Kulonga 4:21 - Baibo Busansulushi Bwa Libuku Ili

²¹ Mwaami Lesa wakaambila Mose alimwi ayi, “Ono bulya mbootoboolela kuIjipiti, ulyeelete kucita pameenso a mwaami Falawo shaankamiko shoonse nshendakakubonesha. Sombi ndaakulengesha mwaami kuba shicimpamya akukaka kusuminisha bantu ayi baye.

Kulonga 4:21 ပူးပေါင်းရင်းမြစ်များ

Matalikilo 6:3

Lyalo Mwaami Lesa wakaamba ayi, “Mushimu wangu teshi ukapikishanye abantu lyoonse ceebo balafwa. Kuswa sunu teshi bakekale myaaka iinda 120.”

1 Baami 22:22

Mwaami Lesa wakeepusha ayi, ‘Ulaakumucenjeeka buyani?’ Mushimu wakakumbula ayi, ‘Ndaakuya mukulengesha balaluki bakwe Aabu kwaamba shabubeshi.’ Mwaami Lesa wakaamba ayi, ‘Koya ukamucenjeeke. Ulaakucikonsha.’ ”

Kulumbaisha 105:25

abo mbwaakalengesha ayi bapatane abantu bakwe, ee, abo bakalinga kupinga kulyatilila basebenshi bakwe.

Kulumbaisha 78:43

Bakaluba shaankamiko isho Lesa nshaakababonesha mucishi ca Ijipiti, ee, shitondesho sha nkusu sha kwiculu shakacitwa mucituunta ca Sowani.

Kulonga 10:1

Lyalo Mwaami Lesa wakaambila Mose ayi, “Koya kumwaami Falawo. Ndalengesha lakwe alimwi abacinenenene bakwe kuba beshicimpamya ayi ncite shaankamiko pakati kabo.

Kulonga 10:20

Sombi Mwaami Lesa wakalengesha ayi mwaami Falawo abe shicimpamya, aboobo wakakasha kwaamba ayi bene Isilaeli baye.

Kulonga 10:27

Sombi Mwaami Lesa wakalengesha ayi Falawo abe shicimpamya. Aboobo wakakasha bene Isilaeli kuya.

Kulonga 11:10

Mose aAloni bakacita shaankamiko shoonse ishi pameenso a mwaami Falawo, sombi Mwaami Lesa wakalengesha ayi abe shicimpamya akukasha bene Isilaeli kuswa mucishi cakwe.

Kulonga 11:9

Mwaami Lesa wakalinga waambila Mose kataanshi ayi, “Mwaami Falawo ulaakutolelela kutakunyumfwila, kwaamba ayi nkacite ashimwi shaankamiko muIjipiti.”

Kulonga 14:17

Ntoolengesha ayi bene Ijipiti babe beshicimpamya cakwaamba ayi batoobanjilila mulweenge. Lyalo anebo ntooba abulemu kwiinda mukukoma mwaami wabo, bashilumamba bakwe, shikoci shankondo alimwi abeshikweensha.

Kulonga 14:4

Ntoolengesha ayi mwaami Falawo abe shicimpamya, aboobo utoomukonkela. Ono kukoma kwangu pamwaami uyo alimwi abashilumamba bakwe kutoondetela bulemu. Lyalo bene Ijipiti balaakwishiba ayi nebo ndime Mwaami Lesa.” Bene Isilaeli bakacita kweelana ambobakalwiitwa.

Kulonga 14:8

Mwaami Lesa wakalengesha ayi mwaami Falawo abe shicimpamya akukonkela bene Isilaeli abo bakalinga kuswa mucishi ca Ijipiti cakutaloonda.

Kulonga 3:19

Ndishi kwaamba ayi mwaami wa mucishi ca Ijipiti teshi akamusuminisheewo na nkabule kumukakatisha.

Kulonga 3:20

Sombi ndaakusebensesha nkusu shangu, alimwi ndaakupa mulandu bene Ijipiti kwiinda mukucita shintu shiloondesha mucishi cabo. Kuswawaawo mwaami ulaakumusuminisha ayi muye.

