Kulonga 4:5 - Baibo Busansulushi Bwa Libuku Ili

⁵ Mwaami Lesa wakaamba ayi, “Anu ukacite bobulya kubene Isilaeli kwaamba ayi bakashome ayi Mwaami Lesa, Lesa wa bamashali babo bakulukulu, Lesa wakwe Abulaamu, Isaki alimwi aJakobo, wakaboneka kuli ndiwe.”

Kulonga 4:5 ပူးပေါင်းရင်းမြစ်များ

Matalikilo 12:7

Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.

Matalikilo 17:1

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

Matalikilo 18:1

Mwaami Lesa wakaboneka kuli Abulaamu pamibanga ya kuMamule. Abulaamu ndyaakalinga kushiite pamulyango wa tente yakwe muciindi ca malumwi ndikupya bunene,

Matalikilo 26:2

Mwaami Lesa wakaboneka kuli Isaki akwaamba ayi, “Utayi kuIjipiti, ukale mucishi muno mondakakwaambila.

Matalikilo 28:13

Mwaami Lesa alakwe kaaimfwi palubasu lwakwe. Lyalo wakaamba ayi, “Ndime Mwaami Lesa, Lesa wakwe abulaamu aIsaki. Ndaakukupa cishi ici umo moobete akubamulunyungu lwako.

Matalikilo 48:15

Mpeeke wakapa coolwe Josefu ayi, “Lesa uyo bata baAbulaamu abaIsaki ngobakalinga kusebensela aape coolwe baana aba! Lesa uyo wakantanjilila kushikila asunu aabape coolwe!

Matalikilo 48:3

Jakobo wakaambila Josefu ayi, “Lesa Shinkusu shoonse wakaboneka kuli ndime kuLusi mucishi ca Kenani akumpa coolwe.

1 Baami 18:36

Paciindi cakubenga mulambu wa macolesha, mulaluki Elija wakaya kucipaililo akupaila ayi, “NoBaami baLesa, baLesa bakwe Abulaamu, Isaki alimwi aJakobo, amulitondeshe ayi ndimwe baLesa ba bene Isilaeli alimwi ayi ndi musebenshi wanu. Amutondeshe alimwi ayi ndabamba shoonse ishi ceebo mwebo nobeene mwandwiita.

2 Makani 20:20

Macuunsacuunsa bushiku bwakaboolaawo bantu bakaya kuLuyanga lwa Tekowa. Ndibakalinga kutalika kweenda, Jeoshafati wakaamba ayi, “Nobene Juda abene Jelusalemu! Amucinke manungo muMwaami Lesa, Lesa wanu, mulaakwiimikanabo nta. Kamushoma shimulwiita balaluki, mulanooswitilila.”

Kulonga 19:9

Mpeeke Mwaami Lesa wakaambila Mose alimwi ayi, “Ndaakwisa kuli ndiwe mulikumbi litikeme kwaamba ayi bantu bakanyumfwe ndyeshi nkanokwaamba awebo akulengesha ayi bantu bakatalike kukushoma kuswa apo peenka.” Lyalo Mose wakalwiita Mwaami Lesa maswi akaamba bantu,

Kulonga 3:15

Ubalwiite bene Isilaeli ayi nebo neMwaami Lesa, neLesa wa bamashali babo bakulukulu, neLesa wakwe Abulaamu, Isaki, alimwi aJakobo, ndakutuma kuli mbabo. Ili ndyeliina lyangu lyoonsebo. Mashalane oonse akunembo mbweshi akanoonjita ubo.

Kulonga 3:16

Koya ubunganye bamatanjilili ba bene Isilaeli boonse akubalwiita ayi nebo neMwaami Lesa, Lesa wa bamashali banu bakulukulu, neLesa wakwe Abulaamu, Isaki alimwi aJakobo ndakaboneka kuli ndiwe. Ubalwiite alimwi ayi ndesa akubona bene Ijipiti ncebatoocita kuli mbabo.

