Kulonga 5:22 - Baibo Busansulushi Bwa Libuku Ili

²² Lyalo Mose wakapilukila kuli Lesa akwaamba ayi, “Nkambo, ino mutoopensheshanshi bantu banu? Mwakantuminanshi kokuno?

Kulonga 5:22 ပူးပေါင်းရင်းမြစ်များ

1 Baami 19:10

Lakwe wakakumbula ayi, “NoBaami baLesa Beshinkusu shoonse, nebo ndasebenselabo ndimwe nweenka. Sombi bene Isilaeli bamwi boonse bapwaya cipangano ncemwakapanga ambabo, bayakulula shipaililo shanu akucaya balaluki banu boonse. Nebo ndime ndacaalaawobo neenka, ono anebo balisuni kuncaya!”

1 Baami 19:4

akweenda mushinso wa bushiku bomwi muluyanga. Mpeeke wakeemikana akwikala mucimfule ca cisamu, lyalo wakayeeya ayi ncibotu akufwabo. Wakapaila ayi, “Ndatentuka noBaami baLesa. Ono amutolebo buumi bwangu. Nebo nshiindi bamashali bangu bakulukulu!”

Kulumbaisha 73:25

Ino ngani ngoonshi kwiculu kwiinda ndimwe? Apalo pacishi ca panshi taaku ngoonsuni kwiinda ndimwe.

Kulonga 17:4

Mpeeke Mose wakapaila cakulilila Mwaami Lesa ayi, “Ino bantu aba ntoobacita buyani, mukwiinga balilibambite kunguma mabwe?”

Jelemiya 12:1

Nobaami baLesa, mwebo muliluleme ciindi coonse na ndaleta mulandu pameenso anu. Sombi nacibi boobo ntoobandikaanu pacikani cakoombolosha kwanu kwakutanyengelela. Ino ceebonshi nshila sha bamucita shibi shilaswitilila? Ceebonshi bantu batashomeki boonse balekala cakuliiba?

Jelemiya 20:7

NoBaami baLesa, mwakancenjeeka anebo ndakacenjeekwa. Mwakanyinda nkusu akunkoma. Ndishikusekwa ciindi coonse alimwi akucelebulwa kubantu boonse.

Jelemiya 4:10

Mpomunyaawo nebo ndaamba ayi, “Nobaami baLesa beShinkusu shoonse, anu bene Jelusalemu mwakabacenjeekabo mukubaambila ayi, ‘Mulaakuba muluumuno,’ nakubi boobo mupeeni uli panshingo shesu.”

Abakuku 2:3

Ee, waaleembe ceebo ciindi ca ngawo tacina kushikila. Nakubi boobo ciindi ca ngawo citoosa cakufwambaana. Ncakwiila alaakucitika cancinencine. Nabi aboneke kucelwa mukucitika, ukaalindilebo mukwiinga alaakucitika cancinencine alimwi teshi akacelwewo, sobwe.

Shakubelenga 11:11

Lyalo wakeepusha Mwaami Lesa ayi, “Ceebonshi mwancitila shintu ishi? Ceebonshi tamutoosangalala muli ndime? Ceebonshi mwakampa mulimo wa kweendelesha bantu boonse aba?

Joshuwa 7:7

Kuswawaawo Joshuwa wakaamba ayi, “NoBaami baLesa beshinkusu shoonse! Nciinshi ncemwakatusubushisha Mulonga wa Joodani? Ceebonshi mwatwaaba mumaansa a bene Amoli ayi batunyonyoole? Naakwiinga mwakatulekabo katushiite kwitala lya Joodani!

1 Samwelo 30:6

Defedi wakapenshekwa abuumbi mumoyo mukwiinga bashilumamba bakwe bakalinga kwaamba ayi batoomuuma mabwe. Womwi awomwi pakati kabo wakalinga kukalalite ceebo ca bana bakwe bakatolwa busha. Nakubi boobo Mwaami Lesa, Lesa wakwe wakamuyumyayumya.