Kulonga 6:7 - Baibo Busansulushi Bwa Libuku Ili

⁷ Mpeeke mulaakuba bantu bangu, anebo ndaakuba Lesa wanu. Lyalo mulaakwishiba ayi ndime Mwaami Lesa, Lesa wanu na nkamwaangulule mubusha ubo mbomubeteemo mucishi ca Ijipiti.

Kulonga 6:7 ပူးပေါင်းရင်းမြစ်များ

Matalikilo 26:3

Kala muno, alimwi ndanooli awebo akukupa coolwe. Ndaakupa cishi coonse ici kuli ndiwe abamulunyungu lwako. Ndaakucita kweelana ambondakalasha iso Abulaamu.

Matalikilo 28:13

Mwaami Lesa alakwe kaaimfwi palubasu lwakwe. Lyalo wakaamba ayi, “Ndime Mwaami Lesa, Lesa wakwe abulaamu aIsaki. Ndaakukupa cishi ici umo moobete akubamulunyungu lwako.

1 Baami 20:28

Lyalo mulaluki wakaya kumwaami Aabu akumwaambila ayi, “Mwaami Lesa waamba ayi, ‘Mukwiinga bene Silya batokwaamba ayi nebo ndi lesa wa mutulundu nshiishi lesa wa mushinyika, ntookupa nkusu shakukoma bashilumamba babo baanji kwaamba ayi webo abantu bako mwishibe ayi ndime Mwaami Lesa.’ ”

1 Baami 8:60

Paceebo ceeco mishobo yoonse ya mucishi ca panshi ilaakwishiba ayi Mwaami Lesa eenkabo ngoLesa, taaku aumwi.

Neyemiya 1:10

“NoBaami baLesa aba mbasebenshi banu alimwi mbantu banu, abo mbomwakafuna kwiinda munkusu shanu shiinji, ee, nkusu shanu shiindaawo.

Kulumbaisha 100:3

Amwishibe ayi Mwaami Lesa, ngoLesa! Ngowakatulenga alimwi tuli bantu bakwe. Tuli bantu bakwe mbwaaembela anga nimbelele.

Kulumbaisha 81:6

“Ndime ndamutula mikuli kuswa pashifushi shanu. Maansaanu ndakaakusha kumitaanga ya ncelwa.

Kulonga 13:14

Munshiku shitoosa na mwanaanu musankwa wamwiipusha ayi, ‘Ino ici cilaambanshi?’ Mukamukumbule ayi, ‘Kwiinda munkusu shakwe shiteelekwa, Mwaami Lesa wakatukusha mucishi ca Ijipiti umo motwakalinga basha.

Kulonga 13:3

Mpomunyaawo Mose wakaambila bantu ayi, “Amwiibaluke bushiku ubu, ubo mbomwakaswa mucishi ca Ijipiti umo momwakalinga basha. Ubu mbobushiku Mwaami Lesa mbwaakamukusha kwiinda munkusu shakwe shiteelekwa acimwi cintu. Pabushiku ubo tamweelete kulya shinkwa.

Kulonga 14:18

Na mbakoome, bene Ijipiti ndyeshi beshibe ayi ndime mwaami Lesa.”

Kulonga 14:4

Ntoolengesha ayi mwaami Falawo abe shicimpamya, aboobo utoomukonkela. Ono kukoma kwangu pamwaami uyo alimwi abashilumamba bakwe kutoondetela bulemu. Lyalo bene Ijipiti balaakwishiba ayi nebo ndime Mwaami Lesa.” Bene Isilaeli bakacita kweelana ambobakalwiitwa.

Kulonga 15:16

Boowa alimwi akulibilika shili pali mbabo. Ceebo ca nkusu shanu, noBaami baLesa, balacelemanabo akuloonda abuumbi, kushikila bantu banu beenda akuya bantu abo mbomwakaangulula mubusha.

