Kulonga 32:7 - Baibo Busansulushi Bwa Libuku Ili

⁷ Mpeeke Mwaami Lesa wakaambila Mose ayi, “Seluka onoono ceebo bantu bako abo mbowakakusha mucishi ca Ijipiti, babisha alimwi akunsuula.

Kulonga 32:7 ပူးပေါင်းရင်းမြစ်များ

2 Makani 27:2

Wakacita shiluleme pameenso akwe Lesa bweenka bwakacita Usiya ishi, sombi taakwe kubisha bwakacita ishi mukutenta tununkila kabotu muŊanda yakwe Lesa. Nakubi boobo balo bantu tabakwe kucilekaawo micito yabo ibiibi.

Kulumbaisha 78:36

Sombi balo bakalinga kumulambilabo pamilomo, bakalingabo kumubeca mukwaamba kwabo.

Kulonga 19:24

Mpeeke Mwaami Lesa wakakumbula ayi, “Seluka uye ukalete Aloni. Sombi bapailishi alimwi abantu bamwi boonse tabeelete kusotoka mwakweela kwaamba ayi bese mukumbona, mukwiinga inga ndabapa mulandu.”

Kulonga 32:1

Ono bantu ndibakabona ayi Mose wacelwa kuswa pakalundu, bakabungana kuli Aloni akumwaambila ayi, “Swebo tatwishi cacitika kuli Mose uyo wakatukusha mucishi ca Ijipiti. Paceebo ceeci tupangile lesa weshi atutanjilile.”

Kulonga 32:11

Sombi Mose wakakombelela Mwaami Lesa, Lesa wakwe akwaamba ayi, “NoBaami baLesa, ino inga mwakalalila buyani boobo bantu banu, abo mbomwakafuna kuswa mucishi ca Ijipiti kwiinda munkusu shanu shiindaawo?

Kulonga 32:4

Mpeeke wakabwesa masikiyo ayo, waasungulula akutila golodi mucikombola alimwi akupanga mucende mwaana wa golodi. Lyalo bantu bakaamba ayi, “Nobene Isilaeli, uyu ngolesa wesu, uyo wakatukusha mucishi ca Ijipiti!”

Kulonga 33:1

Mpeeke Mwaami Lesa wakaambila Mose ayi, “Webo alimwi abantu mbowakakusha mucishi ca Ijipiti, musweeko kumusena uno, muye kucishi ico ncendakashomesha Abulaamu, Isaki, Jakobo alimwi abamulunyungu lwabo.

Isaya 1:4

Ono mapensho kuli ndiwe omushobo ushipite, ee, kuli ndiwe omushobo olemenetwe milandu, webo omushobo wa bamucita shibi. Wakakaka Mwaami Lesa, ncakwiila wakafutatila Usalalite wa bene Isilaeli.

Danyelo 9:24

“Myaaka ili 70 kufushikwa mankanda ali 7, nceciindi Lesa ncaapimina bene mishaanu andabala yanu isalalite kwaamba ayi bakaanguluke kuswa kushibiibi akububi. Shibiibi shilaakulekelelwa abululami butamaani bulaakulengeshekwa kwikalilila kwaamba ayi cili anga nciloto amakani a bulaluki shikacitike cancinencine ayalo Ŋanda yakwe Lesa ilaakusalashikwa alimwi.

Osiya 9:9

Mwebo nobantu mwakepila mushibiibi bweenka mbocakalinga kuGibiya. Ono Lesa ulaakwiibaluka bubi bwanu akumupa mulandu ceebo ca shibiibi shanu isho.

Dutolonomi 31:29

Mukwiinga ndishi ayi ndaakufwa, balaakutalika kubisha akukaka nshendabalwiita. Mpeeke munshiku shitoosa, balaakupolelwa mapensho ceebo ca kubisha kunembo lya Mwaami Lesa akumukalasha kwiinda mukucita sheesho nshaakabakasha.”

Dutolonomi 32:5

Sombi mwebo tamushomeki, tamweelete kwiitwa ayi bana bakwe, nolunyungu lushikubisha alimwi lushikubeca.

Dutolonomi 4:16

kubisha kwiinda mukulipangila cibumbwabumbwa ca mushobo uli woonse. Nkokwaamba ayi ciboneka anga ngumusankwa nabi mwanakashi,

Dutolonomi 9:12

“Mpeeke Mwaami Lesa wakandwiita ayi, ‘Seluka! Eendesha mukwiinga bantu bako mbowakatanjilila kuswa muIjipiti babica. Bacileka kale kucita shintu nshendakabaambila alimwi balipangila cibumbwabumbwa.’

Dutolonomi 9:8

PaKalundu ka Sinayi apalo mwakakalasha Mwaami Lesa cakwaamba ayi wakalinga kuyanda kumunyonyoola.

Boomboloshi 2:19

Lyalo na moomboloshi uyo wafwa, bakalinga kuboolela kumicito yabo ikulukulu akunoobisha kwiinda bamashali babo bakulukulu. Nkokwaamba ayi bakalinga kulambila akusebensela balesa beensu. Ncakwiila bakakakatila munshila shabo shibiibi mubushicimpamya bwabo.