Kulonga 32:4 - Baibo Busansulushi Bwa Libuku Ili

⁴ Mpeeke wakabwesa masikiyo ayo, waasungulula akutila golodi mucikombola alimwi akupanga mucende mwaana wa golodi. Lyalo bantu bakaamba ayi, “Nobene Isilaeli, uyu ngolesa wesu, uyo wakatukusha mucishi ca Ijipiti!”

Kulonga 32:4 ပူးပေါင်းရင်းမြစ်များ

1 Baami 12:28

Ndyaakamana kuyeeya pacikani ici, wakabumba bacende baana ba golodi bobilo. Lyalo wakaamba kubantu bakwe ayi, “Mwakalinga kupenga kunooya kuJelusalemu mukulambila. Nobene Isilaeli, ono mbaaba balesa bakamukusha muIjipiti!”

1 Baami 12:32

Jeloboamu alakwe wakabika bushiku bwalikumi ashosanwe mumweenshi wasanu ayotatwe ayi mbwakusekelela bweenka mbocakalinga kucitika muJuda. Wakalinga kubenga milambu mundabala ya Betelo kubacende baana ba golodi abo mbwaakabumba. KuBetelo wakabikaako bapailishi ayi basebensele kumisena yakulambililaako ya patulundu njaakayaka.

2 Baami 10:20

Jewu wakaamba ayi, “Amwaambilishe bushiku bwakulambila Baali!” Bushiku ubu bwakaambilishikwa.

2 Baami 10:29

Sombi alakwe wakacita cibiibi ceenka cakacita mwaami Jeloboamu mwanaakwe Nebati uyo wakalengesha bene Isilaeli kubisha mukulambila bacende baana ba golodi abo mbwaakabika mundabala ya Betelo aya Dani.

2 Makani 11:15

Jeloboamu wakasala bapailishi bakwe mwiine ayi banoosebensela pamisena yakulambililaako ya patulundu apa shibumbwabumbwa sha mpongo asha mucende mwaana isho nshaakabumba.

2 Makani 13:8

“Ono bulya mulisuni kulwana bwaami bwa Mwaami Lesa ubo mbwaakabika mumaansaakwe Defedi abamulunyungu lwakwe. Mulicite bashilumamba baanji alimwi mulicite abacende baana ba golodi abo Jeloboamu mbwaakabumba kwaamba ayi babe balesa banu.

Neyemiya 9:18

Bakalibumbila cibumbwabumbwa ca mucende mwaana akwaamba ayi, ‘Uyu ngoLesa wanu wakamukusha mucishi ca Ijipiti.’ Mukucita boobo bakamucobola abuumbi noBaami baLesa!

Kulonga 20:2

“Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

Kulonga 20:23

Tamweelete kulipangila balesa ba silifa nabi golodi twakunoolambila pantu pomwi anebo.

Kulonga 20:4

“Utalipangili shibumbwabumbwa shikoshanya ashintu sha kwiculu, mucishi ca panshi, nabi shili mumaanshi panshi lya cishi.

Kulonga 28:11

Ukabone muntu ucishi kupanga sheela ayi akalembe meena a bana bakwe Jakobo basankwa pamabwe obilo aya, akwaananika golodi.

Kulonga 28:9

Ukabwese mabwe obilo eetwa ayi onikisi akulembawo meena a bana bakwe Jakobo basankwa bali likumi abobilo.

Kulonga 32:1

Ono bantu ndibakabona ayi Mose wacelwa kuswa pakalundu, bakabungana kuli Aloni akumwaambila ayi, “Swebo tatwishi cacitika kuli Mose uyo wakatukusha mucishi ca Ijipiti. Paceebo ceeci tupangile lesa weshi atutanjilile.”

Kulonga 32:24

Anebo ndakabasenga ayi bandetele masikiyo abo a golodi, mpeeke abo bakalinga kucite, bakafuula akumpa. Mpomunyaawo ndakaawaala mumulilo, lyalo mwakaswa mucende mwaana uyu!”

Kulonga 32:3

Aboobo bantu boonse bakafuula masikiyo abo a golodi, akwaaleta kuli Aloni.

Kulonga 32:35

Mpeeke Mwaami Lesa wakatuma bulwashi pabantu, mukwiinga bakalengesha ayi Aloni apange mucende mwaana wa golodi.

