Kulonga 7:19 - Baibo Busansulushi Bwa Libuku Ili

¹⁹ Mpomunyaawo Mwaami Lesa wakaambila Mose ayi, “Ambila Aloni anyamune nkoli yakwe akwiitandabika pamilonga yoonse, tulonga twakupanga alimwi amyaala yoonse muIjipiti. Maanshi oonse atokwaaluka bulowa, alimwi mucishi coonse mutooba bulowa, amumankubala alimwi amunongo sha mabwe shoonse.”

Kulonga 7:19 ပူးပေါင်းရင်းမြစ်များ

Matalikilo 1:10

Lesa wakatumba bulongo buyumu ubo ayi, “Inshi,” aalo maanshi akabunganishikwa pantu pomwi ayi, “Lweenge.” Mpeeke Lesa wakabona kwaamba ayi shintu ishi nshibotu.

2 Baami 4:29

Elisha wakalanga kuli Geyasi akwaamba ayi, “Pimpa mungaanjo wako mulamba! Kweendesha, bwesa nkoli yangu unooya. Na ukumanye muntu munshila utamwaanshi alimwi na muntu wakwaansha utamaani ciindi kumukumbula. Ululamebo kuŋanda akutandabika nkoli yangu pameenso a mwaana musankwa uyo.”

Kulonga 10:12

Mpomunyaawo Mwaami Lesa wakaambila Mose ayi, “Tandabika lyaansa lyako pacishi ca Ijipiti kwaamba ayi nsoshi shise. Shitoosa mukulya shishango shoonse mumyuunda, shoonse isho shitakwe kunyonyooka kumfula ya mabwe.”

Kulonga 10:21

Mpeeke Mwaami Lesa wakaambila Mose ayi, “Tandabika lyaansa lyako mwiculu, kwaamba ayi mucishi coonse ca Ijipiti mube munshinshe ulemu.”

Kulonga 14:16

Tandabika nkoli yako palweenge. Maanshi atoopansaana, mpeeke bene Isilaeli batookonsha kweenda mulweenge mutaamu maanshi, muyumu nta.

Kulonga 14:21

Mpeeke Mose wakatandabika lyaansa lyakwe palweenge, alakwe Mwaami Lesa wakapansaanya maanshi kwiinda mumuuwo wakapupa kuswa kwicwe. Muuwo uyo wakapupa mashiku oonse, lyalo palweenge pakaboolabo nta. Maanshi akapansaana.

Kulonga 14:26

Mpomunyaawo Mwaami Lesa wakaambila Mose ayi, “Tandabika lyaansa lyako palweenge, maanshi atookumana alimwi akufwekelesha bene Ijipiti alimwi ashikoci shabo shankondo alimwi abeshikweensha.”

Kulonga 4:9

Ono na bakabule kukushoma waakumana kucita shaankamiko shobilo ishi, akukaka kukunyumfwila, ukatekule maanshi muMulonga wa Nailo akwaatila panshi. Maanshi ayo, alaakwaaluka bulowa.”

Kulonga 8:16

Mpomunyaawo Mwaami Lesa wakaambila Mose ayi, “Lwiita Aloni ayi oome nkoli yakwe panshi. Mpeeke lusuko luli mucishi ca Ijipiti coonse lutokwaaluka mpobe.”

Kulonga 9:33

Kuswawaawo Mose wakaswaako kumwaami Falawo, alimwi akuswa mundabala inene umo. Lyalo wakatambika maansaakwe akupaila kuMwaami Lesa. Mpeeke kukalooka, mabwe alimwi amfuula shoonse shakamana.

Isaya 19:10

Basongo kuncito iyo yakupanga shisani balaakuungumana, abalo beshikusebensela ayi bakafoleshekwe balaakulila cabuumba.

Isaya 5:25

Paceebo ceeco Mwaami Lesa wakalalila bantu bakwe akutandabika lyaansa lyakwe ayi abape mulandu. Tulundu twatenkaana. Mituntu ya bantu ilaakunooli anga ngamatombe mumikwakwa. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Abakuku 3:8

NoBaami baLesa, sa njiimilonga yakamukalasha? Sa ndweenge lwakamulengesha kukalala? Ncakwiila mwebo mwakeendela mumakumbi, likumbi lya mfula lyakaba ncecikoci canu ndimwakalengesha bantu banu kukoma.