Kulonga 3:18

“Ono balaakukunyumfwila. Kuswawaawo ulyeelete kuya abamatanjilili ba bene Isilaeli kumwaami wa mucishi ca Ijipiti akumwaambila ayi, ‘Mwaami Lesa, Lesa wa bene Ebulu waliyubulula kuli ndiswe. Ono bulya tutoomusenga ayi mutusuminishe kweenda nshiku shotatwe muluyanga kwaamba ayi tukabenge kuMwaami Lesa, Lesa wesu milambu.’

Kulonga 3:4

Ono Mwaami Lesa ndyaakabona ayi Mose utoosa cisena, wakamwiita pakati ka cikupu akwaamba ayi, “Mose! Mose!” Alakwe Mose wakakumbula ayi, “Nkambo.”

Kulonga 3:6

Nebo ndime Lesa wa bamashali bako bakulukulu. Ndime Lesa wakwe Abulaamu, Isaki alimwi aJakobo.” Mpeeke Mose wakalifweka pameenso ceebo wakaloonda kulangilisha Lesa.

Kulonga 4:1

Lyalo Mose wakakumbula Mwaami Lesa ayi, “Ndaakucita buyani na bene Isilaeli bakabule kunshoma akunyumfwila, alimwi na bakaambe ayi tamukwe kuboneka kuli ndime?”

Kulonga 4:31

Mpomunyaawo bakashoma. Ono ndibakanyumfwa ayi Mwaami Lesa wakesa akubona mbuli mbobakalinga kupenshekwa bunene, bakafukama akumulambila.

Kulonga 4:4

Mpomunyaawo Mwaami Lesa wakaambila Mose ayi, “Kotama wiibwesele kuluminso.” Alakwe Mose wakakotama akwiicata, lyalo mulyaansa lyakwe yakaaluka nkoli alimwi.

Isaya 7:9

Cishi ca Isilaeli taciindiwo nkusu paSamaliya ndabala inene iindaawo ya ncico. Ayalo ndabala ya Samaliya tayiindiwo nkusu pamwaami Peka mwanaakwe Lemaliya. Ono na awebo ubule kuyuma mulushomo, ncakwiila teshi ukakomewo, sobwe.’ ”

Jelemiya 31:3

Mwaami Lesa wakabonekela kuli ndiswe kale kale akwaamba ayi, “Ndakamusuna alusuno lutamaani paceebo ceeco ncitolelela kumunyumfwila nkumbu.

Joni 11:15

Ono ceebo ca ndimwe ndakondwa kwaamba ayi nshindalingaako uko, kwaamba ayi mushome. Katiya kuli nguwe.”

Joni 11:42

Ndishi kwaamba ayi lyoonse mulanyumfwa nceenga ndaseenga, sombi ndaamba boobo ceebo ca bantu bali waano, kwaamba ayi beshibe ayi ndimwe mwakantuma.”

Joni 20:27

Lyalo wakaambila Tomasi ayi, “Njisha munwe wako apa alimwi ubone amaansaangu. Fungulula lyaansa lyako unjishe kumbafu shangu. Ono cileke kutonsha, ushome.”

Joni 20:31

Sombi ishi shakalembwa kwaamba ayi mushome ayi Jesu ngoUsalitwe, Mwanaakwe Lesa alimwi ayi kwiinda mukumushoma, mube abuumi butamaani.

Joni 5:36

Sombi ndicite bukamboni bunene kwiinda boobo Joni Mubombeki mbwaakancitila. Shintu nsheencita isho nshaakampa Lesa ayi ncite, nshesheesho shitondesha ayi baTa mbobakantuma.

Milimo ya Batumwi 7:2

Sitifini wakakumbula ayi, “Nobamakwesu anobashali bangu basankwa amunyumfwe, Lesa wa bulemu wakaboneka kuli ishiwesu Abulaamu ndyaakalinga kwikala kuMesopotamya kaatana kulongela kundabala ya Alani.

Bene Ebulu 11:16

Sombi cishi ncebakalinga kulangila cakalinga kwiindaawo kubota, cishi ca kwiculu. Aboobo, Lesa taanyumfwi nsoni pakumwiita ayi Lesa wabo ceebo ngowakabayakila andabala inene.