Kulonga 40:20 - Baibo Busansulushi Bwa Libuku Ili

²⁰ Kuswawaawo wakabwesa mabwe apampamene obilo akwaabika muLibokoshi lya Cipangano. Wakenjisha shisamu shakunyamwisha munkobeko sha Libokoshi lya Cipangano, akubika cifwekesho ca nkumbu pali ndilyo.

Kulonga 40:20 ပူးပေါင်းရင်းမြစ်များ

1 Baami 8:9

Mukati muLibokoshi lya Cipangano mwakalingabo mabwe obilo apampamene alya Mose ngaakabikaamo kuKalundu ka Sinayi, Lesa ndyaakapanga cipangano abene Isilaeli palya ndibakalinga kuswa kuIjipiti.

1 Makani 15:3

Mpeeke Defedi wakeeta bene Isilaeli boonse kwisa kuJelusalemu kwaamba ayi bakalete Libokoshi lya Cipangano kumusena ngwaakalibambila.

2 Makani 5:10

Mukati muLibokoshi lya Cipangano mwakalingabo mabwe obilo apampamene alya Mose ngaakabikaamo kuKalundu ka Sinayi. Uko Mwaami Lesa wakapanga cipangano abene Isilaeli ndibakalinga kuswa kuIjipiti.

Kulumbaisha 40:8

NoBaami baLesa ndisunishi kucita kuyanda kwanu. Ee, milawo yanu moili mumoyo wangu.”

Kulonga 16:34

Kweelana aMwaami Lesa mbwaakaambila Mose, Aloni wakabika kangomo ka mana ako kunembo lya Libokoshi lya Cipangano kwaamba ayi kalamwe.

Kulonga 26:34

PaLibokoshi lya Cipangano, ukabikewo cifwekesho ico.

Kulonga 31:18

Ono Lesa ndyaakamana kulwiita Mose paKalundu ka Sinayi, wakamupa mabwe obilo apampamene alya, apo Lesa mwiine mpwaakalemba milawo.

Kulonga 40:19

Wakafungulwitawo cakufwekaawo paTente alimwi akufwekawo ca peculu kweelana abwakamwaambila Mwaami Lesa.

Kulonga 40:3

Ukabikeemo Libokoshi lya Cipangano, umo muli Milawo ili Likumi akubikako cisani ca kushitilisha kunembo lya ndilyo.

Mateyo 3:15

Sombi Jesu wakamukumbula ayi, “Paciindi cino cita bweenka ubo. Na tucite boobo, nkokwaamba ayi tutoocita kuyanda kwakwe Lesa.” Mpeeke Joni alakwe wakasumina.

Bene Loma 10:4

Mukwiinga Klistu ngowakamanisha nkusu sha Milawo kwaamba ayi uli woonse ushoma, alulamikwe pameenso akwe Lesa.

Bene Loma 3:25

Lesa wakamwaaba ayi acaikwe kwaamba ayi lufu lwakwe lube nshila yakulekelelamo shibiibi sha bantu bashoma Jesu. Ici ncitondesho ca bululami bwakwe. Kale kale Lesa wakalinga kulangabo shibiibi sha bantu ceebo ca nkumbu shakwe shakulekelela.

Dutolonomi 10:5

Mpeeke ndakapiluluka akukunkuluka kalundu. Lyalo kweelana abwakaamba Mwaami Lesa ndakaabika mulibokoshi ilyo ndindakapanga alimwi kuswabo lyeelyo mwaabete.”

Bene Ebulu 4:16

Aboobo, tutatonshi, atushike kucuuna cakwe Lesa ca bwaami uko kuli luse. Uko Lesa ulaakutunyumfwila nkumbu akutubonesha luse lwakutucafwa paciindi ceelete.

Bene Ebulu 9:4

Mucipinda ici, mwakalinga cipaililo ca golodi apo pakalinga kutentelwa tununkila kabotu alimwi aLibokoshi lya Cipangano ilyo lyakalinga lya mukuba peculu. MuLibokoshi ili mwakalinga mungomo wa golodi umo mwakalinga mana, inkoli yakwe Aloni iyo yakalinga yasonsa matewu alimwi amabwe obilo apampamene apo pakalinga kulembetwe Milawo.

1 Joni 2:2

Lakwe ngomulambu Lesa mwaalekelelela shibiibi shesu alimwi teshibo sheesu sheenka, sombi ashibiibi sha bantu boonse.