Kulonga 15:2

Mwaami Lesa ngoompa nkusu alimwi ndamwiimbila, mukwiinga ngomupulushi wangu. NgoLesa wangu, alimwi ntoomulumbaisha ngoLesa wa bata alimwi ntokwiimba pankusu shakwe.

Kulonga 16:12

“Matongooshi a bene Isilaeli ndaanyumfwa. Ubalwiite ayi macolesha batoolya nyama alimwi macuunsa balaakulya shinkwa kweelana ambobasuni. Lyalo ndyeshi bakeshibe ayi nebo neMwaami Lesa, ndime Lesa wabo.”

Kulonga 16:6

Aboobo Mose aAloni bakaambila bene Isilaeli boonse ayi, “Sunu macolesha noonse mutooshiba ayi nguMwaami Lesa wakamukusha mucishi ca Ijipiti.

Kulonga 2:11

Ono Mose ndyaakakula, wakaya mukufwakashisha bene Ebulunyina, akubona mbuli mbobakalinga kukakatishikwa kusebensa ncito iyumu. Wakabona amwine Ijipiti umwi kaauma mwine Ebulu womwi pakati ka bene mishaabo.

Kulonga 6:6

Paceebo ceeci lwiita bene Isilaeli ayi, ‘Nebo ndime Mwaami Lesa, alimwi ndaakumufuna akumwaangulula mubusha mbomubeteemo kubene Ijipiti. Ndaakutambika lyaansa lyangu lya nkusu pali mbabo mukubapa mulandu unene abuumbi. Mwebo ndaakumupulusha.

Kulonga 7:17

Ono bulya Mwaami Lesa waamba ayi mutooshiba mbwaabete kwiinda musheesho nsheshi acite. Amubone ono ntokuuma nkoli iyi pamaanshi a mumulonga, lyalo maanshi aya atokwaaluka bulowa.

Isaya 41:20

Bantu balaakucibona cikani ici, balaakwishiba ayi ndime neMwaami Lesa ndacicita. Balaakushika pakushinisha kwaamba ayi Lesa usalalite wa bene Isilaeli ngowacilengesha kucitika.”

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 49:26

Ndaakulengesha baabo bamulyatilila kulya nyama ya mibili yabo beene. Ee, balaakubunwa bulowa bwabo beene akukolwa anga banwa waini. Lyalo bantu boonse balaakwishiba ayi ndime Mwaami Lesa, Mupulushi wanu, Shikumulubula, Lesa Shinkusu shoonse wa bamulunyungu lwakwe Jakobo.”

Isaya 51:15

“Nebo ndime Mwaami Lesa wanu. Ndafundoola lweenge akulengesha ayi pali ndulo pabe maaba ayoosha. Nebo ndime Mwaami Lesa Shinkusu shoonse!

Isaya 60:16

Mishobo imwi abamaami balaakunookulama bweenka mushali mwanakashi bwaalama mwanaakwe. Lyalo ulaakwishiba kwaamba ayi Nebo, neMwaami Lesa, ndime Mupulushi wako. Ulaakwishiba ayi ndime nkufuna alimwi ayi ndi Lesa Shinkusu shoonse wa bamulunyungu lwakwe Jakobo.

Isaya 63:8

Mwaami Lesa wakaamba ayi, “Aba mbantu bangu, bana bangu abo batakoonshi kumbeca.” Nceceeco ncaakabeta Mupulushi wabo.

Jelemiya 30:22

Paceebo ceeco mulaakuba bantu bangu anebo ndaakuba Lesa wanu. Nebo neMwaami Lesa ndaamba.”

Jelemiya 31:33

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.

Esekelo 20:19

Nebo ndime Mwaami Lesa, Lesa wanu, amukonkele milasho yangu alimwi akubona kwaamba ayi mutoolama kabotu milawo yangu.

Osiya 1:10

“Nakubi boobo bene Isilaeli balaakufulabo anga ngumuseese wa kuloombe lwa lweenga, ee, utakoonshi kupimwa nabi kubelengwa. Bulya ntokwaamba ayi, ‘Tamubete bantu bangu,’ sombi bushiku bulaakushika ndyeshi nkaambe ayi, ‘Mwebo muli bantu bangu nebo neLesa muumi.’

