Kulonga 7:11 - Baibo Busansulushi Bwa Libuku Ili

¹¹ Lyalo mwaami alakwe wakeeta basankwa basongo alimwi abeshimampelampela. Abalo kwiinda munkusu shabo bakacita bweenka ubo.

Kulonga 7:11 ပူးပေါင်းရင်းမြစ်များ

Matalikilo 41:8

Macuunsa wakalisukama, aboobo wakatuma nkombe kubeshimampelampela abasongo boonse ba muIjipiti ayi bese. Wakabaambila shiloto shakwe, sombi taaku wakakonsha kumupandulwita shiloto isho.

Kulonga 7:12

Bakawaala nkoli shabo panshi, inkoli isho shakaaluka nsoka. Sombi nkoli yakwe Aloni yakamina nkoli shabo.

Kulonga 7:22

Lyalo beshimampelampela ba mwaami Falawo abalo bakacita mbomunya ubo kwiinda munkusu shabo. Mpeeke mwaami taakwe kucilekaawo cimpamya cakwe. Kweelana abwakaamba Mwaami Lesa, mwaami Falawo wakakaka kunyumfwila Mose aAloni.

Kulonga 8:18

Beshimampelampela bakeelesha kusebensesha nkusu shabo kwaamba ayi balete mpobe, sombi bakaalilwa. Nakubi boobo mpobe shakakumanabo poonse poonse.

Kulonga 8:3

Mulonga wa Nailo utoosula abuumbi babombwe cakwaamba ayi batooswaamo akuya mukwinjila muŋanda yako ya bwaami, mucipinda ncewoonaamo, pabulo bwako, mumaanda a bacinenenene bako alimwi abantu bali mucishi cako. Balaakwinjila amoomo momupangila shinkwa alimwi amumbale shakupangilaamo shinkwa.

Kulonga 8:7

Sombi abalo beshimampelampela bakasebensesha nkusu shabo akukusha babombwe mumaanshi akwisa kwitala mucishi ca Ijipiti.

Danyelo 2:2

Lyalo wakeeta beshimampelampela, beshikusonda, baloshi alimwi abasongo ba shintu shili mwiculu kwaamba ayi bese bamusansulwite ciloto ico. Ndibakashika, bakeemikana kunembo lya mwaami.

Danyelo 2:27

Danyelo wakakumbula ayi, “Nobaami, taaku muntu musongo nabi musongo wa shintu shili mwiculu, shimampelampela nabi mukamwaami weenga wamupandulwita cishisitwe ico ncemweepusha.

Danyelo 4:6

Aboobo ndakeeta beshikumpandaako maano boonse muBabiloni kwaamba ayi bese bandwiite ciloto ncindakalota mbocakalinga kwaamba.

Danyelo 5:11

Kuli musankwa mucishi canu ucite mushimu wa balesa muli nguwe. Bashali banu baNebukadinesa kabacili baami, musankwa uyo wakacanika kwaamba ayi ulicite maano, lushibo alimwi abusongo anga mbalesa. Balo baNebukadinesa bashali banu bakamusala ayi abe munene wa beshikusonda, beshimampelampela, basongo ba shintu sha mwiculu alimwi abamukabaami.

Danyelo 5:7

Lyalo wakoolobesha ayi kwiitwe beshimampelampela, basongo ba shintu shili mwiculu alimwi abamukamwaami. Ono ndibakesa mwaami wakabaambila ayi, “Uli woonse weshi abelenge ishi shilembetwe palubumbu apa akundwiita mboshaamba, ntoomupa shakufwala shibotu shifubelafubela shabwaami akufwalikwa ncetani ya golodi munshingo. Peculu lya waawo utoosumpulwa kuba muleli watatu mubwaami bwangu.”

Mateyo 24:24

Mukwiinga abo balyaamba cakubeca ayi, ‘Ndi Usalitwe wakwe Lesa,’ nabi ayi, ‘Ndi mulaluki,’ balaakwisa. Balaakucita shitondesho sha nkusu sha kwiculu alimwi ashaankamiko kwaamba ayi bacenjeeke, na kacikonsheka, abaabo boonse mbwaakasala Lesa.

Bene Galatiya 3:1

Mwebo nobene Galatiya baluya! Anu ngani wakamulowa? Nditwakamushimikila shapali Jesu Klistu, twakamusansulwita patuba ayi wakapopwa pamucilingano.

Bene Efeso 4:14

Lyalo teshi tukabe alimwi anga mbanike, bali anga mbaabo batootolaanishikwabo amaaba nabi cipuupu cakwiisha kwa bantu babeshi. Balalengesha bantu baanji kushoma shabubeshi kwiinda mumilaka ya bucenjeshi.

2 Bene Tesalonika 2:9

Muntu Mubiibi ulya ulaakuyubuluka ankusu shakwe Satana. Ulaakucita shaankamiko sha mushobo uli woonse ashitondesho shabubeshi

2 Timoti 3:8

Mbweeke Janesi aJambulesi mbobakapikisha Mose, abalo balapikisha shalushinisho.

2 Timoti 3:9

Sombi taaku kulaale nkobatooya ceebo muntu woonse ulaakubona buluya bwabo bweenka mbocakaba pali Janesi aJambulesi.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

1 Samwelo 6:2

bantu bakeeta bapailishi abamukamwaami akubeepusha ayi, “Ino tutoocita buyani aLibokoshi lya Cipangano ca Mwaami Lesa? Ino na twaamba ayi tulituumye nkolyakaswa, nciinshi nceenga twatumisha andilyo?”