Kulonga 4:15 - Baibo Busansulushi Bwa Libuku Ili

¹⁵ Inga wabandikaakwe akumulwiita shakwaamba. Noonse nobilo ndaakumucafwaako kwaamba alimwi ndaakumulwiita shakucita.

Kulonga 4:15 ပူးပေါင်းရင်းမြစ်များ

2 Samwelo 14:3

Lyalo uye kumwaami ukaambe maswi ngweshi nkulwiite.” Mpeeke Joabu wakalwiita mwanakashi uyo bwakwaamba.

Kulumbaisha 25:12

Anu ngani muntu ulemeka Mwaami Lesa? Ngooyo utondeshekwa kuswa kuli nguwe nshila njeelete kutola.

Kulumbaisha 51:15

NoBaami baLesa, amuncaafwe ayi ŋambe, lyalo mulomo wangu ulaakumulumbaisha.

Kulonga 3:12

Mpeeke Lesa wakamukumbula ayi, “Nebo ndaakunooli awebo, alimwi andyeshi ukanoobakusha mucishi ca Ijipiti, mulaakunambilila pakalundu aka. Ici cilaakuba cishibilo cakwaamba ayi ndime ndakutuma.”

Kulonga 4:12

Anu webo, koya bulya bweenka! Ndaakukucafwaako kwaamba alimwi ndaakukulwiita ashakwaamba.”

Kulonga 4:28

Lyalo Mose wakalwiita Aloni shoonse Mwaami Lesa nshaakamutuma ayi aambe alimwi ashaankamiko shoonse nshaakamulasha ayi akacite.

Kulonga 4:30

Aloni wakabalwiita shoonse Mwaami Lesa nshaakaambila Mose, alakwe Mose wakacita shaankamiko shoonse pameenso a bantu boonse.

Isaya 51:16

Ndakafungulula liculu akuyaka lwiimbi lwa cishi ca panshi. Bene Jelusalemu ndabaambila ayi, ‘Mwebo muli bantu bangu! Ndakamupa milawo yangu alimwi ndamutabilila alyaansa lyangu.’ ”

Isaya 59:21

“Ndaapanga cipangano ambabo cakwaamba ayi, ‘Mushimu wangu uli muli ndimwe, maswi angu ngondamupa teshi mukaalubeewo sobwe, nabi bana banu nabibo bamulunyungu lwabo kuswa sunu kushikila muyayaya.’ ”

Jelemiya 1:9

Mpomunyaawo Mwaami Lesa wakatambika lyaansa lyakwe, wancata pamulomo akundwiita ayi, “Bona, ndabika maswi angu mumulomo wako.

Jelemiya 36:32

Mpomunyaawo ndakabwesa cakulembelaawo cimwi akucitambika mulembi wangu Baluki mwanaakwe Neliya. Baluki uyo wakalembawo shoonse nshendakamulwiita. Lyalo wakalemba maswi oonse akalinga pacakulembelaawo citaanshi ico Jeoiyakimu mwaami wa bene Juda ncaakatenta mumulilo. Maswi aanji eelenebo aayo ngondakamulwiita akeelikwaawo.

Shakubelenga 16:28

Mose wakaambila bantu ayi, “Ono mulaakwishiba bobulya ayi nguMwaami Lesa wakantuma kucita shintu shoonse ishi alimwi ayi teshi kuyanda kwangu nemwiine, sobwe.

Shakubelenga 22:38

Balaamu wakakumbula ayi, “Ndesa ono? Ono teshi ŋambe cili coonse nceensuni, sombibo ceeco Mwaami Lesa nceshi andwiite.”

Shakubelenga 23:12

Lakwe wakakumbula ayi, “Nebo ndaambabo Mwaami Lesa nceenga wandwiita ayi ŋambe.”

Shakubelenga 23:16

Aboobo Mwaami Lesa wakakumana aBalaamu akumulwiita shakwaamba akumwaambila ayi, “Boolela kuli Balaki ukamwaambile mbondakulwiita.”

Shakubelenga 23:5

Mpomunyaawo Mwaami Lesa wakalwiita Balaamu shakwaamba akumwaambila ayi, “Boolela kuli Balaki ukamwaambile mbondakulwiita.”

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

1 Bene Kolinto 11:23

Ceebo maswi ngondakatambula kuswa kuMwaami ngoaayo anebo ngondakamulwiita. Maswi ayo ngakwaamba ayi Mwaami Jesu, mashiku ayo eenka ndyaakaabwa, wakabwesa cimaande,

1 Bene Kolinto 15:1

Ono nobamakwesu, ndisuni kumwiibalusha Makani Abotu ngondakamushimikila. Mwakaatambula alimwi ndolwiimbi lwa lushomo lwanu.

Dutolonomi 18:18

Ndaakubatumina mulaluki uli mbuli ndiwe kuswa mulikoto lyabo. Ndaakunoomulwiita shakwaamba, mpeeke ulaakunoobalwiita shoonse nsheshi nkanoomulwiita.

Dutolonomi 5:31

Sombi webo Mose unooshiite anebo kuno. Ntookulwiita milawo amilasho yangu yoonse. Ukeeishe bantu kwaamba ayi bakanooikonkela mucishi ico nceshi nkabape.’

1 Samwelo 16:3

Lyalo utambe Jese kwisa kumulambu. Kuswawaawo ntookulwiita nceshi ucite. Ulyeelete kunanika mafuta a bwaami pamuntu ngweshi nkutondeshe.”