga 9:28

Amupaile kuMwaami Lesa! Twapeenga abuumbi kukukalooka kwa mfuula ya mabwe iyi. Ntoomulwitilisha ayi ntoomuleka munooya, tamweelete kunoocishiite.”

Isaya 28:22

Ono anu amucileeke kucelebula, kwabula boobo ncetani shanu shitoolemenaawo. Nebo Mwaami Lesa, Mwaami Lesa Shinkusu shoonse wandwiita, ee, wandwiita shakunyonyoola nkwaabambite pacishi cino coonse.

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.