Kulonga 5:2 - Baibo Busansulushi Bwa Libuku Ili

² Lyalo Falawo wakabeepusha ayi, “Ino Mwaami Lesa uyo ngweshi nyumfwile akuleka bene Isilaeli ayi banooya ngani? Mwaami Lesa uyo nshimwishiiwo, alimwi bene Isilaeli teshi mbalekeewo.”

Kulonga 5:2 ပူးပေါင်းရင်းမြစ်များ

2 Baami 18:35

Ngani pabalesa ba mushishi ishi bakakonsha kufuna cishi cabo kuswa kumwaami wesu? Ono nciinshi ncemutooyeeyela ayi Mwaami Lesa inga wafuna Jelusalemu?”

2 Makani 32:14

Ndilili balesa ba mushishi isho bamashali bangu nshebakanyonyoola ndibakakonshawo kupulusha bantu babo kuswa kuli ndime? Ino lakwe lesa wanu inga wamupulusha buyani kuswa mumaansaangu?

2 Makani 32:15

Ono mutaleeki Esekiya kwaamba ayi amubeece akumucenjeeka munshila iyi. Mutasumini nshaatokwaamba mukwiinga taaku lesa wa cishi cili coonse nabi bulelo buli buyani wakakonsha kupulusha bantu bakwe kuswa mumaansaangu nabi mumaansa a bamashali bangu bakulukulu. Anu ncakwiila lesa wanu uyo taakoonshi kumupulusha!’ ”

2 Makani 32:19

Bene Asilya bakalinga kwaamba pali Lesa wa bene Jelusalemu bweenka mbobakalinga kwaamba pabalesa ba shishi shimwi abo bakalinga kubumbwa amaansa a bantu.

Neyemiya 9:10

Mwakacita shaankamiko kuli Falawo mwaami wa bene Ijipiti, bacinenenene bakwe akubantu ba mucishi cakwe coonse ceebo mwakalinga kwishi mbuli mbobakalinga kulyatilila bantu banu. Aboobo liina lyanu lyakaya mpuwo bweenka mbuli mboliyiite asunu.

Jobo 15:25

Ono ico ncecicitika kumuntu ufungila Lesa likoofi. Ee, uyo ulisumpula pameenso akwe Lesa Shinkusu shoonse

Jobo 15:26

akwiimika liyawo lyakwe lyabushicimpamya kuli Lesa.

Jobo 21:15

Anu Shinkusu shoonse ngani kwaamba ayi katumusebensela? Ino nimpindunshi ili mukupaila kuli nguwe?’

Kulumbaisha 10:4

Bamucita shibi tababikiiko amaano kuMwaami Lesa ceebo cakulisumpula. Mukuyeeya kwabo balabona Mwaami Lesa ayi taacite ncito kuli mbabo.

Kulumbaisha 12:4

“Shintu shoonse nshetusuni tulashicanabo kwiinda mumulaka. Tulakonsha kwaamba cili coonse kwakubula utukasha.”

Kulumbaisha 12:5

Ono Mwaami Lesa waamba ayi, “Ceebo cakwaamba ayi balefukite balyatililwa, ceebo cakwaamba ayi bakandu batongela, ntoonyamuka akubafuna kweelana ambobatoolila.”

Kulumbaisha 14:1

Baluya mumyoyo yabo balaamba ayi, “Taaku Lesa.” Bantu abo mbamucita shibi, micito yabo njibiibi. Ncakwiila taaku ucita shibotu nabi womwi.

Kulonga 3:19

Ndishi kwaamba ayi mwaami wa mucishi ca Ijipiti teshi akamusuminisheewo na nkabule kumukakatisha.

Kulonga 7:17

Ono bulya Mwaami Lesa waamba ayi mutooshiba mbwaabete kwiinda musheesho nsheshi acite. Amubone ono ntokuuma nkoli iyi pamaanshi a mumulonga, lyalo maanshi aya atokwaaluka bulowa.

Tushimpi 30:9

Ceebo na ndaba ashiinji inga ndamuluba akwaamba ayi, ‘Anu Mwaami Lesa ngani?’ Sombi na ndaba mukandu inga ndeepa akusebaanya liina lyanu nobaLesa bangu.

Jelemiya 42:13

“Ono na mwaambe ayi, ‘Teshi twikale mucishi cino,’ akukaka kunyumfwila nebo neMwaami Lesa, Lesa wanu,

Jelemiya 48:26

Mwaami Lesa waamba ayi, “Amulengeshe bene Moabu ayi bakolwe ceebo cakukaka nebo neMwaami Lesa. Abaalabangane mumalushi abo akusekwa.

Danyelo 3:15

Ono bulya na mukanyumfwe mapeenga, pesule mukanyumfwe mitoolilo, tunkobele, tulumbu tunene atuniini alimwi akulila kwa shakulisha shimwi shoonse, mukafukame akulambila cibumbwabumbwa. Ono na mukabule kucita boobo, ciindi ceenka ico mulaakuwaalwa mumunyumbi mutoonyaka mulilo uyoosha. Sa mutooyeeya ayi kuli lesa weshi akamupulushe kuswa mumaansaangu?”

Joni 16:3

Balaakucita boobo mukwiinga tababeshi baTa anebo tabenshi.

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

2 Bene Tesalonika 1:8

Ulaakwisa amulilo weshi ukanoobilima akutondesha bukali bwakwe kubakaka kwishiba Lesa abaabo bakaka kukonkela shaamba Makani Abotu a paMwaami wesu Jesu.

Boomboloshi 2:10

Ono bamulishalane ili lyoonse ndibakamana kufwa, kwakesa lishalane limwi ilyo lyatakalinga kwishi Mwaami Lesa anshaakacitila bene Isilaeli.

1 Samwelo 2:12

Bana bakwe Eli basankwa bakalinga babiibi. Tebakalinga kunyumfwila Lesa

1 Samwelo 25:10

Nabali wakakumbula basebenshi bakwe Defedi ayi, “Anu Defedi uyo ngani? Mwanaakwe Jese ngomutokwaamba ngani anu? Shinoonshiku mbaanji basebenshi batokwaalookila bamaami babo.