Bene Lefi 11:44

Nebo ndime Mwaami Lesa, Lesa wanu, aboobo mulyeelete kunoosalalite, mukwiinga nebo ndisalalite.

Bene Lefi 11:45

Nebo ndime Mwaami Lesa wakamukusha mucishi ca Ijipiti kwaamba ayi nkabe Lesa wanu. Mulyeelete kunoosalalite mukwiinga nebo ndisalalite.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Shakubelenga 15:41

Nebo ndime Mwaami Lesa, Lesa wanu. Ndakamukusha mucishi ca Ijipiti ayi mbe Lesa wanu. Nebo ndime Mwaami Lesa.’ ”

Mateyo 22:32

‘Nebo ndime Lesa wakwe Abulaamu, Lesa wakwe Isaki alimwi aLesa wakwe Jakobo.’ Nkokwaamba ayi teshi Lesa wa bafu, sombi nguLesa wa boomi.”

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

Dutolonomi 14:2

Mwebo muli bantu ba Mwaami Lesa, Lesa wanu. Wakamusala ayi mube bantu bakwe mwiine kuswa pamishobo yoonse ya mucishi ca panshi.

Dutolonomi 26:18

Alakwe pabushiku bwasunu Mwaami Lesa, Lesa wanu wasumina ayi muli bantu bakwe mwiine, kweelana ambwaakashomesha. Paceebo ceeco wamwaambila ayi munoolama milawo yakwe yoonse.

Dutolonomi 29:12

Mwebo muli waano sunu ayi musumine cipangano ico Mwaami Lesa, Lesa wanu, ncaatoopanga amwebo mukushomesha cakulumbila,

Dutolonomi 29:13

kwaamba ayi Mwaami Lesa ambilishe ayi sunu mwaba bantu bakwe, alakwe waba Lesa wanu kweelana ambwaakamushomesha akushomesha cakulumbila kubamashali banu bakulukulu Abulaamu, Isaki alimwi aJakobo.

Dutolonomi 29:5

Kwamyaaka ili makumi one iyo Mwaami Lesa njaakamutanjilila muluyanga, shakufwala nabi nkwabilo shanu tashikwe kukwamookaawo.

Dutolonomi 4:20

sombi mwebo muli baabo mbwaakapulusha kuswa muIjipiti, umo mwakalingabo anga mumunyumbi. Wakamukushaamo kwaamba ayi mube bantu bakwe mwiine kweelana ambomubete bulya.

Dutolonomi 7:6

Mukacite boobo ceebo muli bantu ba Mwaami Lesa, Lesa wanu, alimwi mulisalalite. Mwaami Lesa wakamusala ayi mube bantu bakwe kuswa pakati ka mishobo imwi yoonse ili pacishi ca panshi ipusenepusene.

Bene Ebulu 11:16

Sombi cishi ncebakalinga kulangila cakalinga kwiindaawo kubota, cishi ca kwiculu. Aboobo, Lesa taanyumfwi nsoni pakumwiita ayi Lesa wabo ceebo ngowakabayakila andabala inene.

1 Pita 2:10

Kale kale temwakalinga bantu bakwe Lesa, sombi ono muli bantu bakwe. Kale kale temwakalinga kwishi nkumbu shakwe Lesa, sombi ono mwatambula nkumbu shakwe.

Ciyubululo 21:3

Mpeeke ndakanyumfwa liswi lyakoolobeshekwa kuswa kucuuna ca bwaami ayi, “Ono musena wakwe Lesa waba pakati ka bantu! Ulaakunookalaabo, abalo balaakuba bantu bakwe. Lesa mwiine ulaakunooli ambabo alimwi ulaakuba Lesa wabo.

Ciyubululo 21:7

Uyo woonse eshi akakome, ulaakutambula cipo ici kuswa kuli ndime. Ndaakuba Lesa wakwe, alakwe ulaakuba mwanaangu.