Kulonga 32:8 - Baibo Busansulushi Bwa Libuku Ili

⁸ Baswa kale munshila iyo njendakabalwiita ayi banookonkela. Basungulula golodi akupanga mucende mwaana wa golodi. Bamulambila alimwi akubenga milambu kuli nguwe. Batokwaamba ayi, ‘Nobene Isilaeli, uyu ngolesa wesu, uyo wakatukusha muIjipiti!’ ”

Kulonga 32:8 ပူးပေါင်းရင်းမြစ်များ

1 Baami 12:28

Ndyaakamana kuyeeya pacikani ici, wakabumba bacende baana ba golodi bobilo. Lyalo wakaamba kubantu bakwe ayi, “Mwakalinga kupenga kunooya kuJelusalemu mukulambila. Nobene Isilaeli, ono mbaaba balesa bakamukusha muIjipiti!”

Neyemiya 9:18

Bakalibumbila cibumbwabumbwa ca mucende mwaana akwaamba ayi, ‘Uyu ngoLesa wanu wakamukusha mucishi ca Ijipiti.’ Mukucita boobo bakamucobola abuumbi noBaami baLesa!

Kulumbaisha 106:19

KuOlebu bakabumba mucende mwaana, bakalambila cibumbwabumbwa cakabumbwa kugolodi.

Kulumbaisha 78:36

Sombi balo bakalinga kumulambilabo pamilomo, bakalingabo kumubeca mukwaamba kwabo.

Kulonga 20:23

Tamweelete kulipangila balesa ba silifa nabi golodi twakunoolambila pantu pomwi anebo.

Kulonga 22:20

“Alakwe uyo woonse ubenga milambu kubalesa bamwi bali boonse, kukushako ndime neMwaami Lesa, ulyeelete kucaikwa.

Kulonga 32:4

Mpeeke wakabwesa masikiyo ayo, waasungulula akutila golodi mucikombola alimwi akupanga mucende mwaana wa golodi. Lyalo bantu bakaamba ayi, “Nobene Isilaeli, uyu ngolesa wesu, uyo wakatukusha mucishi ca Ijipiti!”

Kulonga 34:15

Mutakeeleshi kupanga cipangano abantu ba mucishi ico, mukwiinga pakunoolambila balesa babo alimwi akubabengela milambu, balaakumutamba amwebo. Paceebo ceeci mulaakulya nshebabenga kubalesa babo.

Isaya 46:6

Amubone bantu balakusha golodi mumpotomona shabo, balabika silifa pashipimo akuupima. Lyalo balalipila bacibwene kufula sha golodi ayi abapangileko lesa. Mpeeke balatalika kufukamina lesa uyo akumulambila.

Jelemiya 31:32

Teshi cikabe mbuli ceeco cakalinga pakati ka bamashali babo bakulukulu ciindi ndindakabatanjilila kuswa muIjipiti. Nakubi kwaamba ayi nebo ndakalinga mbuli ibaabo, balo tabakwe kulama cipangano ici, sobwe.

Bene Lefi 17:7

Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.

Dutolonomi 32:17

Bakabenga milambu kubalesa abo bateshi bancinencine, balesa mbobatakalinga kwishi, balesa bapya, abo bamashali babo mbobatakwe kulemekaawo.

Dutolonomi 9:12

“Mpeeke Mwaami Lesa wakandwiita ayi, ‘Seluka! Eendesha mukwiinga bantu bako mbowakatanjilila kuswa muIjipiti babica. Bacileka kale kucita shintu nshendakabaambila alimwi balipangila cibumbwabumbwa.’

Dutolonomi 9:16

Ndakabona kwaamba ayi mwabishisha Mwaami Lesa kwiinda mukulipangila cibumbwabumbwa ca nshimbi cakalinga kuboneka anga ngumucende mwaana. Ncakwiila munshila iyo mwakacileka kukonkela milawo yakamupa Mwaami Lesa.

Joshuwa 22:15

Lyalo ndibakashika kuGilyadi kubamumukowa wakwe Lubeni, Gadi alimwi amusa wa mukowa wakwe Manase, bakabaambila ayi,

Boomboloshi 2:17

Sombi balo tabakwe kunyumfwila boomboloshi abo. Bene Isilaeli bakacileka kushomeka kuMwaami Lesa mukulambila balesa beensu. Bamashali babo bakulukulu bakalinga kukonkela akunyumfwila milawo ya mwaami Lesa. Sombi balo bakaalilwa kucita boobo.

Boomboloshi 8:24

Wakatolelela akwaamba ayi, “Ntoomusengabo cintu comwi. Womwi awomwi alete masikiyo ngwaakabwesa kubalwani besu.” Ono munshiku isho bene Ishimaeli bakalinga kufwala masikiyo a golodi bweenka mbuli bantu bamwi bakalinga kwikala muluyanga.