Kulonga 40:21 - Baibo Busansulushi Bwa Libuku Ili

²¹ Lyalo wakenjisha Libokoshi ilyo muTente akukobeka cisani cakushitilisha. Mukucita boobo, wakashitilisha Libokoshi lya Cipangano kweelana abwakamwaambila Mwaami Lesa.

Kulonga 40:21 ပူးပေါင်းရင်းမြစ်များ

Kulonga 26:33

Cisani ici cakushitilisha ukacikobeke kumundando wa shakukobekesha muciluli ca Tente, ono kwisule lya cisani ici, ukabikeko Libokoshi lya Cipangano umo muli mabwe apampamene obilo. Cisani ici cilaakupansaanya Musena Usalalite alimwi aMusena Usalalite Wiindaawo.

Kulonga 35:12

Libokoshi lya Cipangano, shisamu shakunyamwishaako sha ndilyo, cifwekesho alimwi acisani cakushitilisha,

Kulonga 40:3

Ukabikeemo Libokoshi lya Cipangano, umo muli Milawo ili Likumi akubikako cisani ca kushitilisha kunembo lya ndilyo.

Bene Lefi 4:6

Ulaakusumpa munwe wakwe mubulowa ubo akubusanseela kunembo lyangu neMwaami Lesa, nkokwaamba ayi kunembo lya cisani cakushitilisha cisalalite mankanda osanwe aobilo.