Kulonga 8:22 - Baibo Busansulushi Bwa Libuku Ili

²² Sombi kumusena wa Gosheni, uko kwikala bantu bangu kwalo ndaakulekakobo, teshi kukabewo baloonshi. Ndaakucita boobo kwaamba ayi mukeshibe ayi nebo neMwaami Lesa ntoosebensa mucishi ici.

Kulonga 8:22 ပူးပေါင်းရင်းမြစ်များ

Matalikilo 46:34

mumwaambile cakushinisha ayi mwakalinga bafubi alimwi mucili bafubi bweenka mbuli bamashali banu bakulukulu. Na mwaambe boobo ndyeshi amusuminishe kwikala mumusena wa Gosheni.” Josefu wakaamba boobo mukwiinga bene Ijipiti tebakalinga kusunene abeembeshi.

Kulumbaisha 110:2

Mwaami Lesa ulaakukomenesha bwaami bwako bwa nkusu kuswa kuSiyoni. Ndushinisho ulaakulela pakati pabalwani bako.

Kulumbaisha 74:12

NobaLesa, muli baami besu kuswa kalekale, ndimwe mupulusha bantu pacishi ca panshi coonse.

Kulonga 10:23

Bene Ijipiti tebakalinga kubonana nabi kuswa mumaanda kwanshiku shotatwe isho. Sombi balo bene Isilaeli bakalingabo mumumuni mumisena umo mobakalinga kwikala.

Kulonga 12:13

Bulowa ubo mbweshi bukananikwe kushisamu sha kumilyango ya maandaanu, bulaakuba ncecitondesho ayi ngamaandaanu. Na ndaboona bulowa ubo, ndaakumusotokela, nkokwaamba ayi mwebo teshi nkamuletelewo mwaalu unyonyoola pakunoopa mulandu bene Ijipiti.

Kulonga 19:5

Ono na munyumfwile akulama cipangano cangu, mulaakuba bantu bangu. Cishi ca panshi coonse ici ncaangu, sombi mwebo mulaakuba bantu bangu basalitwe.

Kulonga 20:11

Munshiku shosanwe abomwi, nebo neMwaami Lesa ndakalenga cishi ca panshi, liculu, lweenge alimwi ashintu shoonse shili muli nshisho. Sombi pabushiku bwasanu ashobilo ndakookesha. Nceceeco nebo neMwaami Lesa, ncendakapeta coolwe bushiku bwakookesha bwa Cibelu akubusalasha.

Kulonga 7:17

Ono bulya Mwaami Lesa waamba ayi mutooshiba mbwaabete kwiinda musheesho nsheshi acite. Amubone ono ntokuuma nkoli iyi pamaanshi a mumulonga, lyalo maanshi aya atokwaaluka bulowa.

Kulonga 7:5

Lyalo bene Ijipiti balaakwishiba ayi nebo ndime Mwaami Lesa, ndaakutandabika lyaansa lyangu lyankusu pali mbabo alimwi akukusha bene Isilaeli mucishi cabo.”

Kulonga 8:10

Mwaami wakakumbula ayi, “Ukampailile ciilo.” Mose alakwe wakakumbula ayi, “Ndaakucita kweelana ambomwasenga, alimwi mulaakwishiba ayi taaku aumwi uli anga nguMwaami Lesa, Lesa wesu.

Kulonga 8:21

Sombi na ukake, ntookulwiitilabo limwi ayi ndaakukupensha kwiinda mukutuma baloonshi pali ndiwe, bacinenenene bako, bantu ba mucishi cako amumaandaanu. Ncakwiila maandaanu oonse nobene Ijipiti alaakwisulabo baloonshi alimwi apanshi poonse.

Kulonga 8:23

Ndaakupansaanya pakati ka bantu bangu alimwi abantu ba mucishi cako. Caankamiko ici cilaakucitika ciilo.’ ”

Kulonga 9:26

Sombi musena wa Gosheni, umo mwakalinga kwikala bene Isilaeli, ngomusena weenkabo mutakwe kuloka mfula ya mabwe.

Kulonga 9:29

Alakwe Mose wakamwaambila ayi, “Paciindi ceenka ico nceshi nswe mundabala inene ino, ntootambika maansaangu akupaila kuMwaami Lesa. Lyalo kukalooka kutoomana alimwi teshi kubewo mfula ya mabwe kwaamba ayi mwishibe ayi cishi ca panshi nca Mwaami Lesa.

Kulonga 9:4

Sombi ndaakupansaanya pakati ka shifubwa sha bene Isilaeli alimwi asha bene Ijipiti. Aboobo taaku cifubwa nabi comwi ca bene Isilaeli ceshi cikafwe.

Kulonga 9:6

Ingayi bushiku bwakaboolaawo, Mwaami Lesa wakacita kweelana ambwaakaamba. Mpeeke shifubwa shoonse sha bene Ijipiti shakamana kufwa, sombi taaku cifubwa nabi comwi ca bene Isilaeli cakafwa.

Esekelo 30:19

Anu ubo mbweshi nkape mulandu cishi ca Ijipiti. Lyalo bantu ndyeshi bakeshibe ayi nebo ndi Mwaami Lesa.’ ”

Malaki 3:18

Paciindi ico bantu alimwi balaakubona bupusano buli pakati ka bantu baluleme abataluleme, bansebensela alimwi abatansebenseli.”