Kulonga 40:12 - Baibo Busansulushi Bwa Libuku Ili

¹² “Ono ndyeshi ukalete Aloni alimwi abana bakwe basankwa pamulyango wa Tente ya Cipangano, akubalwiita ayi basambe cakulisalasha kweelana amulawo.

Kulonga 40:12 ပူးပေါင်းရင်းမြစ်များ

Kulonga 40:11

Ukabenge mbale ifongomene yakusambilaamo alimwi acapanshi ca njiyo munshila njemunya iyo.

Shakubelenga 8:9

Kuboolaawo ukabunganye bene Isilaeli boonse akwiimika bene Lefi kunembo lya Tente ya Cipangano.

Mateyo 3:16

Jesu ndyaakamanabo kubombekwa wakaswa mumaanshi. Mpomunyaawo liculu lyakacaluka, lyalo wakabona Mushimu wakwe Lesa kauselukila pali nguwe anga nimpolobe.

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Joni 3:34

Ee, uyo Lesa ngwaakatuma ulaamba maswi akwe Lesa ceebo ulamupa Mushimu Usalashi cakuteeleka.

Bene Loma 8:3

Isho Milawo nsheyakaalilwa kucita ceebo buumi bwa buntu bwakeemana nkusu, Lesa wakashicita. Wakacita boobo kwiinda mukutuma Mwanaakwe, uyo wakesa mucishi ca panshi mubuntu bweenka mbuli ndiswe kwaamba ayi akome bubi.

Bene Galatiya 4:4

Sombi ciindi ceelete ndicakashikila, Lesa wakatuma Mwanaakwe uyo wakashalwa mumwanakashi alimwi Mwaana uyo wakalinga kukonkela aMilawo ya baJuda.