Kulonga 7:1 - Baibo Busansulushi Bwa Libuku Ili

¹ Mpomunyaawo Mwaami Lesa wakaamba ayi, “Ntoolengesha ayi ube anga nguLesa kumwaami Falawo, alakwe Aloni mukwanu ananokwaamba kuli nguwe anga ngumulaluki wako.

Kulonga 7:1 ပူးပေါင်းရင်းမြစ်များ

Matalikilo 19:21

Lakwe munjelo wakaamba ayi, “Ncibotu, ndasumina alimwi teshi nyonyoole ndabala ilya.

1 Baami 17:23

Elija wakanyamuna mwaana akumutola mucipinda ca panshi. Lyalo wakamuboosha kuli banyina akubaambila ayi, “Amubone mwanaanu ngumuumi!”

2 Baami 6:32

Mpomunyaawo wakatuma muntu ayi alete Elisha. Muciindi ico, Elisha wakalinga kuŋanda abamaloba abo bakalinga bamufwakashila. Shinkombe wa mwaami kaatana kushika, Elisha wakaambila bamaloba ayi, “Mucayi ulya watuma muntu kwisa mukunsutula mutwi! Ono na apole, mucalisheeko kumulyango kwaamba ayi atenjili. Lakwe mwaami unanooli kwisule lya muntu uyo, keesa.”

Kulumbaisha 78:12

Wacita shaankamiko mumeenso a bamashali babo bakulukulu, mucishi ca Ijipiti mucituunta ca Sowani.

Kulumbaisha 82:6

“Ndakaamba ayi, ‘Muli balesa, noonse muli baana ba Lesa wa kwiculu Wiindaawo.’

Kulonga 16:29

Mulyeelete kwiibaluka ayi nebo neMwaami Lesa ndakamupa bushiku bwakookesha bwa Cibelu, nceceeco nceshi noomupeta shakulya shikumana nshiku shobilo lyoonse pabushiku bwasanu abomwi. Muntu woonse ulyeelete kwikala kweenka nkwaabete pabushiku bwasanu ashobilo, alimwi teelete kushiya musumba wakwe.”

Shikushimikila 1:10

Muntu inga waamba ayi, “Bona cintu ici ncipya!” Sombi cintu ico cakalingaako kalekale, ncakwiila kalekale katutana kushalwa.

Jelemiya 1:10

Sunu ndakupa nkusu pamishobo yoonse apamalelo oonse, nkusu shakushula akumwayoola, kunyonyoola akukoma, kuyaka akushanga.”

Milimo ya Batumwi 7:7

Sombi ndaakoombolosha akupa mulandu bantu abo mbweshi bakasebensele cabusha. Kuswawaawo balaakuswaamo mucishi ico alimwi balaakunambila mumusena uno.’