Kulonga 32:5

Mpomunyaawo Aloni ndyaakabona boobo, wakayaka cipaililo kunembo lya muceende mwaana wa golodi akwaambilisha ayi, “Ciilo kulaakuba kusekelela kwakulemeka Mwaami Lesa”

Kulonga 32:7

Mpeeke Mwaami Lesa wakaambila Mose ayi, “Seluka onoono ceebo bantu bako abo mbowakakusha mucishi ca Ijipiti, babisha alimwi akunsuula.

Kulonga 32:8

Baswa kale munshila iyo njendakabalwiita ayi banookonkela. Basungulula golodi akupanga mucende mwaana wa golodi. Bamulambila alimwi akubenga milambu kuli nguwe. Batokwaamba ayi, ‘Nobene Isilaeli, uyu ngolesa wesu, uyo wakatukusha muIjipiti!’ ”

Isaya 30:22

Lyalo shibumbwabumbwa shanu shinanikitwe silifa ashikoshanyo shanu sha balesa bamwi isho shinanikitwe golodi, mulaakushisowa anga ninsalu ishipite cakwiiluka. Pakushisowa mulaakunokwaamba ayi, “Nshisuni akumubonawo tubili.”

Isaya 46:6

Amubone bantu balakusha golodi mumpotomona shabo, balabika silifa pashipimo akuupima. Lyalo balalipila bacibwene kufula sha golodi ayi abapangileko lesa. Mpeeke balatalika kufukamina lesa uyo akumulambila.

Esekelo 23:8

Mwanakashi uyu taakwe kucileka bufuule ubu mbwaakatalikila muIjipiti basankwa ndibakalinga kukumanaakwe abo bakamulya cisungu akumulengesha kuba mufuule.

Osiya 10:5

Bantu bekala mundabala ya Samaliya baliloondete, alimwi balaakulila ceebo ca cibumbwabumbwa ca mucende mwaana kuBetelo. Bantu balaakulila pantu pomwi abapailishi abo basebensela cibumbwabumbwa ico. Balaakulila caakufuulwa bulemu bwa ncico bwa golodi.

Osiya 13:2

Ono batolelela kubisha kwiinda mukulipangila shibumbwabumbwa sha silifa. Shibumbwabumbwa isho shakabumbwa cabusongo alimwi shoonse shakabumbwa abacishi shakupangapanga. Bantu abo balaambwa ayi, “Balabenga bantu ayi njimilambu akunoofyonta shibumbwabumbwa sha bacende baana.”

Milimo ya Batumwi 17:29

Paceebo ceeco, swebo tuli bana bakwe Lesa, tatweelete kuyeeya ayi Lesa inga wapangwa na mwasungulula libwe lya golodi, silifa nabi kubeswa mulibwe lili lyoonse kwiinda mubuuya amaano a muntu.

Milimo ya Batumwi 7:41

Ici nceciindi ncebakabumba cibumbwabumbwa cakalinga kukoshanya amucende mwaana. Bakatalika kubenga milambu akubamba shakulya shakusekelela mukulemeka ceeco ncebakalipangila beene.

1 Bene Kolinto 10:7

Tutabi bantu balambila shibumbwabumbwa bweenka bwakalinga kucita bamwi pakati kabo. Kweelana abwaamba Malembo akwe Lesa ayi, “Bantu bamwi bakekala panshi ayi balye akunwa, ono kusekelela kwabo kwakaba kwakunsengwe.”

Dutolonomi 9:16

Ndakabona kwaamba ayi mwabishisha Mwaami Lesa kwiinda mukulipangila cibumbwabumbwa ca nshimbi cakalinga kuboneka anga ngumucende mwaana. Ncakwiila munshila iyo mwakacileka kukonkela milawo yakamupa Mwaami Lesa.

Boomboloshi 8:24

Wakatolelela akwaamba ayi, “Ntoomusengabo cintu comwi. Womwi awomwi alete masikiyo ngwaakabwesa kubalwani besu.” Ono munshiku isho bene Ishimaeli bakalinga kufwala masikiyo a golodi bweenka mbuli bantu bamwi bakalinga kwikala muluyanga.

Boomboloshi 8:27

Lyalo Gidyoni wakapanga efodi kusebensesha golodi uyo akwiibika mundabala yakwe ya Ofula. Mpeeke bene Isilaeli boonse bakacileka kulambila Lesa akutalika kulambila efodi iyo. Efodi iyo yakaba koose kuli Gidyoni abamuŋanda yakwe.