Kulonga 7:13

Nacibi boobo mwaami Falawo wakatolelela kuba shicimpamya, alimwi kweelana abwakaamba Mwaami Lesa, wakakaka kunyumfwila Mose aAloni.

Kulonga 7:3

Sombi ndaakulengesha mwaami kuba shicimpamya, alimwi nabi nkacite shaankamiko ashitondesho sha nkusu shiinji buyani mucishi ca Ijipiti,

Kulonga 8:11

Anu babombwe balaakukushikwaawo pali ndimwe, bacinenenene banu, alimwi abantu ba mucishi canu. Balaakucaalabo muMulonga wa Nailo.”

Kulonga 8:15

Ono mwaami Falawo ndyaakabona ayi babombwe bafwa, wakaba shicimpamya alimwi. Kweelana abwakaamba Mwaami Lesa, mwaami Falawo wakakaka kunyumfwila Mose aAloni.

Kulonga 8:32

Nacibi boobo mwaami wakacita cimpamya akubooshaawo kukasha bantu kuya.

Kulonga 9:12

Sombi Mwaami Lesa wakalengesha ayi mwaami Falawo abe shicimpamya, alimwi kweelana abwakaamba Mwaami Lesa, Falawo wakakaka kunyumfwila Mose aAloni.

Kulonga 9:35

Aboobo kweelana aMwaami Lesa mbwaakaamba kwiinda muli Mose, Falawo wakakaka kuleka bene Isilaeli ayi baye.

Isaya 6:10

Wakandwiita alimwi ayi, “Lengesha bantu aba bushicimpamya, alimwi ubashinke matwi abo akucala meenso abo. Kwabula boobo inga kababonesha akunyumfwishisha, akuba amyoyo yakusuna kukutika kwaamba ayi basandukile kuli ndime ayi nebo mbashilike.”

Isaya 63:17

Anu nceebonshi noBaami baLesa ncemutulengeshesha kuswa munshila shanu? Ceebonshi mulatuyumya myoyo cakwaamba ayi tunoobula kumulemeka? Amupiluke kuli ndiswe ceebo ca baabo bamusebensela ee, ceebo ca baabo bali mumaansaanu lyoonse.

Joni 12:40

“Lesa wakabapofosha akuyumya mitwi yabo, cakwaamba ayi tabakoonshi kubona ameenso abo nabi kunyumfwishisha amyoyo yabo. Nabibo kusandukila kuli ndime ayi mbashilike.”

Bene Loma 1:28

Ono ceebo bakakaka kunyumfwila Lesa, wakabalekabo amiyeeyo yabo ibiibi kwaamba ayi bacite shintu shilensha nsoni.

Bene Loma 9:18

Anu Lesa ulanyumfwila nkumbu abo mbaasuni kunyumfwila akulengesha cimpamya kubamwi abo mbaasuni.

2 Bene Kolinto 2:16

Kubaabo batoosoweka, bweema ubo mbwalufu. Sombi kubaabo beshi bakapulushikwe, mbubotu alimwi bulaleta buumi. Ono ngani weelete kucita mulimo wa mushobo uyu?

Dutolonomi 2:36

Mwaami Lesa, Lesa wesu wakatusuminisha kushinguluka mandabala oonse kuswa kuAlowa, kweela lya cinyika ca Anoni, andabala inene yakalinga pakati ka cinyika kuya mukushika akuGilyadi. Taaku ndabala yakalinga kucite lubumbu luyumu cakutwaalila kupwaya.

Joshuwa 11:20

Mwaami Lesa mwiine ngowakabalengesha cimpamya ayi balwane abene Isilaeli, kwaamba ayi abanyonyweetebo limwi akubalobya cakubula nkumbu. Ubo Mwaami Lesa mbwaakaambila Mose.

1 Pita 2:8

Malembo akwe Lesa alaamba alimwi ayi, “Ili ndyelibwe lyeshi likalengeshe bantu kulisuntula ndyelyeelyo lyeshi likalengeshe bantu kuwa.” Bakalisuntula ceebo tabakwe kunyumfwila maswi akwe Lesa. Ici cakacitika kweelana akuyanda kwakwe.