Kulonga 32:34 - Baibo Busansulushi Bwa Libuku Ili

³⁴ Ono koya, tanjilila bantu kuya kumusena uyo ngondakakulwiitaawo. Wiibaluke ayi munjelo wangu ulaakukutanjilila, sombi ciindi cilaakushikila ndyeshi nkape bantu mulandu pacibiibi cabo.”

Kulonga 32:34 ပူးပေါင်းရင်းမြစ်များ

Kulumbaisha 99:8

NoBaami baLesa, baLesa besu mwakakumbula bantu banu. Mwakabatondesha ayi muli baLesa balekelela shibiibi, nakubi kwaamba ayi mwakalinga kubapa mulandu pashibiibi shabo.

Kulonga 15:17

Mulaakubaleta akubekalika pakalundu kanu, musena, noBaami baLesa, uyo ngomwakasala ayi ube ŋanda yanu. Ŋanda yakumulambililaamo, noBaami baLesa, njemwakayaka nobeene.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Kulonga 23:20

“Amubone, ndaakutuma munjelo kunembo lyanu kwaamba ayi akamulaame mulweendo, alimwi akumushisha kumusena ngondakamubambila.

Kulonga 3:17

Ndayeeya kwaamba ayi nkabakushe muIjipiti, umo mobatoopenshekwa abuumbi, alimwi akubatola kucishi kuli bubile abulongo bubotu. Mucishi umo momuli bene Kenani, bene Iti, bene Amoli, bene Pelisi, bene Ifi alimwi abene Jebusi.

Kulonga 33:12

Mpomunyaawo Mose wakaambila Mwaami Lesa ayi, “Ncakwiila mwandwiita ayi ntanjilile bantu aba kucishi ico, sombi tamuna kundwiita wooyo ngweshi muntumaakwe. Mwaamba ayi mulinshi kabotu alimwi ayi mulikondetwe mumilimo yangu.

Kulonga 33:2

Ndaakutuma munjelo ayi akamutanjilile, alimwi mucishi ico ndaakutandamo bene Kenani, bene Amoli, bene Iti, bene Pelisi, bene Ifi alimwi abene Jebusi.

Isaya 63:9

Mapensho abo oonse alakwe wakapengaako. Ono munjelo uswa kuli nguwe nguwakabapulusha. Wakabapulusha ceebo ca lusuno lwakwe lutamaani. Wakabanyamuna akubayumuna mwiine kwa nshiku shoonse shikulukulu.

Jelemiya 14:10

Mwaami Lesa waamba makani aya pabantu aba ayi, “Balisuni bunene kwiingaila. Tabalitibukiiwo napaceyi. Aboobo nebo neMwaami Lesa ndabakaka. Ono ntokwiibaluka bubi bwabo akubapa mulandu ceebo ca shibiibi shabo.”

Jelemiya 23:2

Paceebo ceeco Mwaami Lesa, Lesa wa bene Isilaeli utookwaambila beembeshi abo beembela bantu bakwe ayi, “Ceebo mwakapalanganya litanga lyangu akulitanda, tamukwe kulilama, ndaakumupa mulandu ceebo ca bubi ubo mbomwakacita.

Jelemiya 5:29

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?

Jelemiya 5:9

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?

Osiya 8:13

Balabenga milambu kuli ndime akulya nyama ya njiyo. Sombi nebo neMwaami Lesa mumilambu iyo nshisangalaliliimo. Ono bulya ntokwiibaluka shibiibi shabo akubapa mulandu ceebo ca nshisho. Ndaakubaboosha kucishi ca Ijipiti.

Amosi 3:14

Waamba ayi, “Pabushiku ndaakupa mulandu bene Isilaeli ceebo ca shibiibi shabo, ndaakunyonyoola shipaililo sha bene Betelo. Meeca a mumakonko a cipaililo alaakutimbulwa akulokela panshi.

Amosi 3:2

Waamba ayi, “Pakati ka mishobo yoonse ya pacishi ca panshi, ndimwebo ndakasala kuba bantu bangu. Paceebo ceeco ndaakumupa mulandu pashibiibi shanu shoonse.”

Shakubelenga 20:16

Mpeeke twakalilila Mwaami Lesa ayi atucaafwe. Wakanyumfwa kulila kwesu akutuma munjelo uyo wakatukusha mucishi ca Ijipiti. Ono bulya tuli kuKadeshi, ndabala iyo ili kumanyinsa a cishi canu.

Mateyo 23:35

Aboobo mulaakupekwa mulandu ceebo ca bantu baluleme boonse bakacaikwa, kutalikila kuli Abelo uyo muntu ululeme kushikila kuli Sekaliya mwanaakwe Belekiya, uyo ngomwakacaila muŋanda yakwe Lesa pakati ka Musena Usalalite alimwi acipaililo.

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.