Kulonga 8:20 - Baibo Busansulushi Bwa Libuku Ili

²⁰ Lyalo Mwaami Lesa wakaambila Mose ayi, “Ciilo macuunsacuunsa, ukaye mukukumana amwaami paciindi ncaaitamo kumulonga akumulwiita ayi Mwaami Lesa waamba ayi, ‘Leka bantu bangu baye, kwaamba ayi bakanambile.

Kulonga 8:20 ပူးပေါင်းရင်းမြစ်များ

Kulumbaisha 105:31

Wakaambabo aliswi lyalo baloonshi baanji bakesa, alimwi kwakaba ampobe shiinji mucishi coonse.

Kulumbaisha 78:45

Wakabatumina baloonshi baanji abuumbi ayi banoobapensha, akubatumina babombwe baanji mukunyonyoola cishi cabo.

Kulonga 2:5

Mpeeke mwanakashi mwanaakwe Falawo wakaya kumulonga mukusamba. Abalo balandakashi bakwe bakalinga kweendeenda muloombe. Lyalo wakabona mutaanga mumatete akutuma mulandakashi wakwe ayi aubweese.

Kulonga 3:18

“Ono balaakukunyumfwila. Kuswawaawo ulyeelete kuya abamatanjilili ba bene Isilaeli kumwaami wa mucishi ca Ijipiti akumwaambila ayi, ‘Mwaami Lesa, Lesa wa bene Ebulu waliyubulula kuli ndiswe. Ono bulya tutoomusenga ayi mutusuminishe kweenda nshiku shotatwe muluyanga kwaamba ayi tukabenge kuMwaami Lesa, Lesa wesu milambu.’

Kulonga 4:23

Ndakakulwiita ayi uleke mwanaangu musankwa aye kwaamba ayi akanambile, sombi webo wakakaka. Ono bulya ntoocaya mwanaako musankwa wakwiiya.’ ”

Kulonga 5:1

Kuswawaawo Mose aAloni bakaya kuli Falawo mwaami wa kuIjipiti akumulwiita ayi, “Mwaami Lesa, Lesa wa bene Isilaeli waamba ayi, ‘Amubaleeke bantu bangu baye kwaamba ayi bakansekelele akundemeka muluyanga.’ ”

Kulonga 5:3

Mpeeke Mose aAloni bakakumbula ayi, “Lesa wa bene Ebulu waliyubulula kuli ndiswe. Anu amutusuminishe ayi tweende nshiku shotatwe muluyanga ayi tukabenge milambu kuMwaami Lesa, Lesa wesu uyo. Na tubule kucita boobo, utootucaya kumalwashi nabi munkondo.”

Kulonga 7:15

Ono ukaye ukakumanaakwe macuunsa ciindi ncaaitamo kuMulonga wa Nailo. Unyamune ankooli iyo yakalinga yaaluka nsoka, umulindilile muloombe lwa mulonga.

Kulonga 8:1

Mpomunyaawo Mwaami Lesa wakaambila Mose ayi, “Koya kumwaami Falawo ukamulwiite ayi Mwaami Lesa waamba ayi, ‘Leka bantu bangu baye kwaamba ayi bakanambile.

Kulonga 8:21

Sombi na ukake, ntookulwiitilabo limwi ayi ndaakukupensha kwiinda mukutuma baloonshi pali ndiwe, bacinenenene bako, bantu ba mucishi cako amumaandaanu. Ncakwiila maandaanu oonse nobene Ijipiti alaakwisulabo baloonshi alimwi apanshi poonse.

Kulonga 9:13

Kuswawaawo Mwaami Lesa wakaambila Mose ayi, “Ciilo macuunsacuunsa, ukaye ukakumane aMwaami Falawo akumwaambila ayi Mwaami Lesa, Lesa wa bene Ebulu waamba ayi, ‘Leka bantu bangu baye kwaamba ayi bakanambile.